|
#فضفضه_خريج ( شاركوني ما قبل صدور النتائج )
يسعدلي اوقاتكم بكل خير .. بما اني خريج بإذن الله اتوقع اني بكون فوق النظام < صح جنون ولا لا ههههههههآآي .. امزح امزح اولا : ان شاء الله الموضوع ما يكون مخالف للقسم ثانياُ : فتحت الموضوع تغير جو من مواضيع الوداع والخ < تحز بالخاطر مواضيع الوداع ثالثاً : فكرة الموضوع عبارة عن / أ- فضفضة خريج/ه ب- موقف صار لك ايام الاختبارات ما نسيته ج- تبي تقولنا كم تتوقع معدلك د- تحس ان دراستك الجامعية فادتك وغيرت اشياء كثير بحياتك .. ( قول اللي بخاطرك ) هـ- اختبار ما نسيته لليوم . الخ .. اخيراً : الموضوع عبارة عن فضفضة للخريجين قبل ما تطلع نتايجنا وتكتمل فرحتنا بالنجاح بحول الله وقدرته |
رد: #فضفضه_خريج ( شاركوني ما قبل صدور النتائج )
ببدأ انا
اكثر شي عانيت منه وقت الاختبارات هويتك هذا انت ارفع رأسك متأكد انت ياخي طفشششت خصوصا بالبداية طلعت لهم الرخصة وطلعت لهم بطايق البنك < مدري شدخلها بطايق البنك هههههههههههه اخر شي جاني مدير المركز قول رقمك الجامعي < نظام تسميع صارت لي مرتين ( المرة الاولى ما استقعدوا لي مثل ذي ) لين تعودوا علي خلاص حسيت اني صرت صديقهم ^_^ |
رد: #فضفضه_خريج ( شاركوني ما قبل صدور النتائج )
الله وش ذا التعقيد احنا مايسئلونا شي بس عقدتني مراقبه كل ماتشوف تعريف الاختبار تقول وش ذا ممنوع
كل مره اشرح اقولها مو حافظه رقم الاي دي ولا السجل الاكاديمي لازم اجيبه ماش عومه ماتفهم مع قلم الرصاص الي ابثرونا فيه ع بالهم قلم كارتيل كل ماطلعنا هاتوه طيب انا اتفائل بقلم من اول الامتحنات مابي اغيره وكل مره اصمم واخذه لين اخر اختبار |
رد: #فضفضه_خريج ( شاركوني ما قبل صدور النتائج )
اي والله صادق ماادري ليه مايصدقون اننا اللي في البطاقه وهم لو نشوف بطايقهم بعد نفس الحاله بس يضيعون علينا الوقت خاصه ان ورقة الاجابه يبيلها وقت مانخلي شي الا ونكتبه استغفر الله وبخصوص اختبار مانسيته ابد هو اخلاقيات الاعمال حسبي الله ونعم الوكيل و الاحصاء ماادري باي مستوى خذيته ب اذكر عطانا اياه النجار :verycute: |
رد: #فضفضه_خريج ( شاركوني ما قبل صدور النتائج )
اقتباس:
لا مركزنا ما يطلب شهادة التعريف اهم شي الهوية وكذا على طاري الاقلام بقولكم سر : صراحة من اول يوم في الاختبار الى اخر يوم في الاختبار تم زرف الاقلام بنجاح ههههههههههههههههههههههههههههههههآآي يارب ان تسامحني الجامعة ياخي انا داخل معهم تحدي رجع القلم ( اقول بنفسي والله ما يرجع ) مره وحده بس مراقب قفطني قال هات القلم قلت له معليش احتاجه < بجاحه فييييييه |
رد: #فضفضه_خريج ( شاركوني ما قبل صدور النتائج )
