[وهــم !!]

المشاركة الأصلية كتبت بواسطة حـــــلا الورد

يسعد مساآكـ ,,




* موقف في أيام الأختبار :
في اختبار التعاقد والتفاوض ,, جلست على مقعد في أخر الفصل ,, كالعادة , و الاسئله لسا ما توزعت , وبدأت أعبي البيانات على ورقة الاجابه وبعد ما خلصت بشوي توزعت الاسئلة لين جا دوري ,,,,, قالت لي المراقبه : أنتظري اجيب لك نموذج من الفصل الثاني ,, قلت لها :أوكي ,
وأنتظر ,
وأنتظر ,
وأنتظر ,
كل ما أسأل المراقبه الموجوده في الفصل تقول شوي وبتجي ,,
لين مرت نص ساعه على بداية الاختبار ,,
إلا تجيني مراقبه ثانية تقول لي : نعتذر منك النموذج المطابق للورقة الاجابه الي عندك خلص ! تفضلي ورقة اجابه ثانيه !


مـــــــــــــا أوصف لكم الشعور وقتها ,,


قلت لها : اذا تسمحي لي حأحل الاسئله أول شي بعدين أعبي البيانات ,,
سكتت شوي على أساس بتعترض ,, بعدين وافقت .. وحل ي معلمـ ..< هههههه صارت روايه


* بالنسبه للفائدة :
أكيد الحمد لله إستفدت جدا خصوصا بالمواد الي تتعلق بالإدارة والمالية ,, رغم اني ما كنت مقتنعه بالتخصص من البداية لكن مع الدراسه حبيته والحمد لله حاليا الوضع تمام


أشكركـ اخوي وهم على هالمبادرة
حنفتقد مثل كذا مبادرات ,,
و الله يبشرنا جميعا بأعلى الدرجات يارب العالمين ,


تحياتي

اوووف
والله زين ما لخبطتي مع الحوسة ذي الحمدلله عدت اجل
يسعدك ربي شكرا على مرورك وردك الجميل

المشاركة الأصلية كتبت بواسطة فايز الناجم

تحية للجميعتدرون وش اكره شي بالإختبارات كتابة معلوماتي بالنموذج وخاصه انا اقر انا هذا المعلومات صحيحه..........
صرت اكتبها زي وصفت دكتور ما ادري انا وش كاتب ولا فيه احد يقدر يقراهاااا

والله انك صادق
انا صرت اكتبها من راسي حفظتها خلاص

المشاركة الأصلية كتبت بواسطة ريم العمري

-



على طاري الأقلام أتوقع أنا أكثر وحده خلصت أقلامهم ،
أدخل أول إختبار أخذ قلم وأطلع وأرجع فيه البيت معاي ما يحرصون عليهم مثلكم يجي الأختبار الثاني القلم الأول معاي بالشنطه بس أقول في نفسي عناد فيهم يعطوني واحد ثاني وبعد الأختبارات أوزع على البيت اللحين عندي كثير خاصه ذاك إللي فيه أكثر من راس ،

صفي جمبي ههههههههههههههآآي
المشكلة اغلب اقلامي اللي خذيتها منهم ضاااعت
مدري وين تروح

المشاركة الأصلية كتبت بواسطة EKLeiĽ

أنا ماعندي مواقف ببالي الأن كنت اروح اختبر و اطلع مالي احتكاك بأحد اتوقع حتى بالملتقى هنا مو كثير يعرفوني لأن مشاركتي خلف الكواليس و دعوات لكم و لكل من ساعدنا لو بشي بسيط ..
و الحمد لله عدت على خير رغم بعض العقبات اللي واجهتني الين اخذ الشهاده الجامعيه لكن الله يسرها

و الله يكملنا التخرج على خير و يوفق الجمييييييع بالنتايج و استلام الوثايق و كل امور التخرج

و من جد كثيرافكر كيف اترك هالمكان احس اني لو جيت اطل بعد سنه او سنتين ما ح اعرف ولا احد هنا و هذا حال الدنيا كلن يشوف حياته..
إلا صحيح بسألكم عن شخص كان معانا بدفعتنا و يساعدنا بالمستويات الأولى و كان دايماً متواجد و نشيط استفدت منه كثير الله يذكره بالخير
و كان اسمه بحر العطاء احد يعرف ايش اخباره او هو غير اسمه او شي ؟!
ولو أن سؤالي جا متأخر لكن الأشخاص الطيبين دايماً الواحد يتمنى يعرف اخبارهم و يطمن عليهم و ماننسى جمايلهم

ي هلا ي هلا
هلا باللي خلف الكواليس
الله يسعدك
بحر العطاء اتذكره لكن ما اعرفه للاسف
ان شاء الله انه يكون بخير ونشوفه قريب

المشاركة الأصلية كتبت بواسطة karom

اكثر شي عانيت منه ان اسمي طويل 😂😂
اجلس بالتظليل ساعه
بس بالاترام الاخيرهرمن زود الخبره صرت اظلل الحروف بالعكس 🙈

والله انا دايم اقول اللي اسمه طويل الله يعينه < يسلك لنفسه وهو يكتب البيانات
عاد مره جاني مراقب يقول شفييييييييييك
خرشني قسم قلت انت وشفيك
يقول ليه تظلل كذا شوي شوي ياخي
يقول شف العالم كيف تظلل مو مثلك
يا حبيبي شسوي تعودت اغمق ام ام ام الدوائر ذي حقها
اطمئن ياخي ..

يسعدكم ربي
محبتي لكم