ملتقى طلاب وطالبات جامعة الملك فيصل,جامعة الدمام - استفسار عام ياتسبدي عليكم بصراحة انتم شي غريب وخورافي حسيت اني جالس مع ,,,,,؟

- اجتماع 6 (https://vb.ckfu.org/f425)

ياتسبدي عليكم بصراحة انتم شي غريب وخورافي حسيت اني جالس مع ,,,,,؟

السلام عليكم ورحمة الله وبركاتة

مساكم الله بالسعادة والرضا والطموح والاختبارات الزينة الجميلة وعقبال الشهادة الكبيرة

مابي اقول كلام مستهلك ورسميات وتسذا عندي نقطتين بقولها دامه حايمتن تسبدي وبروح

النقطتين هن امممممممم ( ..) خلاص سلام عليكم :mh35:

ههههههههههههههههههههه اسف اسف يالنفسيات عشانكم اختباراتكم شينة تسون تسذا

المهم

النقطة الاولى : انا من الناس اللي دايم يدخلون المنتدى كل يوم 5 او 6 مرات او كل ما كنت فاضي ادخل المنتدى خصوصا اوقات الاختبارات

بصراحة من بداية هالاختبارات هالترم هذا ادخل اشيك على المواضيع والاشياء الجديدة
الصدز حسيت انه جالس مع دور كايم وماكس فيبر وابن خلدون وميكافللي :017::017:
كل واحد يجيب اجوبة ويخترع علم من عنده وكل واحد يقول انا الفاهم وانا اللي اعرف وصح علي
على سبيل المثال لا الحصر المنتدى من امس والناس تجيب اسئلة للاعوام السابقة عن مادة الاجتماع السياسي وتكون الاجوبة خطاء للاسف

مثلا مثل هالسوال

افلاطون هل هو فيلسوفا واقعيا ولا فيلسوفا خياليا ولا مثاليا

وكل واحد يدخل على الموضوع ويقول انا ابن حلدون و خطاء عليك يا فلان الجواب كذا

تبوني احلف ولالا انه فيه اسئلة من كثر الاشكالية اللي عليها ارجع للمذكرة وللاسف اذا ما الاقيها اسحب عليها وانط السوال

ادري بعض الناس مجتهد ويبي الخير للناس بس ياخوي لا تنقل شي ابد مو متاكد منه لانهم بيدعون عليك :mad: (( واللي يقهرني تلقى مشاركاته بالمنتدى 5 ويقول انا الفاهم وانا اللي اعرف وخطاء عليكم خخخخخف علينا يا ارسطووو ))

فيه ناس معروفين بالمنتدى وقديمين ومهتمين بالشي هذا وحتى يوميا يدخلون ويشيكون ويتواصلون مع الدكاترة الله يوفقهم والله انهم يستاهلون الدعوة ادعوا لهم بظهر الغيب تكفون

النقطة الثانية :-

معروف دايم قبل الاختبار بشوي تطلع مواضيع بالمنتدى ( انطباعاتكم عن اختبار المادة الفلانية )

اول ما افتح الموضوع اشوف الاوضاع اثاريها اول 3 صفحات كلهم يقولون الاختبار سهل وروعة ويهبل ويجنن
مو ذي المشكلة
المشكلة الي يمدح الدكتور والي يقول حلو والي يقول سهل مرة , الغريب بالموضوع دخلت على موضوع اسئلة الاختبار اليوم يعني شخص مصور الاسئلة ومنزلها واشوف كم شخص من الي قالوا الاختبار حلو وسهل ويدعون للدكتور هم نفسهم يدعون على الدكتور ويقولون صعبة مرة ما ادري هل هو انفصام بالشخصية ولالا

اتمنى انه يتم التركيز على هالنقطتين الله يعافيكم وربي يوفقكم بالاختبارات

على العموم اسف للاطالة جعلكم بالجنة ووالديكم

اخوكم ماجد:love080::love080::love080: