بسم الله الرحمن الرحيم

كيف حالكم جميعا ؟؟!!

حبيت اكتب لكم هالكلام ويعلم الله اني احب الخير للجميع

طبعا الاغلبية ماسوى زين في امتحان قضايا ثقافيه معاصرة وانا مثلكم

بس مايطاوعني قلبي ادعي على حد

استغرب من الكل صار الدعاء على الدكتور وغيره بدعاوي تشيب الراس عشان امتحان !!

كلنا ذاكرنا وكلنا خبصنا بالاجوبة بس مدري كيف تبيحون لنفسكم تدعون على الغير

لو رجعت هالدعاوي والتحسب عليك انت ياللي تدعي وانتي ياللي تدعين وش تسوى عليك !!


خلاص استودعوا الله اجوبتكم وركزوا زين وبتحلون صح

انا عندي اخطاء كثيره بس يعلم الله ان اغلب الاجوبة الصحيحه لما ركزت بأسئلته فعلا الامتحان يحتاج تركيز للسؤال وللاجوبة عشان تعرف الجواب الصحيح بينهم ..

حنا الآن مستوى خامس وسنة ثالثة وتبين امتحانات نسخ ولصق نفس اغلب الامتحانات السابقة عشان تشكرون الاستاذ بالعكس هذا تحدي لكم ..

بعدين مايحتاج توترون حالكم وتقلقون نفسكم تحسبون بالدرجة .. توكلوا على الله ولاتضايقون حالكم فكروا بالامتحانات الجاية وانكم بتسوون زين فيها ..

وارجع اعيد .. الدعاء على الغير يااخواني واخواتي والله شي يوجع القلب ..

انا اخاف ادعي على حد وتصيبه الدعوه او ترجع علي .. الدعوه على حد مو شي بسيط ..

اتمنى ان كلامي مايكون جارح ومسيء لاحد وكلنا نتعظ منه ..

والله يوفقنا ويسهل لنا كل صعب ..


اختكم

منى