|
تشتيت وتضييع للجهود هام جدا
السلام عليكم ورحمة الله وبركاته
اخواني ملاحظ هالترم في تشتيت في الطرح الخاص بالمواد واختباراتها الاخوان والاخوات ماقصروا بفكرة التجمعات للمذاكرة والله يعطيهم الف عافية على المجهود ولايهون البقية.. بس بدون زعل وعتب محب للاسف مثل التجمعات مامنها فائده هالترم ملاحظها مجرد اسئلة واجوبة كنها تسميع وتحفيظ ... نتمنى يكون فيه موضوع خاص لكل مادة يكون فيه الاستفسارات ويكون فيه كل واحد يطرح ماعنده يخص هالمادة من اسئلة من كويزات من شرح مو مثل ماهو صاير كل اسئلة والا شي يخص مادة تلاقيه بموضوع لحاله هذا دليل ان التجمعات مالمت نتمنى يكون الوضع مثل الترم الماضي موضوع يسمى مجلس مادة كذا خيمة ديوانية للي تبون بس تلم كل شي عن المادة ويكون حتى الاستفسار عن المادة من البقية في نفس الموضوع نتمنى مساعدة المشرفين في هالتنفيذ حتى يلم كل مايخص مقرر في متصفح واحد لان هالتشتيت راح يتعب الجميع ........ والله يوفقنا جميع يارب واعتذر مره اخرى عن ماقيل عن التجمعات وهو عتب محب لا اكثر |
رد: تشتيت وتضييع للجهود هام جدا
:3: ,حتى انا ملاحظه هالشي
تعرف ليه محمد نحن مو مثل قبل بسبب الضغط اللى حنا فيه وان شاء الله يتعدل وضعنا لاننا مو ملحقيين على شي وبعضنا اخذ 10 مواد وين بيودي وجهه واللى ماخذ 9 مواد ورا بعض الله يكون بعونا موفقيين يارب :16: |
رد: تشتيت وتضييع للجهود هام جدا
والله اني تهورت وخذيت تسع مواد وتوني من اسبوع حملت المحاضرات وحليت الواجبات وامس شريت المذكرات كولكم فيه امل اعدي لا اعتقد ذلك الله يوفق الجميع
|
رد: تشتيت وتضييع للجهود هام جدا
ان شاء الله تعدي كون واثق بالله ثم بنفسك وكلنا نفس الشيء بس الواحد يهونها وان شاء الله ربي بيسهلها
|
رد: تشتيت وتضييع للجهود هام جدا
من جد خربطه كثيرة حتى كلهم حافضتهم ع سطح المكتب واجتمعت مع بعض وشكلي ماراح استفيد منهم لانها تجمعتالمواد مع بعض وزادت الخربطة ويضيع الوقت وانا ادورها بس لوفيه كويزات هيه الي حلوه ومفيده
|
رد: تشتيت وتضييع للجهود هام جدا
توبه اخذ عشر مواد من الترم الجاي امشي على الخطه احسن
|
رد: تشتيت وتضييع للجهود هام جدا
المواضيع كانت لمجرد المذاكره مع بعض يعني مذاكره جماعيه والي يحب يشوف الاسئلة الي دارت بينهم ووش كانت اجوبتها هي مجرد وقتيه او زمنيه هم شجعوا بعضهم على المذاكره و ذاكروا قبل الأختبار اما الآن هي مجرد للأطلاع لمن فاته ولا يوجد شيء يا أخي الكريم ليس منه فائده فيما يخص المذاكره الفائده عادت لمن ذاكر معهم اولاً بأول او كان متابع لهم . اسمح لي هذا كلام يزعل في حقهم . والا ماكان الإداره تركت مواضيعهم وحذفتها بس هي مواضيع حيويه وتبث في القسم النشاط اما يجي شخص مايدخل المنتدى بأستمرار وما يوم ذاكر ماده على نهاية السنه يحكم بهذا الحكم القاسي على مواضيع صار لها اسابيع وشهور ! لايجوز ابداً |
رد: تشتيت وتضييع للجهود هام جدا
صحيح انا عانيت من كثرة المواد اللي اخذتها بس وكوني بالمستوى ثالث على الاقل تكون عبرة ان ما نأخذ مواد اكبر من طاقاتنا:24:
|
رد: تشتيت وتضييع للجهود هام جدا
:12::12::12::12::12::12::12::12::12::12::12:
نفس الحالة ( 9 ) مواد بصراحة هي سهلة وحليوه لكن كثييييييييييييييييرة بالمره ومافي وقت كلها وراء بعض أيام الاختبار لكن نسأل الله العلي القدير أن تكون الأسئلة سهلة وميسرة ويوفق الجميع |
رد: تشتيت وتضييع للجهود هام جدا
فيه اقتراح كبير في فائدتة وقديم منذو 3 اترام ان تقسيم المنتدى يكون على حسب الماده بدال ما يكون بالمستويات |
رد: تشتيت وتضييع للجهود هام جدا
يعطيك الف عافيه على طرحك اول
بالعكس التجمعات مفيدة جدا والاسئلة موجوودة للمراجعة بعد المذاكرة والي عنده اي سؤال يروح لتجمع المادة وماراح يقصرون معه الي ماسكين التجمع وبالنسبه للكويزات بدال محد يجلس يتذمر عليها ياليت يقعد يسويها والاسئلة والحلول جاهزه ولهم كل الشكر والتقدير والان الكل في حاله ضغط ويبغي يذاكرر |
رد: تشتيت وتضييع للجهود هام جدا
اقتباس:
كلام سليم :16: |
رد: تشتيت وتضييع للجهود هام جدا
ابو الياس فكره جميله .. خصوصاً ان هناك من لا يتقيد بخطة الجامعه في وضعه جدوله بحسب ظروفه فيحتار كيف ومع من يتماشى في مذاكرة الماده ,, اما بالنسبه للأخوان الي قالوا 9 ةو10 مواد ترا للتنبيه فقط خطة الجامعه اغلب المستويات 8 او 9 مواد الا اذا تبون تخللون :42:في الدراسه بتزيدوا لكم سنه خامسه وههذي حريه شخصيه |
رد: تشتيت وتضييع للجهود هام جدا
الاخوات للي يقولن اني اخطيت بحق التجمعات انا قلت انه عتب
وهي فكره حلوه ومجهود ادعي لهم عليه ... بس انا قصدت ولو انكم معنا الترم الماضي عرفتم للي اقصده من التجمعات المفيدة صح ممكن في هالتجمعات مانطلب بس تضيع مع كثرت الطروح بشكل تسميع والله يشهد اني ماقصدت اقلل من مجهود احد لا والله كلهم على الراس والعين اتمنى يفهم الموضوع من زوايته الصحيحة |
رد: تشتيت وتضييع للجهود هام جدا
اخي كيف يفهم الموضوع من زاويته الصحيحه بهذا الوقت المتأخر .. اما كنت قدمته كأقتراح في بداية السنه او اجلته للترم القادم .. اما الآن وهم على نهايته ومقدم من الإداره كمرجع للفائده فهذا الحديث لا يجدي نفعاً ابداً |
رد: تشتيت وتضييع للجهود هام جدا
اختي ربي يحفظك الوقت ماهو متاخر
لو بدأنا من الان لكل ماده على الاقل ليلة الاختبار الواحد يلاقي للي يبحث عنه اما بخصوص الترم القادم الله يعطينا واياكم العمر نتمنى بجد تكون من البداية .. وتبقى وجهة نظري اراها انها تجدي نفعا وربما غيري كذلك لان الوقت لازال متاح وبالنهاية انا قلت فكرتي واخر مالدي الدعوات للجميع بالتوفيق |
رد: تشتيت وتضييع للجهود هام جدا
اقتباس:
اهنيييييك على الرد بصراحة قوي :3:.. احنا معاك يا محمدوف وبالتوفيق لك على طرحك الجميل اللي بصراحة انه يحاكي مافي قلوبنا وعقولنا .. نحن نعاني فعلاً هذا الترم من الطرح المشتت وهاذي المجالس بصراحة لاتجدي نفعاً.. ومن هنا اضم صوتي لصوتك واطالب الادارة هنا ان يعيروا الاهتمام برغبة الطلاب والمصلحة العامة من ذلك |
رد: تشتيت وتضييع للجهود هام جدا
التجمعات انا نادراً ماااتابعها مادري وش وضعها
لكن حبيت اعلق ع الاخوان والاخوات اللي يتذمرون من العشر مواد صح فيه ضغط ولا راحة بين المواد نعم صحيح هالكلام لكن انا ببدا مذاكرة بكرة اللي هو الاثنين وتراني بادي بدري هالترم ..... الترمين اللي راحوا قبل الاختبار بيوم اذاكر اجيب هالملزمة وارص عليها صح اتعب وفيه قل نوم ومع الدوام والبيت وعيالي بس ع وضعي هذا جبت 4,68 تراكمي ......طبعاً لاحد يقول عبقري لالالالا من زمان منقطع عن الدراسة والمذاكرة بس شوية تركيز وضغط وكلها كم يوم وتعدي بإذن الله اتمنى كلامي يكون فيه دافع لمن يقرأه ......... لاتنسوا صفوا النية ودعاء الوالدة |
رد: تشتيت وتضييع للجهود هام جدا
بسم الله الرحمن الرحيم يعطيك الف عافيه اخوي محمد وياليت انك تكون فال خير علينا انت وموضوعك الرائع . كلامك والله صحيح .. طيب وش رايكم نحط موضوع عن مادة خدمة الفرد دامها هي اول ماده بالاختبارات ويكون الموضوع يجمع كل شي عن الماده |
رد: تشتيت وتضييع للجهود هام جدا
خدمة الفرد مو اول مادة بالاختبارات يافهد
|
رد: تشتيت وتضييع للجهود هام جدا
اسس الخدمة الاجتماعية اول مادة.. اخاف يافهد انك مضيع ومن الحين عاد مشكلة والله
|
رد: تشتيت وتضييع للجهود هام جدا
اقتباس:
هالموضوع هو المبرروك . كايد عزز الله اني مضيع اقلب هالملزمه من اليوم وطلع الاختبار اسس الخدمه الاجتماعيه هههههههههههههههه هذا اولها الله يعين على تاليتها |
| All times are GMT +3. الوقت الآن حسب توقيت السعودية: 10:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام