|
تكفوووووووون داخل على الله ثم عليكم
[align=center]
السلام عليكم ورحمة الله وبركاته يا أخواني هذا رابع موضوع انزله بخصوص قصتي مع التسجيل تكفوون يأخواني ابيكم تفيدوني انا سجلت نسبتي بالغلط وخايف انهم مايقبلوني عشان النسبة مرة نازلة كاتب 61.32 وأمس بعض الشباب ماقصر وأعطاني بعض إيميلات المسؤوليين لاكن وربي ارسلت لهم كلهم بس للأسف ماحد رد علي وكلمت أحد الدكاتره ويالله رد ويوم شرحت له وضعي قال مادري بشوف يوم السبت كلمني ويصير خير بحاول استفسر والمسأله مايبيلها أستفسار خصوصاً ان النتائج يوم الاثنين القادم تكفون عطوني حل واللي يقدر يخدمني بهالشيء راح ادعي له بظهر الغيب انا ماصدقت التسجيل يفتح كنت استنى هالشيء ع أحر من الجمر وبالاخير يعاكسني الحظ !! الله لايخيب أملكم ويوفقكم بإختباراتكم ساعدوني [/align] |
رد: تكفوووووووون داخل على الله ثم عليكم
روقّ أخوي :biggrin:
بعطيك رقم للدكتور مصلح وكلمه وخذ العلم من رآسه :cheese: 0534513395 بالتوفيق.. |
رد: تكفوووووووون داخل على الله ثم عليكم
الحل انك تروح للجامعه في الحساء وتقابل المسؤولين هذا في حال ظهور النتائح ولاقبلوك ,,, واذا قبلوك وجيت ترسل اوراقك اكتب خطاب توضح فيه الخطاء وارسله مع الشهاده عن طريق البريد الممتاز ,,,, وسلامتك
|
رد: تكفوووووووون داخل على الله ثم عليكم
اقتباس:
[align=center] اختي هو هذا الدكتور الي اتصلت عليه ،، طلع مدلخ يقول اتصل علي بكره يقصد اليوم ويوم اتصلت عليه الا نايم ،، وقلت ها عدل نسبتي يقولي ياخوي اليوم الخميس قلت ادري ان اليوم الخميس امس انت تقولي دق علي اليوم قال لا لا انا حسبت اليوم الثلاثاء وبكره الاربعاء لاباين عليهم انهم مدلخين وماهم نافعيني ياوجه الله وجهك يارب :icon9: [/align] |
رد: تكفوووووووون داخل على الله ثم عليكم
اقتباس:
[align=center] ياخوي انت ناوي تمشوربي من الرياض للأحساء انا عندي دوامات ومايمديني شوفولي حل يالربع لاتجنوووني :icon9: ولا ابي واحد يفزعلي ويدخل بالمنتدى حقهم ويطرح هالموضوع على الدكتور النجار ،، ويكتب عاجل عاجل عاجل جداً [/align] |
رد: تكفوووووووون داخل على الله ثم عليكم
[align=center][/align]والله ودي اساعدك بس مدري وشلون عارفة أنك محتاس وكذا طيب قلي وش سالفة هذا المنتدى مدري عنه وانا باحاول قد ما أقدر اساعدك بس قلي كيف على المنتدى
|
رد: تكفوووووووون داخل على الله ثم عليكم
:71:السلا م عليكم ورحمة الله وبركاته اخواني اخواتي ابغى الفزعه بالاسئله التي تنوب عن مذاكرة محاضرات الصحه والياقه الستوى الاول اختكم في لله
|
رد: تكفوووووووون داخل على الله ثم عليكم
اقتباس:
[align=center] اختي فيه منتدى تابع للجامعه مايدخله غير الي يدرس في الجامعه كل الدكاتره هناك متواجدين مجرد ماتطرحين عليهم السؤال يردون عليك انا لو عندي احد اعررفه كان قلت له ادخل على المنتدى لكن الشكوى لله انا ابيك ولاتهون يالغاليه تدخلين على هالمنتدى وتطرحين هالسؤال قولي فيه واحد مسجل وذكر النسبة الي في التسجيل غلط حيث النسبة الي سجلها 61.32 وماظن راح يقبلوني وهاذي النسبة قولي يبي يحاول يعدلها ولا انتم عدلوها له بحيث مايتم اعلان النتائج والنسبة الفاشلة هاذي هي الي نكبتني :icon9: واكون شاكر ومقدر لك يابنت الاجواد [/align] |
رد: تكفوووووووون داخل على الله ثم عليكم
الله يفرجة عليك
لاتخاف اخوي اقبلو اشد منك نسبة ماتدري لعل الله يقلب النتايج |
رد: تكفوووووووون داخل على الله ثم عليكم
[align=center]
الله يجزاك بالخير ،، ويمكن خيررره لاتكره ولاتحب،، [/align] |
| All times are GMT +3. الوقت الآن حسب توقيت السعودية: 10:11 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام