|
هل ستكمل الماستر ام لا
بسم الله الرحمن الرحيم
سؤال استطلاع عن اكمال الماستر باذن الله للراغبين نتمنى ايضا المساعده بطرح تجربة لمن خاض دراسة الماستر وما هي الخيارات المتاحه في اكمال هاذا البرنامج وما مدى اعترافها واعتمادها من قبل المملكة العرييه السعودية ايضا لمن يملك المعلومات عن الجامعات يشرح لنا الطريقه والمبلغ المطلوب... الخ ... مع ذكر اذا كانت الجامعه ستقبل خريجين قسم الانتساب ام لا ودمتم بود |
رد: هل ستكمل الماستر ام لا
السلام عليكم
اتمني استكمال الدراسة أن شاء الله فى نفس التخصص . كل التوفيق للجميع |
رد: هل ستكمل الماستر ام لا
ودي اكمل بس المشكله ان الماجستر العام شروطه صعبه والماجستير الخاص يحتاج فلوس
|
رد: هل ستكمل الماستر ام لا
صعب جدا
يحتاج فلوووسن واجدة |
رد: هل ستكمل الماستر ام لا
كثير جامعات تقبل خريجين الانتساب بس غاليه جداً
يصل سعر الماستر كامل سنتين لـ 100 الف وبعضها 125 الف:139: مثل جامعة اليمامه وجامعة الأميره نوره..الخ وطبعاً كلها معترف فيها وطبعاً ماننسى الأختبارات قدرات الجامعيين و كفايات اللغة الأنجليزية و جامعة نوره تضيف عليها اختبارات التوفل والأيلتس:bawling: ف أعتقد مالي في الماستر نصيب الله يعوض علي يارب:verycute: |
رد: هل ستكمل الماستر ام لا
الحمدالله .. بس فعلا غالي
|
رد: هل ستكمل الماستر ام لا
الطموح لايمكن ان يقف عند مستوى معين اجعل اهدافك دايما كانها واقع يجب ان تعيشه
|
رد: هل ستكمل الماستر ام لا
ياشباب يعطيكم العافيه ومبروك التخرج فيه احد يعرف جامعات بالدول العربية دراستها باللغة العربية وسعر الماجستير مقبول ارجوا من الاخوان اضافة تجاربهم ومعرفتهم بهذا الجانب تحياتي |
رد: هل ستكمل الماستر ام لا
اتمنى اكمل لكن مع هالدرجات المتشابهه اللي مخسفة المعدل مدري كيف ,, درجاتي من المستوى الاول الى الثامن تقريبا اغلبها نفس الشي مع اني اقدم تظلم وانا متاكدة ولايتغير شيء ,, حسافة الفلوس والله وبالنهاية الشهادة ولاشي |
رد: هل ستكمل الماستر ام لا
اولا موضوع جميل وانا يهمني جداً
المفروض أسجل السنه هذي ماجستير ادارة أزمات وكوارث لكن قدر الله وماشاء فعل وقفوهـا جامعة الملك عبدالعزيز صحيح غاليه الرسوم لكن مايهم اذا بحقق الحلم اللي ابيه لكن ماراح أوقف هنا وراح ابحث عن اي مجال انا ابيه واحسه مناسب لي عموماً انا في طور اجرائات التنسيق مع جامعة في بريطانيا شيفيلد والتخصص للماستر اللي ابيه فيها لكن المكت التابع للقبولات يبي الوثيقة اللي اتمنى استلمها بأسرع وقت للمعلومية الماستر اللي أتكلم عنه في بريطانيا مدته9اشهر وترجع للسعودية اذا تبي وتحظر الرسالة او البحث حسب دراستك للماستر وترجع تناقش وتكون خريج طبعاً هذي جامعة معترف فيها هنا لكن اتمنى التوفيق لي وللجميع |
رد: هل ستكمل الماستر ام لا
بحاول اكمل اذا الله كتب وتسهلت الأمور
الماستر ان شاء الله وما بعد الماستر اكيد هناك احباط من كل جهه لكن عندي هدف وبوصل له بأذن الله |
رد: هل ستكمل الماستر ام لا
ان الله ييسر انشالله
|
رد: هل ستكمل الماستر ام لا
فيه احد فكر بالبحرين او الكويت لدراسة الماستر او كان له تجربة بالتعامل مع الجامعة بالدول المذكورة بالتوفيق |
رد: هل ستكمل الماستر ام لا
اقتباس:
هلا آخوي بس كيف تواصلت معاهم ؟؟ |
هل ستكمل الماستر ام لا
سؤال مهم شباب للخريجين
انا اكتشفت خطأ بإسمي من خلال اخلاء الطرف ماهو الحل قبل لايطبعون الوثيقة خصوصا اني اسكن بعيدا عن الاحساء بحوالي٨٠٠كم . افيدوني جزاكم الله كل خير أرسلت بواسطة iPhone بإستخدام Tapatalk |
رد: هل ستكمل الماستر ام لا
لقيت هالموقع دراسه للماستر عن بعد ببرطانيا والسعر جدا معقول وبالعربي بعد
بس ودي اعرف معترف فيه عندنا او لا http://www.abahe.co.uk/%D9%85%D8%A7-...%B9%D8%AF.html |
رد: هل ستكمل الماستر ام لا
اقتباس:
كثيرا ما قرأت انها اكاديمية وهمية بإمكانك التأكد من قوقل |
رد: هل ستكمل الماستر ام لا
ان شاء الله لي رجعه بعد استلام الشهاده ....الان جالس ابحث عن الجامعات اللي تقبل الانتساب.
|
رد: هل ستكمل الماستر ام لا
بداية مبروك التخرج للجميع
ثانيًا بإذن الله ناوية أكمل وأفكر خارج السعودية لأن الأسعار هنا مكلفة فكرت بمصر أو الأردن أو أحدى دول الخليج والله يسهل .. |
رد: هل ستكمل الماستر ام لا
والله الرغبة موجوده
بس يبي لها بلوس بلووووووس |
رد: هل ستكمل الماستر ام لا
اقتباس:
ممكن تفيدنا طيب بالتخصصات ورابط الجامعة ولا عليك امر |
رد: هل ستكمل الماستر ام لا
نأمل إكمال الماجستير بس هل ياترى في عربي
ولماذا الجامعة لاتفتح لنا طريق دراسة في نفس الجامعة ليه نتشرد في جامعات أخرى ودراستنا من جامعة الملك فيصل |
رد: هل ستكمل الماستر ام لا
ما شالله
|
رد: هل ستكمل الماستر ام لا
ايييه ودنا بس خوفي المعدل يوقف بوجهي عائق
هل فيه مجال اكمل ومعدلي 2.98 |
رد: هل ستكمل الماستر ام لا
اقتباس:
|
رد: هل ستكمل الماستر ام لا
موضوع جداً مهم للي وده يكمل مشوار طموحاته وياليت يثبت الموضوع لأهميته أي أحد عنده معلومه أو أستفسار يدخل هنا بخصوص هذا الموضوع وجزا الله خير من فتح هذا الموضوع لأننا نعاني من البحث وخصوصا بعض المصادر غير موثوق فيها ووفقنا وياكم الله
|
رد: هل ستكمل الماستر ام لا
اقتباس:
وعليكم السلام ورحمة الله وبركاته بالنسبه لي بتلكم عن تجربتي تخرجت من جامعة الملك فيصل للتعليم عن بعد عام 1435هـ وقبل اكمال السنه الجامعية الاخيره قدمت على اختبار القدرات لأسباب اولها انني سأختبر اكثر من مره حتى احصل على درجة تؤهلني لدراسة الماجستير واختبرت كل الاختبارات اللي تطلبها اغلب الجامعات السعودية وكان اختياري ان ادرس بجامعة انتظام ، الحمدالله اخذت درجة طيبة في القدرات وسجلت بالجامعات وتقريبا اوقات التسجيل فيها تكىن مرة بالعام لذلك حاولت ان ابكر في اكمال كل متطلبات الجامعات واكملتها ،جامعة الملك