اسمح لي انا بشارك وسامحوني لو طولتها شوي ,, انا اساساً ما فكرت اكمل دراستي لاني مقبولة انتظآم بمكآن بعييد عن اهلي وللأسف رفضوا ف قررت أعآند , ترم كااامل بعدها كآن مشغول بآلي هل اشتغل ؟ هل ادرس ؟ ف بعدهآ قررت ادرس .. لما لقيت نفسي أعدي وانجح الحمدلله صرت اهتم واتمسك أكثر وأكثر وأكثر ,, صحيح كل ما تقرّب الإختبارات ف كل سمستر يرتفع ضغطي واشيش على اهلي واعصب واقول خلااااااص مابي وبسحب وو اصلا هالجامعة جابت لي المآحي بس بنفس الوقت كنت اتمنى تجي لحظة تخرجي بأسرع وقت والحمدلله ربي يتمم جت ,, احس مدري احس مب مصدقة , احس اني محتآرة هو الشي اللي ابييه انا ليه أحتار ! ايه انا محتآرة لأن ما ادري اكمل ؟ اشتغل ؟ مدريي بس الله يسهل الامور ربي يعطينا على نوايانا |
رد: #فضفضه_خريج ( شاركوني ما قبل صدور النتائج )
اقتباس:
كل شي يصير لنا هو خيره لنا نجاح رسوب قبول غير قبول تكمل دراسة توقف تشتغل ما تشتغل قس عليها ما شئت من الامور اللي تحدث لنا // بالنسبة لي شغلتين صارت لي الاولى : اذكر وانا بالمتوسط ( صغير ) قلت لأمي انا بدرس ادارة اعمال وباخذ بعدها الماستر فيها ( وانا بثالث ثانوي سحبت على كل شي لا اهتميت بالنسبة ولا معدل ولا سويت اي شي بحياتي قلت وظيفتي جاهزة اشتغل احسن ) |
رد: #فضفضه_خريج ( شاركوني ما قبل صدور النتائج )
اذكر موقف خاااااااااااااااااااااايس مرة مرة كنت متأخرة على اختبار الدولية ومرة مرتبكة وأدخل القاعة ووش صار ؟ عبيت الاستمارة حقت الاجابة وكل شي وأخذ ورقة الاسئلة واحل واحل واحل واحل وانا احل ادعي له كان دكتور محمد دليم الله يذكره بالخير ما قصر معنا واحل احل , فجأة جابت لي المرآقبة ورقة ااشر فيها على حرف النموذج و اوقع جنب الحرف وههههههههههههههههه تطلع استمارة الاجابة e و النموذج a وأقعد أصييييييح خلصت دموعي ذاك اليوم وجابوا مرآقبة ثانية ومشرفة وو كلهم على رااسي حتى خفت من لمّتهم يشتتون البنات الرحمة من الله سبحآنه يالله لك الحمد الرحمة ان الاسئلة سهلة سهلة جداً لو انها محاسبة ولا مطاريس ثانية كان رحت فيها من المواقف اللي لو ايش مقدر انساه |
رد: #فضفضه_خريج ( شاركوني ما قبل صدور النتائج )
الثانية :
بعد ما توظفت وشفت الوضع مرة مو في صالحي جدا انقهرت اني ضيعت نفسي وشغلات كثيره كانت ضدي قررت ادخل دبلوم شبكات < للحين بخاطره يدرس هالمجال لين نصحني صديق لي بالجامعة ذي وقلت يالله توكلنا على الله ان نجحت في اول ترم راح استمر غير كذا بوقف لين حصلت نفسي خريج والحمدلله |
رد: #فضفضه_خريج ( شاركوني ما قبل صدور النتائج )
اقتباس:
هههههههههههههههههههآآي اذكر اختبار الدولية جدا جميل كان الحمدلله عدت على خير بكره ان ما تقفل الموضوع بقولكم اصعب اختبارات واجهتني وكذا يعني ^_^ |
| All times are GMT +3. الوقت الآن حسب توقيت السعودية: 04:28 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه