|
بخصوص برامج الحاسب الآلي المكتبيه
سمعليكو
مين حاذف مادة البرامج المكتبيه وناوي ياخذها الترم القادم؟ بصراحه انا حاذفها وودي آخذها بس مدري متى:no: مين ناوي ياخذها ؟ ومتى؟ وكيف الماده للي اخذوها سهله صعبه كويسه :10111:؟ |
رد: بخصوص برامج الحاسب الآلي المكتبيه
سهله جدا
ما يحتاج تذاكرها كلها عن النت وبرامج الاوفيس اذا ما خانتني الذاكره |
رد: بخصوص برامج الحاسب الآلي المكتبيه
بنسبه لي بصراحه سهله
لانه شغلت كمبيوتر ومايتعلق بالكمبيوتر وانا عندي دورات بمجال الحاسب ولاجل كذا اقولك سهل اما اللي ماعنده خلفيه عن الحاسب الآلي مادري كيف يصير وضعه بصراحه ناسي كل المعلومات عن هالمادة بس اللي اعرف اخذت الدرجة كاملة والله يوفقكـ |
رد: بخصوص برامج الحاسب الآلي المكتبيه
اقتباس:
انا عندي دبلوم كمبيوتر من زمااان بس والله ناسي وش اللي درسته:hahahahahah: شكلي بضيفها بخامس :(107):مدري ااجلها اذا صار فيه ترم صيفي محتاااااار |
رد: بخصوص برامج الحاسب الآلي المكتبيه
اقتباس:
مشكوره يالطيبه |
رد: بخصوص برامج الحاسب الآلي المكتبيه
اقتباس:
الله يوفقكـ واذا الدكتور ماتغير وباقي نفس الدكتور وماعندك تعارض مع مواد اخرى خذها وريح راسكـ |
رد: بخصوص برامج الحاسب الآلي المكتبيه
أنا ماعرف عن الكمبيوتر شئ أبداا بس درستها طلعت أسهل مادة في مستوى ثاني من جد هالمادة حلوووة وماتنسي
نصيحه ظيفها وﻻتأجلها أبد ماتستاهل تأجيل |
رد: بخصوص برامج الحاسب الآلي المكتبيه
انا اجلتها و باخذها في خامس ان شاء الله
و بنزل التنميه من سابع كذا جدولي صار مكتمل الترم هذا فقه السيره بنتين اختبروا اخاف اجلها يلقبونها مقالي باخذها و افتك |
رد: بخصوص برامج الحاسب الآلي المكتبيه
اقتباس:
بس بالنسبه لك مايصير عندك تعارض كذا؟ او يصير مادتين بيوم واحد؟ |
رد: بخصوص برامج الحاسب الآلي المكتبيه
اقتباس:
شجعتوني:(204):آخذها بشوف وش وضعها في مستوى خامس وانزلها الف شكر لكِ |
رد: بخصوص برامج الحاسب الآلي المكتبيه
اقتباس:
بشوف وش وضعها بمستوى خامس وانزل معاها ماده ثانيه واتوكل على الله الله يحفظك يالغالي |
رد: بخصوص برامج الحاسب الآلي المكتبيه
اقتباس:
اما التنميه بتكون بدل المجتمع السعودي و انا اخذته و ارتحت |
رد: بخصوص برامج الحاسب الآلي المكتبيه
اقتباس:
الله يسعدك ياتاج الراس برضوا انا أخذت مجتمع سعودي اجل بشوفلي ماده حليوه كذا وانزلها مع برامج الحاسب بخامس يطول عمرك الف شكر لكِ |
رد: بخصوص برامج الحاسب الآلي المكتبيه
الله يعافيك يارب
ماعندك الا مادتين يا العمل التطوعي من سادس يا التنميه من سابع هم مكان علم الاجتماع السعودي و بالتوفيق |
رد: بخصوص برامج الحاسب الآلي المكتبيه
تفضل هذا الجدول القديم الله يسعدها نقاء الروح ارسلته لي
http://im78.gulfup.com/4UjjJL.jpg |
رد: بخصوص برامج الحاسب الآلي المكتبيه
ويسعدك ي قلبي تاج
أنا كمان حذفتها وبضيفها باْذن الله هالترم +ماده من سابع التنميه الاقتصاديه مكان المجتمع السعودي والله يوفقك الجميع ..�� |
رد: بخصوص برامج الحاسب الآلي المكتبيه
مررررة سهله المادة
|
رد: بخصوص برامج الحاسب الآلي المكتبيه
انا ما حذفتها من جدول ثاني هم الي احذوفوها لي لاني كنت مسجله جميع مواد ثاني
وكان مايزبط اسجلها كلها فحذفوها لي وكل مستوى ااجلها لكن باذن الله اسجلها هالمستوى وارتاح لكن هو زمان كان يدرسها الدكتور مصلح :(107): |
رد: بخصوص برامج الحاسب الآلي المكتبيه
اقتباس:
ما عرفتك ليش مغير الصوره تراني اعرفك بالرمزيات خخخخخخخخخخخخ شوف يا سيدي انا اخذتها الترم هذا وكانت جميله جدا جدا جدا ذاكرتها رغم ان عندي خلفيه كبيره بالحاسب لكن فيه ايقونات ما عمري استخدمتها لاني ما احتاجها بالحاسب الدكتور سهل علينا الى ابعد درجه واعطانا فروقات وقال مهمه وفتح لنا محاضره جديده قبل الاختبار باسبوع شرح لنا فيها وارسل على جوالاتنا ان فيه محاضره جديده للفروقات اسمعوها ضرور والاختبار بيجي منها وفعلا الرجال ما كذب جابها بالاختبار .... واكد أن 2007 فقط بيجي بالاشياء المستخده والواضحه فقط يعني مو كل الايقونات مهمه والباقي طبق الاصل من اختبار 1435 حتى الترتيب ما غير شي بس اضاف الفروقات 2013 وكنت منزله لهم كل شي مهم بالماده بمستوى ثاني اذا تبغي روح هناااك بتجد كل شي جمعه قبل يختفي بالمواضع واي شي تحتاجه بالماده ابشر ... تجميعاتي وتبسيطاتي بالماده ما زلت احتفظ فيها عشان افيد اللي باقي ما اخذ هالماااااااااااااااااااده نصيحه خذها ترفع المعدل بإذن الله ان شاء الله باخذ فيها درجه كامله وسلامتك :rose: |
رد: بخصوص برامج الحاسب الآلي المكتبيه
ههههههه ,, من جد ياسلاف حتى انا بعد شكيت هو اخصائي اجتماعي اللي بدفعتنا ماعرفته من صوره العرض , طلع اخصائينا :(212):
المهم <<<<<بالنسبه لاختبارالماده كان جميييل جدا اخذتها المستوى الثاني بالرغم ماني ماخذه دورات في الحاسب ولاشي ومعرفتي بالحاسب قليله الاانها اجمل ماده واخذت فيها الدرجه الكامله بفضل الله .. توكل على الله وخذها المستوى هذا وربنا ييسر امرك . |
رد: بخصوص برامج الحاسب الآلي المكتبيه
انا بأخذها خامس ان شاء الله يعني السنه الجايه
بس الحاسب ممكن تكون مقالي. ولكان العدد اقل من 100 خايفه تصير مقالي. وفيه تسجيل بدايه السنه الجديدة تخصص إنجليزي وأداره |
رد: بخصوص برامج الحاسب الآلي المكتبيه
اقتباس:
هههههههه ايه انا هو ماغيري:(284): الله يسعدك يالطيبه ماتقصرين دائماً سباقه للخير ولتذليل الصعوبات امامنا شرحك وافي وانتي دوووم وافيه الله يحفظك ويوفقك ان شاء الله بنزلها مع التنميه والله يسهل الامور :33_asmilies-com: :icon1: |
رد: بخصوص برامج الحاسب الآلي المكتبيه
اقتباس:
الله يسعدك يا zoozi انتي والاخوات والاخ اسير كما اسعدتوني بصراحه كنت شايل همها:000: وكل ترم اسحب عليها بس هالمره بعد كلامكم باخذها باذن الله بصراحه انا احسد نفسي ان معانا اخوات واخوان طيبين ومتعاونين وحبوبين انتي وسلاف وNORZو وRose9 وتاج والجارح وDalal daوعلياء2013 و وسامية المعاني واسير الصمت وراعي النياق:16.jpg: والشهري وسعد العامري والنائب العام وام دلع واطياف راحله وطيف نجد والحظ العنيد وليعذرني من نسيت اسمائهم انتم قمه بالروعه الله لايحرمكم أجر كل حرف خطته أناملكم المباركة لخدمة أخوانكم وأخواتكم وأسأل الله تعالى أن يوفقكم ويسعدكم ويسهل امركم ويسخر لكم عباده بصراحه كل كلمات الشكر والثناء لاتفيكم حقكم يا احلى دفعه:love080: |
رد: بخصوص برامج الحاسب الآلي المكتبيه
انا بأخذها ان شاء الله معكم الترم الجاي وماشي على الخطة أخذت الخدمة الاجتماعية ورعاية الشباب من مستوى سابع وكملت ٩مواد المستوى الثالث وماشي على الخطة المستوى الرابع أضيف برامج الحاسب المكتبي وبكذا عندي ٩مواد وباقي المستويات زي ماهي كل مستوى ٨مواد
|
رد: بخصوص برامج الحاسب الآلي المكتبيه
الماده هذي من كثر رعبتي منهاا
مافتحتهاا الا ليلة الاختبار وكانت اسهل ماده ولله الحمد يعني معلومات عاامه وانا رعبت نفسي علئ الأخر |
| All times are GMT +3. الوقت الآن حسب توقيت السعودية: 05:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام