انا اتغيبت عن احد الاختبارات

[أمير بس فقير]

تسلم حبيبي احمد على مرورك ورد الرائع

[أمير بس فقير]

خليهم يقبلون وذا كان عن المشاركات امرها هين

[احمد..؟؟]

* إذا غبت عن الإمتحان النهائي لمادة واحدة أو لجميع المواد فيجب أن تحضر عذر من جهة رسمية حكومية (مثلا عذر طبي من مستشفى حكومي أو من جهة عمل رسمية إنك كنت تؤدي واجب وظيفي معين ، أو واجب وطني يستلزم حضورك شخصياً ) في هذه الحالة يتم قبول عذرك .




* تقديم العذر يكون عن طريق الخدمات الطلابية ، تدخل أيقونة لتقديم الأعذار والأيقونة هذي تفتحها لك الجامعة في وقت معين

تحط الورقة الرسمية اللي تثبت عذرك في السكنر وترفعها إلى الأيقونة .




* الجامعة تدرس عذرك هذا ولما توافق الجامعة عليه تفتح لك أيقونة استعلام عن الأعذار ، تدخل على الأيقونة هذي وتشوف جواب الجامعة على سالفة غيابك (يعني هل تم قبول عذرك أم لم يتم قبوله)




* إذا تم قبول عذرك فيجب عليك حضور اختبارات المواد اللي غبت عنها بعذر في مواعيد الإختبارات النهائية للفصل الدراسي التالي ، يعني مثلا إذا افترضنا انك غبت هالفصل هذا؛ تختبر موادك الفصل الجاي .





الآن انتبه لهذي النقطة لأنها مهمة :

* الإختبار يكون في نفس مواعيد الإختبارات النهائية للفصل الدراسي الذي ستختبر فيه وليس مواعيد الإختبارات النهائية للفصل الذي غبت فيه


أشرح لك أكثر :

انت غبت عن إختبارات الفصل هذا ، والجامعة قبلت عذرك ..

انسى مواعيد إختبارات الفصل هذا اللي انت غبت فيه ، لأنك راح تختبر الفصل الجاي وبناءً على مواعيد الإختبارات النهائية للفصل الجاي .

يعني في الفصل القادم تدخل على جدول الأختبارات النهائية وتشوف مواعيد إختبارات موادك اللي انت غبت فيها وتجي تختبرها حسب المواعيد اللي تشوفها .



* إذا غبت عن مادة أو مادتين فممكن انك تسجل مواد جديدة الفصل القادم بس انتبه لايصير فيه تعارض بين مواعيد إختبارات المواد اللي انت غبت فيها ومواعيد المواد الجديدة اللي انت مسجلها .

بس إذا انت غايب في كل المواد وقبلوا عذرك أنصحك إنك ما تسجل مواد جديدة لأنك راح تختبر موادك الجديدة وموادك اللي انت غايب عنها وتتجمع عليك مواد كثير يمكن يصلون إلى 12 أو 14 مادة يعني 28 ساعة !

وهذي مخاطرة بصراحة بالإضافة إلى إنك أكيد راح تلاقي تعارض وراح تدخل في دوامة .


* إذا غبت عن المواد وتم قبول عذرك فلا يترتب عليك دفع رسوم أخرى ، وفلوسك ماتروح عليك لأنك انت مو راسب وتبي تعيد المادة ،

مالك لوى ، انت وضعك يختلف .. انت غبت بعذر والجامعة قبلت عذرك يعني ماتدفع ريال واحد زيادة عن الرسوم اللي دفعتها نظير إختبارك للمواد التي غبت عنها بعذر.



نصيحة من أخيك في الله :


الغياب عن الإختبارات النهائية حتى لو قبل عذرك فيه صدقني إنك راح تدخل في دوامة انت في غنى عنها ، إذا ماكان عندك ظرف ضروري جداً فأنصحك إنك ماتغيب ..




من منتدى النقاش تبع الجامعة

[أسماء عبدالعزيز]

جزاك الله خير وفيت وكفيت

الله يعطيك العافية ماقصرت