|
مشكلتي مع التدريب الميداني 1 وتجربتي ! الى عنده علم يدخل بليز
السلام عليكم ورحمة الله وبركاته حابة أطرح لكم الى مريت فيه بسبب التدريب الميداني 1 توقعت ان كل شئ راح يسير على مايرام وبسرعه بخلص الموضوع لكن للأسف رحت للمستشفى العام الى عندنا وطلبت الأخصائية الإجتماعية وقالت لي وقفنا التدريب عندنا !!! قالت لي روحي للدمام !! وانا ساكنه بعيد عن الدمام شوي غير كذا مين فاضي بعدين يوديني ويجيبني يوميا بالتدريب ال 2 و3 فأنا على نياتي حملت حالي ورجعت للسيارة ورحت للمواساة ورفضوا يستقبلوني !! رحت للمستشفى العام للهيئة الملكية وطلعت الأخصائية مشغولة وقالوا بس تفضى نكلمكم ولاكلموا للحين !!! رجعت البيت ضيعت وقتي من الصباح لين الظهر لاعبيت بيانات ولاختم ولاشي تحطمت بعد إصرار من أخوي رجعنا للمستشفى العام الى عندنا بالمنطقة وهاتك يادوره كل واحد يريمنا على الثاني قلنا لهم مانبي شي بس ختم يرحم أمكم :mad: لكن رفضوا يختمون على الأوراق وهي مو معبية قالوا روحوا للأخصائية والأخصائية رافضة تستقبلني ويقولون الإدارة رافضين :139: ف أخوي قام يتهاوش معاهم وراح للإدارة يشتكي الإدراة نفسها استغربت عدم الموافقة على تدريبي وقالوا هذي الشغله مايبي لها الا نص ساعه وتخلص ليش معطلينهم الشغلة عناد الظاهر !!! هذا كلام واحد من الإدارة كلموا الأخصائية رفضت وقالها اخوي اكتبي انك انتي الى مو موافقة عشان اشتكي عليك ومع ذلك كتبت وبعدها سوو اجتماع على هالتدريب --- اعنبوه مايسوى ختم الحمد الله والشكر :007: واخر شي جتني اخصائية ثانية عطتني نموذج وقالت لي عبي مثل الطالبة وجلست اعبي بس فكرت ان اخر شي الى هو راي الطالب فكرت اقول رايي بصراحة لو رجعت البيت وكتبت نفس الطالبة مؤقتاً مدح في المؤسسه --لان توقعت مايختمون الا على الورقة الاساسية والاستماره فقط --مثل ماقالوا لي بعض الطلاب هنا --- طلعوا يختمون على كل الاوراق ف مافي مجال اغير راييي-- لكن لما رجعت لنفس الأخصائية الى رفضتني وقفت في حلقي ليش كاتبة نفس الطالبة قلت لها الأخصائية الثانيه هي الى قالت لي قالت لي رايك المفروض يكون غير (بغيت اقولها ايش تبيني اكتب انكم لعبتوا فينا وماتعاونتوا معانا ) بس سكت وقلت لها جيبي برجع اعبي البيانات لكن رفضت تعطيني الاوراق وختمت عليها :Cry111: لكن فعلاً التعامل سيئ جدا ايش بتخسرين لو استقبلتيني كلها تعبية بيانات وختم طبعا انا شرحت مشكلتي لان بالتدريب الثاني مابي هذي الأخصائية كرهتني في شي اسمه مجال طبي سؤالي عادي لو رجعت للتدريب ال 2 و3 وطلبت اخصائي بدالها لان مابي اطبق عندها ؟؟؟؟؟ تكفون قولوا اي لاني مابي اطبق عندها غير كذا لحسوا مخي يقولون لي انتي تخصصك علم اجتماع واذا ختمنا ختم الخدمة الاجتماعية راح يردونك لان احنا خدمة اجتماعية - الحين مو تخصصنا يجمع الإثنين والا الكلام ذا خرطي يبون الفكه مني وبس :Cry111: |
رد: مشكلتي مع التدريب الميداني 1 وتجربتي ! الى عنده علم يدخل بليز
عليكم السلام
ههههههههههههههههههههههههههههههههههههه وش هالمرمطه ياربي :(177): صراحه الشغله مو مسستاهله كل هذي ولو انا مكانك بسحب على 10 درجات ولله شي :icon9: المهم تدريب 2و3 دبري وضعك من الحين الواسطه زينه عندك تعليمي يعني ممكن تشوفين لك مدرسه او اداريه تضبطك المشكله بالتدريب 3 هو اللي عليه كلام دراسه 4 حالات وخرابيط ولا عليه اختبار نهائي يعني التقرير ي ينجح او يرسبك ( ايقنت ان الواسطه تمشي امورك بكل شي وانت منسدح بالصاله :cool: ) * بعدين علم الاجتماع هو الخدمه الاجتماعيه بس يا انهم اغبياء ولا يدرون او انهم يصرفونك لانهم ماهضموك :16.jpg: وهذي الاقرب او يحسبونك ماتدرين وش السالفة :sm5: |
رد: مشكلتي مع التدريب الميداني 1 وتجربتي ! الى عنده علم يدخل بليز
التدريب ٢و ٣ مافيه مستشفى
فقط مدرسه والله يوفقك ويسهل علييك ولاعادها من مرمطه |
رد: مشكلتي مع التدريب الميداني 1 وتجربتي ! الى عنده علم يدخل بليز
اقتباس:
المشكلة الى قاهرني طالما ختمتوا بالنهاية ليش ما ريحتونا بالبداية وفكتونا ليش كل هالحوسة لو وحده يعرفونها ومن ربعهم مشوها انا ايش طالبة يعني نفط منهم !!!! كلها ختمه واخرتها تقولي ترى علم الإجتماع يدرسون أفلاطون ومدري وشو وماطبقوه -- واحنا الخدمة الإجتماعية خذناه وطبقناه وحولناه طبي يعني لو ختمت لك يمكن يردونك ؟؟ وانا وشو مختاره شكيت حتى بتخصصي وش يبي :24_asmilies-com: |
رد: مشكلتي مع التدريب الميداني 1 وتجربتي ! الى عنده علم يدخل بليز
اقتباس:
كيف عرفتي انه مافيه مستشفى بس مدرسة ؟؟ |
رد: مشكلتي مع التدريب الميداني 1 وتجربتي ! الى عنده علم يدخل بليز
الله يعيينك
|
رد: مشكلتي مع التدريب الميداني 1 وتجربتي ! الى عنده علم يدخل بليز
لاني خذت ٢ و٣ بس مدرسه
|
رد: مشكلتي مع التدريب الميداني 1 وتجربتي ! الى عنده علم يدخل بليز
اقتباس:
فيه فرق بين تخصص علم اجتماع وتخصص خدمة اجتماعية علم الأجتماع يعتبر مجال " علمي " والخدمة الاجتماعية تعتبر مجال " عملي " لو انك تدرس انتظام كان حددت مسارك هل هو علم اجتماع او خدمة اجتماعية مثل طلاب التربية الخاصة يحددون مسارهم في نوع الاعاقة الي يبغون يدرسونها يبغالك جلد :41jg::cheese: |
رد: مشكلتي مع التدريب الميداني 1 وتجربتي ! الى عنده علم يدخل بليز
اقتباس:
التدريب الميداني 2 تقرير + بحث التدريب الميداني 3 دراسة حالة |
للعلم!
|
رد: مشكلتي مع التدريب الميداني 1 وتجربتي ! الى عنده علم يدخل بليز
ليش حاطينه مستوى 3
انا مستوى 4 |
رد: مشكلتي مع التدريب الميداني 1 وتجربتي ! الى عنده علم يدخل بليز
اقتباس:
الناس تصبح ع :rose: او صباح الخير وانتي جلد <<< انا هنا اعمل نفسي ميت طلعت ماحولك احد :mh12: لاتدققين شكراً ع التصحيح من غير جلد :41jg::16.jpg: |
رد: مشكلتي مع التدريب الميداني 1 وتجربتي ! الى عنده علم يدخل بليز
صح كلام الاخت التدريب الثاني والثالث بمدرسه
مو في مستشفى وبالعكس سهل التدريب مافي صعوبه |
رد: مشكلتي مع التدريب الميداني 1 وتجربتي ! الى عنده علم يدخل بليز
سهل لو كان الى يستقبلونك ناس بشوشه ونفسها حلوه مو مكشره في وجهك
|
رد: مشكلتي مع التدريب الميداني 1 وتجربتي ! الى عنده علم يدخل بليز
الله يكون في عونك اهم شي طلعتي منه الختم وخلصتي امورك هذا اهم شي
بتوفيق لك وله جمعيا تششاوو |
رد: مشكلتي مع التدريب الميداني 1 وتجربتي ! الى عنده علم يدخل بليز
ارجواكم انكم تفهموني شلون اسوي التدريب لاني مش فاهمته الله يعافيكم الي تعرف بليز تفهمني :g2::g2::g2:
|
رد: مشكلتي مع التدريب الميداني 1 وتجربتي ! الى عنده علم يدخل بليز
شوفي اختي انا بالجبيل الصناعيه رحت للمستشفى المانع
واعطتني الاخصائيه اوراق التدريب قالت عبها بالبيت وختمتها التدريب 2 مافي مستشفى بس مدرسه وبحث على قول البحث ماسويته مو فاهمه كيف اسويه :7::7::5: |
رد: مشكلتي مع التدريب الميداني 1 وتجربتي ! الى عنده علم يدخل بليز
السلام عليكم
التدريب الاول زيارتين تروحين مدرسة وتقابلين المرشدة وتعبين الاوراق وتختمها لك الثاني تروحين مستشفى وتقابلين الاخصائية الاجتماعية وتعبين الورقة وتختمها لك كمان اما التدريب الثاني هالسنة حددوا المجال التعليمي فقط تاخذين ورقة من مكتب الاشراف والتوجيه وهم يحطون لك مدرسة معينه او تختارين اذا عندك معارف وتروحين باوراقك خطاب عميد الجامعه وخطاب مكتب الاشراف للمدرسة وتسوين برنامج مع المرشدة لمدة 8 ايام بواقع يوم اسبوعي لمدة شهرين او حسب ظروفك والواجب الثاني انك تختارين مشكلة طلابية/تنمر /هروب/رسوب/وتسوين بحث مايقل عن 12 او 15 صفحة يكون متكامل مقدمة وعرض وخاتمة ومراجع وفهرس المشكلة انا مو عارفة كيف ارفعها ؟؟ اصورها وارسلها على ايميل الدكتور والا اكتبها بالوورد وارفعها بظام بي ي اف على قولهم؟؟ ربنا يوفق الجممييع |
رد: مشكلتي مع التدريب الميداني 1 وتجربتي ! الى عنده علم يدخل بليز
|
رد: مشكلتي مع التدريب الميداني 1 وتجربتي ! الى عنده علم يدخل بليز
تكفون. ساعدوني. لازم. الاسئله. او. بس. اعتمد. ع. الاختبار :Cry111: لانه. رحت. لي. المدرسه. وجميعه. الأوراق. عندهم. بس. رفضو. يجاوبو عليها :Cry111:
|
للعلم!
|
| All times are GMT +3. الوقت الآن حسب توقيت السعودية: 01:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام