ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   اجتماع 4 (https://vb.ckfu.org/f424)
-   -   [ استفسار ] زيارتي للمجال الاجتماعي والطبي (https://vb.ckfu.org/t567348.html)

ابو نورا 2014- 3- 17 04:43 PM
زيارتي للمجال الاجتماعي والطبي
 
بسم الله الرحمن الرحيم
السلام عليكم ورحمة الله وبركاتة

ان شاء الله افيدكم

في تاريخ 5/11

زرت دار الرعاية الأجتماعية بالرياض

والتقيت بالاخصائي الاجتماعي غازي المورقي جلست معه تقريبآ ساعة وخلصت معه التقرير الأجتماعي ومن بعدها ختمت التقرير من الأستاذ خضر الزهراني مدير الدار وكان تعاونهم معي جميل جدآ

موقع دار الرعاية الأجتماعية على طريق الامام محمد بن سعود (مخرج 9 )باتجاه جامعة الملك سعود بعد ماتتعدى اشارة التخصصي بكيلو واحد مجمع وزارة الشؤون الاجتماعية على اليمين المجمع مكون من

دار الرعاية الاجتماعية للمسنين
دار الرعاية الاجتماعية للمسنات
دار التأهيل الشامل للذكور

ولكل يخدمك في تخخص علم الأجتماع




ــــــــــــــــــــــــــــــــــــــــــــــ


في تاريخ 15 / 5

قمت بزيارة المجال الطبي مستشفى الوطني بالرياض

العنوان ــــ الملز شارع الستين مقابل مستشفى قوى الأمن

قابلت مسؤولة التدريب الميداني الأستاذه سحر البابطين

اخذت الموافقه منها وثم ارسلتني الى الأخصائية الأجتماعية عائشة القحطاني وكملت مع الأخصائية باقي التقرير لان التقرير يوجد فيه اسئلة خاصة بالشؤون الادارية لذالك ارسلتني لهم وبعد ما انتهيت من التقرير رجعت لسحر البابطين وختمت التقرير وكان الاستقبال لطيف جدآ


اتمنى اني افدتكم والله يوفق الجميع

دعواتكم الخالصة

علك مستكه 2014- 3- 17 04:54 PM
رد: زيارتي للمجال الاجتماعي والطبي
 
ماشاء الله ,, الله يوفقنآ وآيآك .

ابو نورا 2014- 3- 17 04:56 PM
رد: زيارتي للمجال الاجتماعي والطبي
 
ويوفقك يا مستكه

maha22 2014- 3- 17 06:01 PM
رد: زيارتي للمجال الاجتماعي والطبي
 
هل طلب منك موافقة

خالد المرشدي 2014- 3- 17 06:06 PM
رد: زيارتي للمجال الاجتماعي والطبي
 
سوال هل لابد من طباعة الاوراق ع ورق ملون . خاصة خطاب استمارة تسجيل التدريب الميداني .
افيدوني بسرعة . لاني خلصت التقرير . ولكن واحد من الشباب قال الاستمارة تسجيل التدريب الميداني لابد ان تكون بطباعة ملونه حتى يظهر ختم جماعة الملك فيصل .

روح الحب 2014- 3- 17 06:39 PM
رد: زيارتي للمجال الاجتماعي والطبي
 
انت كتبتي التقرير او هم كتبوا بخط يدهم
متوتره جدا من الموضوع
جهزت اوراقي باقي اروح

خالد المرشدي 2014- 3- 17 07:13 PM
رد: زيارتي للمجال الاجتماعي والطبي
 
الخطابات لازم ملونه . او عادي .

خالد المرشدي 2014- 3- 17 07:14 PM
رد: زيارتي للمجال الاجتماعي والطبي
 
فيه خطابين زود على التقرير . انا طبعتهم من موقع الجامعة . عادي واخاف يبونها ملونة .

ابو نورا 2014- 3- 18 11:53 AM
رد: زيارتي للمجال الاجتماعي والطبي
 
الخطابات مو ضروري تكون ملونه

لانك بالاخير بترسلة بي دي اف على الموقع

والتقرير تكتبه انت بيدك

نوفتا الدارسه 2014- 3- 18 03:42 PM
رد: زيارتي للمجال الاجتماعي والطبي
 
بالتوفيق لك.
سؤال للمجاال الاجتماعي يدخل من ضمن التعليمي ?

ابو نورا 2014- 3- 19 09:29 AM
رد: زيارتي للمجال الاجتماعي والطبي
 
المجال التعليمي يختلف عن المجال الأجتماعي

لكل منهما اجوبه اخرى

والله يوفقك

سععد 2014- 3- 19 06:11 PM
رد: زيارتي للمجال الاجتماعي والطبي
 
ماشاء الله بالتوفيق


غير بياناتك يا ابو نوار مازلت مستوى ثاني

ارام 2014- 3- 20 02:36 AM
رد: زيارتي للمجال الاجتماعي والطبي
 
الله يسعدك و انا اختك ..
و يفتحها في وجهك وين ما تروح ..
كنت محتاجه مثل موضوعك ..
لإني بجد محتارهه وين كنت بـ أروح ..

ابو نورا 2014- 3- 20 12:36 PM
رد: زيارتي للمجال الاجتماعي والطبي
 
ابشر يا سعد ابغير الان


اختي ارام ماكتبت الموضوع الا لاجل مساعدتكم

والله يوفقنا وياكم

أنا الحلوهـ أنا 2014- 3- 20 04:00 PM
رد: زيارتي للمجال الاجتماعي والطبي
 
اعوذ بالله ولا مدرسه رحبت فيني مره لاقيه صعوبه واستحي اكلم قريبه لي بموضوع التدريب وتسويه لي في مدرسه حكوميه

نوفتا الدارسه 2014- 3- 21 02:13 AM
رد: زيارتي للمجال الاجتماعي والطبي
 
معليش يابو نوره بسالك المجال الطبي طلبو منك يطبعون ورقه التقرير ؟


وانت الي عبيت البيانات ولا هم ؟

انا زرت مستشفى دله وقابلت اخصائيه ماعندها سالفه بالبدايه مارضت تكتب ولمى اسالها تجاوبني بكلمه وحده
وفي اساله قالت خذي اجوبتها من النت صار مثل الواجب علي والمفروض العكس !!

ابو نورا 2014- 3- 21 12:50 PM
رد: زيارتي للمجال الاجتماعي والطبي
 
ماخذو مني ولا ورقه انا حصلت في المستشفى الوطني التقرير عندهم نقلت منه وفيه اسئلة جاوبتني عليها الاخصائية وما قصرو تعاملهم طيب

ابو نورا 2014- 4- 5 04:34 AM
رد: زيارتي للمجال الاجتماعي والطبي
 
نعوووووووود للأفادة

فراشة العلم 2014- 4- 5 08:12 PM
رد: زيارتي للمجال الاجتماعي والطبي
 
في المجال الطبي اوالتعليمي لازم نروح حكوميه او عادي اذا روحنا اهليه

ابو نورا 2014- 4- 6 10:06 AM
رد: زيارتي للمجال الاجتماعي والطبي
 
اذا انتي في الرياض روحي لمستشفى ابا نمي على مخرج 9 مقابل سنتر بوينت

او مستشفى دله

او المستشفى الوطني في الملز


التعليمي عادي لو تروحين اهليه


فروع وزارة الشؤون الاجتماعية يستقبلون طلبات التدريب الميداني

خليفه المطيري 2014- 4- 6 03:24 PM
رد: زيارتي للمجال الاجتماعي والطبي
 
اقتباس:
المشاركة الأصلية كتبت بواسطة ابو نورا (المشاركة 10636879)

دار الرعاية الاجتماعية للمسنين
دار الرعاية الاجتماعية للمسنات
دار التأهيل الشامل للذكور

أبيض وجهة ابو نورا والله يعطيك العافيه م قصرت بتقرير زيارتك ووضحت لنا الي صار معك لكن ذكرت 3 دار رعايه ايهم الي جيته وخلصت تقريرك ... لأن باذن الله ببدا يوم الثلاثاء وودي اذا زرت مكان يكون عندهم خلفيه عن الموضوع مو يمسكوني الباب ولا استفيد شي م احب الطردات : / وثاني شي ذكرت مستشفى ابانمي ؟ هل عندهم اخصائي اجتماعي ونبذه عن موضوع التدريب الميداني ...

خليفه المطيري 2014- 4- 13 01:50 PM
رد: زيارتي للمجال الاجتماعي والطبي
 
انتهيت من الطبي في مستشفى ابانمي للأمانه متعاونين جداً وأخلاق عاليه جميعهم من اخصائي وأخصائيه .. أنصح ألي من الرياض يروح لهم .. وباقي التعليمي الله يسهلها


All times are GMT +3. الوقت الآن حسب توقيت السعودية: 04:39 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه