|
اللي معه مقررات مستوى رابع وساكن بالرياض يجي :)
مرحبااا
انا قررت ماعاد اشتري مقررات من المكتبه لاني مااستفيد منها وارميها وهي جديده احيانا لااني اعتمد على اسئلةالاختبارات السابقه 😏 لذلك اللي معه هالملازم وساكن بالرياض يتكرم ويعطينياها اذا مايحتاجهم واذا معها ملازم علم اجتماع الاعلام والسياحي وانجليزي كتابه يكون افضل .... وسلامتكم ☺ |
رد: اللي معه مقررات مستوى رابع وساكن بالرياض يجي :)
أن شاء الله تعالي يجون أهل الرياض
بالتوفيج للجميع يارب للرفــــــــــــــــــع |
رد: اللي معه مقررات مستوى رابع وساكن بالرياض يجي :)
ان شاء الله
شكراً على المرور يالكويتي |
رد: اللي معه مقررات مستوى رابع وساكن بالرياض يجي :)
الله يوفقك
|
رد: اللي معه مقررات مستوى رابع وساكن بالرياض يجي :)
شكراً :29:
|
رد: اللي معه مقررات مستوى رابع وساكن بالرياض يجي :)
عندي انجليزي كتابه بس
وان شاء الله يجون اللي عندهم ملازم كامله |
رد: اللي معه مقررات مستوى رابع وساكن بالرياض يجي :)
شاغل البال
يعطيك العافيه .... اذا جمعت البقيه بااخذها منك ان شاءالله لكن حدد لي مكتبه معينه تكون شرق الرياض يعني بالروضه او النهضه |
رد: اللي معه مقررات مستوى رابع وساكن بالرياض يجي :)
ان شاء الله اذا جيت بذيك المنطقه وشفت مكتباتها قلت لك
|
رد: اللي معه مقررات مستوى رابع وساكن بالرياض يجي :)
الله يجزاك كل خير يأخوي ( شاغل البال )
وجعله بميزان حسناتك يارب |
رد: اللي معه مقررات مستوى رابع وساكن بالرياض يجي :)
وياك وانت من السباقين بالخير ومنك نستفيد
|
رد: اللي معه مقررات مستوى رابع وساكن بالرياض يجي :)
يعطيكم العافيه جميع
|
رد: اللي معه مقررات مستوى رابع وساكن بالرياض يجي :)
المشاهدين فوق ال٦٠
مافي احد مر على مستوى رابع وعنده ملازم :8: غير شاغل البال على العموم ماقصرتوا والله يعيننا على الخساير :28: لان الملازم اللي نشتريها خساير من جد |
رد: اللي معه مقررات مستوى رابع وساكن بالرياض يجي :)
اختي سراب ليش تشترينها وانتي تقولين مااستخدمها
انا مثلك اشتريها وانزل ملخصات من الملتقى احفضها بالاب واذاكر منها يعني لا تشترين بس تاكدي ان الدكاتره ماتغيروا واطلعي لأرشيف مستوى رابع وبتحصلين كل المواد مجرد مشوره فقط :16: |
رد: اللي معه مقررات مستوى رابع وساكن بالرياض يجي :)
معاك حق
بس مثل منت شايف محد تكرم وقال انا عندي انجلش الا انت وانا والله اقدر اشتريهم وماتتعدى ملازمي في كل المستويات الماضيه الا ٢٨٠ ريال بس اشوفها خساره من جد |
رد: اللي معه مقررات مستوى رابع وساكن بالرياض يجي :)
تنبيه للي حط رقمه بالتقييم
ترى مااحتاج رقمك ابداً يااخ فهد الموضوع حقي مو لترقيم للملازم فقط |
رد: اللي معه مقررات مستوى رابع وساكن بالرياض يجي :)
انا اقصد مو لازم تشترينها او تاخذينها من احد
لأن نفس المكتبات ياخذونها من نفس ملتقانا يعني بتحصلينها هنا بالملتقى:16: |
رد: اللي معه مقررات مستوى رابع وساكن بالرياض يجي :)
الله يعطيك العافيه
انا ادري وفاهمه بس اذا طبعتهم بتصير نفس تكلفة الملازم اللي بشتريها وادري انك بتقول مو لازم تطبعينها شوفيها بالجهاز انا وحده اذا مامسكت القلم والملزمه وخططت مااحفظ هع تصبحون على خير |
رد: اللي معه مقررات مستوى رابع وساكن بالرياض يجي :)
للرفع
|
رد: اللي معه مقررات مستوى رابع وساكن بالرياض يجي :)
السلام عليكم أسعد الله أوقاتكم بكل خير ولله أنا عندي كذا ملزمه وبصراحة كنت حاطها زي المرجع ونفس الوقت ذكريات لكن طالما فيه ناس بتخسر على شان ملازم فالاولى هم , وأبد ما أبي إلا دعوه صادقه أنا في شرق الرياض اللي يبي الملازم التالية حياه الله : - الأخلاق الإسلامية وآداب المهنة ( مستوى أول ) - مهارات التعليم والتفكير ( مستوى ثاني ) -التلاوة والتجويد ( مستوى ثاني ) - فقه السيرة ( مستوى ثاني ) - برامج الحاسب المكتبية ( متسوى ثاني ) - القراءة والمحادثة ( مستوى ثاني ) - التذوق الأدبي ( مستوى ثاني ) - ملزمتين لمبادىء الإحصاء ( مستوى ثاني ) - قواعد البيانات ( مستوى رابع ) - العلاقات العامة ( مستوى رابع ) - سياسات الرعاية الأجتماعية ( مستوى رابع ) - الأنحراف الاجتماعي والجريمة ( مستوى رابع ) - مدخل إلى الأنثربلوجيا ( مستوى رابع ) - إدارة المؤسسات الأجتماعية ( مستوى رابع ) - التدريب الميداني 1 ( مستوى رابع ) - حاضر العالم الإسلامي ( مستوى رابع ) بقية الملازم للمستويات الأخرى أعطيتها أشخاص لكن هذا الموجود الأن عندي علماً أن الملازم من تصميم مكتبة تميم وأنا مخطط فيها ومذاكر يعني مش جديدة لكن بحاله الجديده والتخطيط فقط أقتصرته على أسئلة المراجعه في آخر الملزمة ومحطوط على لسؤال قلم فسفوري والجواب بلون آخر + شويت خربشات داخل الغلاف وعلى بعض الهوامش اللي في شرق الرياض جهت حي الحمراء والروضة واليرموك والنهضه والخليج بأمكانهم تحديد الموقع وأنا أحط الملازم فيه وغير شرق الرياض أعتذر لتوصيل الملازم وبالتوفيق للجميع |
رد: اللي معه مقررات مستوى رابع وساكن بالرياض يجي :)
افضل خيار طباعة الملازم لو كل مستوى بأشتري الملازم ب 200 وغير كذا ممكن تكون قديمة مو مثل الموجودة بالملتقى
لو نحسب رقم تقريبي على 8 مستويات 1600 ريال ويوجد طابعات قيمتها تبدأ من 160 ريال بأكسترا |
رد: اللي معه مقررات مستوى رابع وساكن بالرياض يجي :)
يعطيكم العافيه جمييييييع
|
رد: اللي معه مقررات مستوى رابع وساكن بالرياض يجي :)
اقتباس:
ابي ملازم مستوى رابع فقط حدد لي مكتبه بالنهضه بعد ماتحطه عن الموظف وانا برسل واحد يجيبه ... ومشكور |
رد: اللي معه مقررات مستوى رابع وساكن بالرياض يجي :)
اقتباس:
بإذن الله أنتظري مني رد الليله أو بكره أن شاء الله لأني بشوف مكتبة هناك |
رد: اللي معه مقررات مستوى رابع وساكن بالرياض يجي :)
فكرة جميله انكم تبادلون الملازم بدل ماترموها جزاك الله الف خير :21:
|
رد: اللي معه مقررات مستوى رابع وساكن بالرياض يجي :)
اوووك اخوي انتظرك
|
رد: اللي معه مقررات مستوى رابع وساكن بالرياض يجي :)
الله يعطيكم العافيه جميعا
شوفى يااختى اذا انتى بتعتمدين على اسئلة الاختبارات السابقه مثل ماذكرتى في بداية موضوعك حاولى تجمعين اكثر من نموذج من الارشيف وتجاوبين عليها وايضا تبحثين عن اجابات الخيارات اللى في السؤال وبذلك تكونى ذاكرتى المنهج بشكل بسيط وباقل جهد ووقت ايضا وهذا طبعا مثل ماذكره اخوى وطنى الجبيل في موضوع له كان قبل الاختبارات ولكن عموما ماراح تقدرين تجاوبين على الاسئله او حتى الخيارات الا تكون معك ملزمه وتقرينها اكثر من مررره بعد اتمنى لك التوفيق والنجااح |
رد: اللي معه مقررات مستوى رابع وساكن بالرياض يجي :)
اسير نجد