سعود قابلوني وكانت ولله الحمد مقابلة ممتازة لكن ما حالفني الحظ فيها وكذلك جامعة الامام اختبرت وماحالفني الحظ حتى جاء اليوم اللي ارسلوا لي جامعة القصيم للحضور لاختبار القبول في الماجستير وحضرت الاختبار وللمعلومية قبل ان اذهب للاختبار قرأت اكثر عن تخصصي وتقدرون تقولون اني ذاكرت مذاكرة عميقة في التخصص والحمدالله انقبلت في جامعة القصيم وهذا الحين خلصت سنه جامعية وباقيلي سنه ، مع العلم انهم لم يقبلون من 150 طالبة الا تقريبا 7طالبات ، جامعة القصيم جامعة حكومية انتظام وانتظام لاتكن احلامكم بسيطة وترضون بالقليل ، سجلوا بكل مكان فيه تسجيل سواء اهلي او حكومي . تمنياتي لكم جميعاً بالتوفيق والنجاح :106: |
رد: هل ستكمل الماستر ام لا
باذن الله
بدت من الان ابحث عن مواعيد القبول والتسجيل بالماستر بالجامعات الحكومية والاهلية |
رد: هل ستكمل الماستر ام لا
اولا لازم نختبر القدرات الجامعيه واختبار اللغه الي يسمونه توفل او استب
فاتوقع السنه هذي للاسف راحت علينا نقول الجاي افضل بعون الله |
رد: هل ستكمل الماستر ام لا
اقتباس:
بالتوفيق يارب اصرار وتفاني كم المعدل الحاصله عليه بجامعة الملك فيصل ياليت تفيدينا باكثر الامور لان الكل دايخ بهالموضوع . |
رد: هل ستكمل الماستر ام لا
مرحبا
موضوع جدا حلو وانا مع تكملة الماجستير بس للاسف ما عرفت وين اتوجه كلمت الجامعة الالكترونية وقالوا لي بالحرف ما نقبل شهادة بكالوريوس عن بعد وبحثت بالنت وما لقيت شي يفيدني ويحمسني اني ابحث وبصراحة اكثر اخاف يبرد حماسي او يروح على وقت التسجيل وانا ضايعة وياريت احد يفيدني متى استلام الشهادات ؟ وشكرا |
رد: هل ستكمل الماستر ام لا
المجالات ان شاء الله مفتوحه للجميع ولكن يجب التخطيط جيدا وتحديد الهدف وان شاء الله لكل مجتهد نصيب والله يوفقنا واياكم يارب لتحقيق اهدافكم بالدنيا والاخره
|
رد: هل ستكمل الماستر ام لا
بإذن الله احاول اخذها بعثه من الدوام
|
رد: هل ستكمل الماستر ام لا
يسعد مسائكم
حاليا احاول اتعلم اللغه عشان اختبار التوفل واجهز كل الاوراق المطلوبه من اختبار كفايات وقدرات يعني على سنه هذي اضبط اموري باذن الله ومتفائله خيير ماستر انتظااام ان شاء لله ولله يجزاك اختي رنو كل خييير بطرح موضوعك عطيتينا امل ي ليت تقولي لنا اكثر . وخاصا عن المقابله كيف بتكون وطريقه الاسئله عارفه تخصصك غير عن تخصصي بس بعرف طريقه وكمان عن التوصيه الافضل نطبع انجليزي ؟ واختبار توفل مدى صعوبته ؟؟ ويعطيك العافيه |
رد: هل ستكمل الماستر ام لا
بالنسبه لللاعتراف بالماجستير بسيطه خذ الجنسيه السودانيه او اي جنسيه اخرى وجب معك الماجستير كل يعترف بك ويشغلك لكن اذا انت سعودي مايعترفون بك حتى لو اخذت الماجستير من داخل السعوديه
للاسف هذي نظرة وزارة التعليم العالي |
| All times are GMT +3. الوقت الآن حسب توقيت السعودية: 05:54 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام