ملتقى طلاب وطالبات جامعة الملك فيصل,جامعة الدمام - المليونيه لشكرررررررر الله ثم الدكتور حسن ابو زيد

اقتباس:

المشاركة الأصلية كتبت بواسطة القدس (المشاركة 7985685)

وجهة نضرك نحترمها ولو انها خلت من اللباقة

يمكن اكون ماني لبق بس صدقني هالمواضيع ماوراها الا وجع الراس.. خلونا كتومين.. ليش نخلي اللي مايشتري يتفرج..

باول ترم كنت اقرا مواضيع عن الدكتور غسان وهذا دكتور كان يدرسنا بالانقليش وطبعا مثل حالتنا الربع طايحين فيه مدح.. ويوم دخلنا قاعة الاختبار خلونا نختبر مع الانقليش تخصص.. ماحد متخيل هالموقف بس صار وفيه اكيد كثير مروا بهالموقف.. طبعا الدكتور اعتذر عن اللي صار وطلع الموضوع ومافيه درت الجامعة عن تساهل الدكتور واللي أدى بالنهاية انهم يحذفون اسئلة الدكتور ويخلونا نختبر بنفس نماذج تخصص اللغة الانجليزية.. طبعا صارت سالفة طويلة عريضة استقال الدكتور على أثرها.. يعني انقطع رزقه لسبب بسيط واللي هو .. فيه ناس تحول شكرها له نقمه وقطع عيش..

طيب لو انا موظف بوزارة من الوزارات وتحت ادارة مدير من المدراء وعندي ظروف معينة.. والرجال ماقصر معي قدر وضعي وقالي لا تجي لين تنتهي ظروفك.. معناته انزل موضوع بموقع الوزارة اشكر المدير على موقفه النبيل؟؟
اكيد بيقول الله لايشكرلك فضل.. جتني مسائلة من ورا شكرك.

فيه اشكال وطرق ووسائل افضل بكثير من اننا نثقل كاهل الدكتور بهالمدح.. خاصة إن مسئولين الجامعة يتابعون المنتديات ويدرون وش يصير فيها.. اقل شي رسالة جوال يقدر الواحد يعبر عن شكره للدكتور بطريقة افضل من انها تكون جهرا والعين ترا..

فيه شي لاحظته اسئلة الترم اللي فات اقصد اختبارات مواد الدكتور حسن ابو زيد علم الاجتماع الطبي وخدمة الفرد والجماعة ماكنت اسهل وبكثير من اسئلتنا هالترم.. تأكدوا ان الدكتور غير بعض سياساته بفضل اللي مدحوه من الاترام اللي راحت.. واكيد يمكن اذا شاف ردود افعالنا كذا مستسهلين اسئلته لهالدرجه يمكن يصير جمعان ثاني :) ولا تنسون انه راح يدرسنا مبدئيا بـ 4 مواد