الله يعطيك العافيه |
رد: اللي معه مقررات مستوى رابع وساكن بالرياض يجي :)
اقتباس:
حط لي اسم المكتبه وموقعها واسم الشخص اللي بيكون عنده بالتقييم |
رد: اللي معه مقررات مستوى رابع وساكن بالرياض يجي :)
مساء الخير اختي
شوفي ملزمة انجليزي كتابه بمكتبة نهضة العلم بحي النهضه على شارع الخبر بوصف اذا صار اخوك او زوجك جاي مع شارع احمد محمد السديري ووجهه شرق يجيه حرف tالمكتبه تصير في وجهه يعني قدامه جنبها صراف العربي ومغاسل الكروان ومحل فواكه وخضروات رقم المكتبه الثابة معاي اذا تبينه بحطه لك اسمك واسمي مكتوبه على الملزمه سراب وشاغل البال اليوم العصر حطيتها بالتوفيق لك :16: |
رد: اللي معه مقررات مستوى رابع وساكن بالرياض يجي :)
اقتباس:
|
رد: اللي معه مقررات مستوى رابع وساكن بالرياض يجي :)
بإذن الله بحاول الليله أخذ أي سيارة لأن سيارتي في الصيانة من أمس وبحاول في التقييم أخبرك وأظاهر بوديها لنفس المكتبة اللي ذكرها أخوي شاغل البال اللي على شارع الخبر وبخبرك بكل شيء في التقييم |
رد: اللي معه مقررات مستوى رابع وساكن بالرياض يجي :)
اللي يريحك اخوي لاتضغط على نفسك الليله خل سيارتك تطلع على خير
وعلى قولتك نفس المكتبه حق شاغل البال ان شاءالله ومشكورين جميييييع |
رد: اللي معه مقررات مستوى رابع وساكن بالرياض يجي :)
حصن الزعامه شكراً لك استلمت الملازم
وشكراً ياشاغل البال استلمت الانجلش |
رد: اللي معه مقررات مستوى رابع وساكن بالرياض يجي :)
ما شاء الله بهالسرعه توني منزلها وتوني داخل على الجهاز سبحان الله ! عموماً أختي ترى فيه مادة أخذها مني أخوي على أساس أنه يقرآها ونسيتها عندهـ ولا تذكرتها إلا بعد ما سلمت الملازم لصاحب المكتبة وقلت له بكرهـ بجيبها وهي ملزمة ( حاضر العالم الإسلامي ) لذلك بكره أن شاء الله بنزلها عندهم وبالتوفيق لك |
رد: اللي معه مقررات مستوى رابع وساكن بالرياض يجي :)
لالا لاتكلف على نفسك
انا مااخذتها هالمستوى اخذة الانجليزي وبالنسبه لسرعه انا كنت ماره وقلت يمكن انك نزلتهم مع شاغل البال |
رد: اللي معه مقررات مستوى رابع وساكن بالرياض يجي :)
يعني ما تحتاجين حاضرة العالم الإسلامي ؟ خلاص |
رد: اللي معه مقررات مستوى رابع وساكن بالرياض يجي :)
ابد ابد مااحتاج ولاابيك تعب نفسك
على فكره الوالده تتصفح الملازم وتقول الله يخليه لامه ملازمه نظيفه ماهو مثلك وانا امك بكل صفحه شخابيط ههه انا مااعرف اذاكر الين العن شكل الصفحه من كثر الخطووووط الله يسعدك ويوفقك يارب |
رد: اللي معه مقررات مستوى رابع وساكن بالرياض يجي :)
ههههه الله يخليها لك ويطول بعمرها ويعطيها الصحة والعافية والله كنت مستحي من بعض الشخابيط والهذره ايام المذاكره لكن الحمد لله طلعت نظيفه عندكم وسبحان الله على نياتكم ترزقون ! والله العظيم ما كان نفسي أعطيك ملزمة حاضرة العالم الإسلامي وكنت مررهـ متحسف عليها لأني كنت أبي أقرها من باب المتعه لأني أحب التاريخ الإسلامي ونفس الوقت شافها أخوي الكبير وطلبها مني بعد ! عموماً موفقه خير أختي والناس لناس والكل بالله وأنتم بحسبت أخواتنا . |
رد: اللي معه مقررات مستوى رابع وساكن بالرياض يجي :)
بيض الله وجهك
ماقصرت ابد |
| All times are GMT +3. الوقت الآن حسب توقيت السعودية: 04:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام