|
ساعدوني ياأهل الفزعه تكفون
السلام عليكم ورحمة الله وبركاته انا بمشكله وابي منكم الفزعه بليز انا سجلت في الجامعه وسددت الرسوم وارسلت الوثائق لاكن مو هنا المشكله المشكله كيف بعرف اذا الوثائق وصلتهم او لاء؟!:36: والمشكله الاكبر ان ماتجيني اي رساله على جوالي من سجلت غيري سجلو معي وتجيهم رسائل الا انا وش الحل ابي اغير رقم جوالي ولا عرفت كيف الطريقه يحولوني على النظام البانر وانا هذا ماعرف له ولا اعرف وش طريقته وغير كذا يقولون ادخلي رقمك الجامعي وكلمة المرور:5: طيب انا كيف بعرف وشي كلمة المرور دام ماجتني اي رساله بليز ساعدوني والله صرت افكر اني انسحب حسيت الوضع صعب وتلخبطت ولااني عارفه راسي من ساسي تكفون انا مبتدئه ولا عندي اي معلومه او خبره عن الجامعه ولا طريقة التعامل بليز ساعدوني من وين بجيب الرقم السري للرقم الجامعي كيف بغير رقم جوالي كيف بعرف ان اوراقي وصلت لهم ووش الخطوه اللي لازم اتبعها بعد القبول والبانر وشو الله يفتحها بوجهكم ساعدوني:12: لو ارسل لكم بياناتي ع الخاص وتظبطونها انتم:12:عجزت انا والله:7: |
رد: ساعدوني ياأهل الفزعه تكفون
وعليكم السلام ورحمة الله وبركاته
مبرووووووووووووووووووووووك القبول لالالا وش تنسحبين سلامات ناس تركض وراء القبول ما قبلوهم انتي هنا في الصرح الجامعي تحتاجين جرعات من الصبر :29: والأمور طيبه انتظري بيفيدونك الأخوان والأخوات الله يوفقك |
رد: ساعدوني ياأهل الفزعه تكفون
اختي اول شي مبروك قبولك ثاني شي اختي اوراقك اهم شي انك سلمتيها للبريد ورح توصل في الوقت المحدد 100% لا تشيلي هم الوثائق ,, اما الرقم السري فرح يرسل لك على رقم جوالك الي سجلتي فيه , اما البنر اختي ما تحتاجينه الحين لان البنر خاص في تسجيل المواد وانتم الجدد موادكم للمستوى الاول تسجلها الجامعه والمستوى الثاني ان شاء الله رح تعرفين البنر اهم شي بعد ما يجيك الرقم السري تدخلين فيه على الانظمة وهذا موضوع فيه شرح رح تستفيدي منه http://www.ckfu.org/vb/t488696.html |
رد: ساعدوني ياأهل الفزعه تكفون
اقتباس:
الله يبارك بعمرك اخوي الجارح :39: المشكله مايوصلني رسايل على جوالي عشان كذا ابي اغير رقمي كل اللي سجلو معي جتهم رسايل الا انا وهنا انا بمشكله لان كيف بيرسلون لي الرقم السري وش الحل اخوي الجارح والله معاد ادري وش اسوي |
رد: ساعدوني ياأهل الفزعه تكفون
اقتباس:
الله يبارك بعمرك والله فقدت الامل قلت وش الورطه اللي ورطت نفسي فيها ماعرف للنظام كيف ولاعندي احد قريب يعرف له ويشرح لي شلت همه والله مشكوره على ردك |
رد: ساعدوني ياأهل الفزعه تكفون
اقتباس:
لا اله الا الله محمد رسول الله عذرا تكرر الرد :29: |
رد: ساعدوني ياأهل الفزعه تكفون
اقتباس:
الخوف يقتل الطموح..! راح تتعلمين حبه حبه بس أصبري وأذكري ربك وأستغفري حلك سهل أذكر كان فيه مثلك بس نسيت وش الحل :7: انتظري أخونا الجارح يفيدك |
رد: ساعدوني ياأهل الفزعه تكفون
اقتباس:
اختي تطمني ولا تشيلين هم ,, بتوصلك الرساله على نفس الرقم الي سجلتي فيه في البدايه لا تغيرين شي الحين ,, اهم شي اختي اورقك سلمتيها للبريد الباقي يوهون يعني لا تهتمين في شي ابد كلها 3 الى اربع ايام ويجيك الرقم السري وبعدين الدراسه حسب التقويم الزمني تبدى 25/10 وممكن تتاخر اسبوع بعد يعني لو جلستي الى بعد بداية الدراسه بسبوع برضو ما عندك اي مشكله حتى لو جلستي شهر اهم شي الى الواحد يخاف منه هو تسليم الوثائق للبريد والباقي مثل ماقلت لك سهالات انتظري اخي واذا جاء اسبوع ماوصلك الرقم السريه ان شاء الله رح نعطيك طريقه في تحديث رقم جوالك اذا بغيتي تغيرينه ,, لكن ان شاء الله ما يحتااااج ,, والبنسبه لمعرفة دخول المحاضرات احمدي ربك انك سجلتي في هذا المنتدى كل شي ما تعرفينه رح تعرفينه ورح تعلمين ان شاء الله الاخوان والاخوات الي يجون بعدك في السمسترات الجايه ,, بالتوفيق |
رد: ساعدوني ياأهل الفزعه تكفون
انا نفس وضعك وقلقه وكل شوي أناظر بجوالي , بس جالسه اصبر نفسي واحاول اهدي اعصابي لإن الجامعه يبي لها طووول بال
بس اذا ظلينا على هالوضع مع هالقلق مراح نرتاح:36: ريحي بالك وانتظري :16: بالتوفيق للجميع :43: |
رد: ساعدوني ياأهل الفزعه تكفون
:16:
|
| All times are GMT +3. الوقت الآن حسب توقيت السعودية: 02:14 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه