ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   اجتماع 5 (https://vb.ckfu.org/f339)
-   -   [ اسئلة اختبارات ] : كلمة حق شكرا للدكتور زين العابدين (https://vb.ckfu.org/t751101.html)

واحد من الطيبين 2016- 5- 5 08:37 PM
كلمة حق شكرا للدكتور زين العابدين
 
السلام عليكم ورحمة الله وبركاته

مساء الخير لجميع الزملاء

لاحظت في موضوع الانطباع عن اختبار مقرر المجتمع العربي السعودي كثير من الاخوة يتحسبون ويدعون على الدكتور وأنه معقد ... الخ مع احترامي للجميع ويشهد الله على كلامي ماني من المطبلين للدكتور والا من بعض الطلبه الي يسوي فيها وهو ماحولك أحد انا لكن كلمة حق لا أقل ولا أكثر عن نفسي ماقريت إلا أسئلة الفصل الأول تصحيح شعاع النور والحمدلله حليت بشكل اقدر اقول عنه جيد جدا ان شاء الله كثير من الاسئله كانت مطابقة 100 % للأسئلة السابقه إضافة إلى ذلك السؤال الي مو مطابق فيه لفه مع التركيز راح تعرف الاجابه بمعنى أصح جاب أسئلة الترم الاول نفسها بس مع تعديل سواء بالسؤال أو الخيارات بشكل يحتاج إلى تفكير فقط من الطالب وفيه اسئله ماهي مكرره نهائي تحتاج إلا مذاكره من قبل الطالب وفيه اسئله اقسم بالله تركيز بسيط وعدم تسرع وقراءة السؤال والخيارات بشكل جيد والربط بينهم بتحل بالتالي اتمنى عدم الدعاء عليه لأنه شخص اكيد عنده عائله مثلنا وماسوى شيء يستحق مننا اننا نغلط بحقه سواء كان بالسب أو الدعاء الي ماحل ويدعي عليه احب اقوله انت سبب نفسك ماذاكرت بجد واجتهاد أو كمبيوتر العقل قفل عندك بالتالي ماقدرت تركز والسبب يعود إلى الارتباك وانصدامك بالأسئلة الأولى الي قريتها عشان كذا ضيعت كل شيء ولا حليت بباقي الاسئله لأحد يتفلسف عن نفسي قلت لكم قريت فقط أسئلة الفصل الي راح تصحيح شعاع النور وحليت وراجعت بعد ماطلعت وراضي بحلي واشكر الله عليه والي يقول مافيه مراعاة منه لا بالعكس راعانا كلنا معنا بيوت ومتزوجين ومرتبطين بعمل وفوق كذا مرابطين بالحد الجنوبي ومع ذلك الاسئله فيه منها نسخ لصق ومنها الي عدل فقط ومنها مايحتاج إلى تركيز بسيط ومنها مايحله الا الي مذاكر بمعنى كلمة مذاكر واشوفه عادي حتى يكون هناك فرق في مستويات نتائج الطلبه حتى لاتتم مسائلته من قبل الجامعه .
موفقين خير وتذكروا كلامي يوم النتيجه بإذن الله الي يتحسبون هم من ضمن الي ان شاء الله راح يكونون معنا في المستوى السادس السنه الجايه

منتسبه 2013 2016- 5- 5 08:40 PM
رد: كلمة حق شكرا للدكتور زين العابدين
 
جزاك الله خير

asa_althani 2016- 5- 5 08:59 PM
رد: كلمة حق شكرا للدكتور زين العابدين
 
صدقت الامتحان كان سهل للي ذاكر الماده وواضح

بدر 1 2016- 5- 5 09:15 PM
رد: كلمة حق شكرا للدكتور زين العابدين
 


نحترم وجهة نظرك اللي انا اعتبرها من وجهة نظري انها مثالية لدرجة عالية .

غير كذا ليس كل من قال ان الأسئلة صعبة واسلوبها غير واضح وتذمر من طريقة الدكتور يعتبر لم يذاكر او انه هو السبب .. لا ياعزيزي ليش ما يكون ذاكر واجتهد والدكتور وطريقته وفلسفته هو السبب ...


انا أقول ( اسأل الله العظيم ان يعطيه على نيته في كتابة الأسئلة , اذا نيته وهدفه خير فالله يعطيه خير واذا نيته ومقصده شر فالله يعطيه شر )



واشكرك على مثاليتك اللي جعلتك تكتب وتنفرد بموضوع خاص وتشكر فيه الدكتور زين .... ليش مادخلت في موضوع الانطباع عن الأختبار وقلت رأيك مع الجميع ؟؟ او حسيت انك راح تخالف الرأي العام للطلاب ؟؟؟

الكايف1 2016- 5- 5 09:35 PM
رد: كلمة حق شكرا للدكتور زين العابدين
 
اسئلته فيها تعقيد واجوبه متشابهه
بلا مثاليه

واحد من الطيبين 2016- 5- 5 10:11 PM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة بدر 1 (المشاركة 1057152062)


نحترم وجهة نظرك اللي انا اعتبرها من وجهة نظري انها مثالية لدرجة عالية .

غير كذا ليس كل من قال ان الأسئلة صعبة واسلوبها غير واضح وتذمر من طريقة الدكتور يعتبر لم يذاكر او انه هو السبب .. لا ياعزيزي ليش ما يكون ذاكر واجتهد والدكتور وطريقته وفلسفته هو السبب ...


انا أقول ( اسأل الله العظيم ان يعطيه على نيته في كتابة الأسئلة , اذا نيته وهدفه خير فالله يعطيه خير واذا نيته ومقصده شر فالله يعطيه شر )



واشكرك على مثاليتك اللي جعلتك تكتب وتنفرد بموضوع خاص وتشكر فيه الدكتور زين .... ليش مادخلت في موضوع الانطباع عن الأختبار وقلت رأيك مع الجميع ؟؟ او حسيت انك راح تخالف الرأي العام للطلاب ؟؟؟
لا وانا خوك شهدت الله على كلامي ماني مطبل للدكتور أو متفلسف ... الخ
ارجع لاسئله الترم الي راح وشوف أسئلته اليوم وقارن بينهم
وانفرادي بموضوع خاص عكس كلامك تماما السبب في كتابتي موضوع خاص له مو عشان حسيت اني راح اخالف إلا عشان ابغى الكل يشوف وجهة نظري مو كل الطلاب يقعد يقراء موضوع الانطباع ويتنقل بين صفحاته وحبيت أبين الشيء الي ممكن غاب عن البعض أن بنسبه كبيره كانت نفس أسئلة الترم الي راح ألم تكن مطابقة 100% فكانت بتغيير صيغة كلمة أو بعض الكلمات بالسؤال أو بالخيارات وطريقتها وما أنكر وجود شيء لم يكن من أسئلة العام لكن أهم مافي الموضوع انه من ضمن المنهج والملزمه والتعقيد وغيره اشوف انه ماكان موجود لدرجة تجعلنا ندعي ونتحسب ونصف الاسئله بالمعقده ليه مانعترف باختلاف فروقات الذكاء بينا ليه مانقر انه لابد من وجود تفاوت بين نتائج الطلبه على حسب اجتهاد كل طالب بالاضافه إلى درجة الذكاء وتفهم السؤال وحل عقده بناء على كلامكم

واحد من الطيبين 2016- 5- 5 10:14 PM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة الكايف1 (المشاركة 1057152286)
اسئلته فيها تعقيد واجوبه متشابهه
بلا مثاليه
احترم وجهة نظرك لكن بالمقابل :

شهدت الله على كلامي ماني مشهد ربي واتفلسف واسوي فيها

عزووز الحربي 2016- 5- 5 10:14 PM
رد: كلمة حق شكرا للدكتور زين العابدين
 
الله يعين بس

بدر 1 2016- 5- 5 10:56 PM
رد: كلمة حق شكرا للدكتور زين العابدين
 


مع احترامي لشخصك الكريم واحترم وجهة نظرك إلا ان رأيك مرفوض بالنسبة لي ويعتبر مخالف لكثير من الطلاب والأغلب منهم ضد ما تقول .... أما قولك مطابقة 100% فهذا غير صحيح .. الأسئلة فيها عدد مطابق لكن الأغلب تختلف والأهم في كلامي ان اسلوب كتابتها فيه شي من اللف والدوران والتمويه والتضليل ..... لك حرية في الرأي كذلك انا لي الحرية في رفض رأيك وعدم قبوله جملةً وتفصيلا

سليمان 111111 2016- 5- 5 11:33 PM
رد: كلمة حق شكرا للدكتور زين العابدين
 
جزاه الله خير الدكتور ويستاهل الشكر اسئله جميله من دكتور جميل

سليمان 111111 2016- 5- 5 11:37 PM
رد: كلمة حق شكرا للدكتور زين العابدين
 
وافي ياواحد من الطيبين وانت ان شاء الله انك من الطيبين

mmm19569 2016- 5- 6 12:35 AM
رد: كلمة حق شكرا للدكتور زين العابدين
 
يخسا مايستهل احد بشكره صعب الماده والماده كانت حلوه الدكتور النجس

حلمها بكالريوس 2016- 5- 6 12:55 AM
رد: كلمة حق شكرا للدكتور زين العابدين
 
أوافق كلامك فعلا الاختبار كان جميل وقريب حتى من الواقع
كل الامر انه كان يحتاج تركيز لا اكثر
الله يجزاه خير ماقصر
يمكن اللي ماحل كويس كان معتمد على نماذج اسئلة أو اسلوب معين
الله يوفق الجميع يارب

marwan 2016- 5- 6 05:08 AM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة بدر 1 (المشاركة 1057153281)


مع احترامي لشخصك الكريم واحترم وجهة نظرك إلا ان رأيك مرفوض بالنسبة لي ويعتبر مخالف لكثير من الطلاب والأغلب منهم ضد ما تقول .... أما قولك مطابقة 100% فهذا غير صحيح .. الأسئلة فيها عدد مطابق لكن الأغلب تختلف والأهم في كلامي ان اسلوب كتابتها فيه شي من اللف والدوران والتمويه والتضليل ..... لك حرية في الرأي كذلك انا لي الحرية في رفض رأيك وعدم قبوله جملةً وتفصيلا


ياليت تتكلم عن نفسك الله يجزاك خير .. لا تقول اغلب الطلاب .. احصيتهم واحد واحد .. مشكلتك اذا ماذاكرت وخبصت بالاختبار ..

marwan 2016- 5- 6 05:10 AM
رد: كلمة حق شكرا للدكتور زين العابدين
 
الله يجزاه خير ... اختبااااار جدا سهل



marwan 2016- 5- 6 05:12 AM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة واحد من الطيبين (المشاركة 1057151507)
السلام عليكم ورحمة الله وبركاته

مساء الخير لجميع الزملاء

لاحظت في موضوع الانطباع عن اختبار مقرر المجتمع العربي السعودي كثير من الاخوة يتحسبون ويدعون على الدكتور وأنه معقد ... الخ مع احترامي للجميع ويشهد الله على كلامي ماني من المطبلين للدكتور والا من بعض الطلبه الي يسوي فيها وهو ماحولك أحد انا لكن كلمة حق لا أقل ولا أكثر عن نفسي ماقريت إلا أسئلة الفصل الأول تصحيح شعاع النور والحمدلله حليت بشكل اقدر اقول عنه جيد جدا ان شاء الله كثير من الاسئله كانت مطابقة 100 % للأسئلة السابقه إضافة إلى ذلك السؤال الي مو مطابق فيه لفه مع التركيز راح تعرف الاجابه بمعنى أصح جاب أسئلة الترم الاول نفسها بس مع تعديل سواء بالسؤال أو الخيارات بشكل يحتاج إلى تفكير فقط من الطالب وفيه اسئله ماهي مكرره نهائي تحتاج إلا مذاكره من قبل الطالب وفيه اسئله اقسم بالله تركيز بسيط وعدم تسرع وقراءة السؤال والخيارات بشكل جيد والربط بينهم بتحل بالتالي اتمنى عدم الدعاء عليه لأنه شخص اكيد عنده عائله مثلنا وماسوى شيء يستحق مننا اننا نغلط بحقه سواء كان بالسب أو الدعاء الي ماحل ويدعي عليه احب اقوله انت سبب نفسك ماذاكرت بجد واجتهاد أو كمبيوتر العقل قفل عندك بالتالي ماقدرت تركز والسبب يعود إلى الارتباك وانصدامك بالأسئلة الأولى الي قريتها عشان كذا ضيعت كل شيء ولا حليت بباقي الاسئله لأحد يتفلسف عن نفسي قلت لكم قريت فقط أسئلة الفصل الي راح تصحيح شعاع النور وحليت وراجعت بعد ماطلعت وراضي بحلي واشكر الله عليه والي يقول مافيه مراعاة منه لا بالعكس راعانا كلنا معنا بيوت ومتزوجين ومرتبطين بعمل وفوق كذا مرابطين بالحد الجنوبي ومع ذلك الاسئله فيه منها نسخ لصق ومنها الي عدل فقط ومنها مايحتاج إلى تركيز بسيط ومنها مايحله الا الي مذاكر بمعنى كلمة مذاكر واشوفه عادي حتى يكون هناك فرق في مستويات نتائج الطلبه حتى لاتتم مسائلته من قبل الجامعه .
موفقين خير وتذكروا كلامي يوم النتيجه بإذن الله الي يتحسبون هم من ضمن الي ان شاء الله راح يكونون معنا في المستوى السادس السنه الجايه


يارجال ماعليك منهم .. والله اللي مذاكر ان يحل ويجيب درجه زينه .. لكن اللي ماذاكر ويبي درجاته هذا نقوله توكل على الله بس

بدر 1 2016- 5- 6 04:58 PM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة marwan (المشاركة 1057156121)
يارجال ماعليك منهم .. والله اللي مذاكر ان يحل ويجيب درجه زينه .. لكن اللي ماذاكر ويبي درجاته هذا نقوله توكل على الله بس



يا حبيبي حنا ما جينا في بيت ابوك علشان تتهجم وتقول توكل على الله ,, هذا منتدى للجميع نكتب وننقد بكل ادب وبدون تجريح وبأسلوب واضح وشفاف لكن ليس مثل هذا الأسلوب الذي تتكلم فيه ... الواحد يحترم نفسه افضل له

امنيتي تحققي 2016- 5- 6 06:16 PM
رد: كلمة حق شكرا للدكتور زين العابدين
 
الاسئله الحمدلله الانطباع العام سهله وصحيح بعضها تخربط من ناحية الاختيارت مثل تغيير او تغير او تقدم او تطور وغيرها ولكن الحمدلله على كل حال بالنسبه لي ماحبيت اراجع صحة الاسئله وعدمها عشان ما انصدم والوعد يوم النتائج ربي يسهل علينا كل صعب

marwan 2016- 5- 6 06:40 PM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة بدر 1 (المشاركة 1057158382)

يا حبيبي حنا ما جينا في بيت ابوك علشان تتهجم وتقول توكل على الله ,, هذا منتدى للجميع نكتب وننقد بكل ادب وبدون تجريح وبأسلوب واضح وشفاف لكن ليس مثل هذا الأسلوب الذي تتكلم فيه ... الواحد يحترم نفسه افضل له

لا تتفلسف ولا يطول هرجك .. ماتهجمت عليك ولا سبيتك .. انت بالذات اغلب مشاركاتك كلها تتهجم على خلق الله .. اذا انت ماتعرف تقرأ وتفهم هذه مشكلتك .. ومن متى كان التوكل على الله نوع من التهجم والسخريه يااستاذ يامتعلم .. الله يصلحك ويهديك

The end1990 2016- 5- 6 07:08 PM
رد: كلمة حق شكرا للدكتور زين العابدين
 
يعطيك العافيه كلام جميل 100%...

NooNy88 2016- 5- 6 07:40 PM
رد: كلمة حق شكرا للدكتور زين العابدين
 
يا جماعه الخير
استهدو بالله

من وجة نظري انو الموضوع ما يستاهل كل هالاشياء
الي حاب يشكر الدكتور والي حاب يذمه على تعقيد مثل ما البعض يقول

مافي احد منا كامل الا سبحانه
في منكم مذاكر وتعبان ومجتهد وفي منا الي اعتمد على اساله الاعوام والي اصلا ما ذكر ولا تعب
كلنا عن بعضنا نفرق في القدرات والتفكير في ناس تشوف التعقيد وناس تشوفه سهل ممتنع
يعني وإن كانت الاساله من خارج المنهج هنا كلهمم بتشتكون على الدكتور وتصير هيصه
الدكتور 1/ ما طلع من المنهج
2/ الاساله كانت قريبه من اساله الاعوام مع بعض الاختلافات
الي اعتمد على الحفظ غير الي اعتمد على القراء فقط


النقطه الثانيه /
لاحد يسب ولا يشتم
الي يشوف نفسه مظلوم يكتفي بقول حسبى الله ونعم الوكيل
ما في فايده من بعد السب والشتم ولا راح يعاد الاختبار ولا راح يتغير الدكتور


** ما اقلل من قدرات احد معترض ولا انقص من قدر تعببكم ومجهودكم كل مافي الامر نصفي النيه وتوكل على الله .
فلنا جميعا التوفيق
واعتذرا ع الاطاله


احمدو الله دائما وابدا

بدر 1 2016- 5- 6 10:35 PM
رد: كلمة حق شكرا للدكتور زين العابدين
 
اقتباس:
المشاركة الأصلية كتبت بواسطة marwan (المشاركة 1057158983)

لا تتفلسف ولا يطول هرجك .. ماتهجمت عليك ولا سبيتك .. انت بالذات اغلب مشاركاتك كلها تتهجم على خلق الله .. اذا انت ماتعرف تقرأ وتفهم هذه مشكلتك .. ومن متى كان التوكل على الله نوع من التهجم والسخريه يااستاذ يامتعلم .. الله يصلحك ويهديك

ابغى اتفلسف وانقد على كيفي المنتدى للجميع ماهو بس لنفسك و لاحنا جالسين في بيتكم ويطول هرجي غصباً عليك ماهو طيب .... واذا كنت تقول ان اغلب مشاركاتي كلها تهجم على خلق الله عطنى الدليل اذا كنت صادق , جب لي مشاركة تهجمت على شخص بعينه يا سعادة الدكتور المبجل والمحترم !!!


All times are GMT +3. الوقت الآن حسب توقيت السعودية: 07:57 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه