|
حالات غش ولا حياه لمن تنادي
السلام عليكم ورحمه الله وبركاته
للاسف اجد في بعض مراكز الاختبارات حالات غش منها داخل القاعه ومنها من المراقبين نفسهم (البعض موالكل )للامانه ومن طرق الغش الي حضرتها:طالبات يصعدون القاعه قبل الاختبار ويكتبون على الطاولات وطر ق اخرى مثل صله قرابه المراقبه لطالبه سواء(اخت -ووالده-وصديقه) تحرص المراقبه تكون قريبتها الطالبه اخر الخارجين من القاعه وتتم عمليه الغش وهذا الشي حضرته شخصيا حاولت التوصل لحل لاكن لاحياه لمن تنادي😔 الخلاصه:انا اجتهد واتعب واذاكر واحصي ثمره تعبي باذن الله والبعض بلا جهد بلا تعب ياخذ شي مايستحقه (هل يستوي الذين يعلمون والذين لايعلمون)؟؟؟؟؟؟ هل بتكون في شهادات الغشاشين الفرحه والبركه مثل شهادات المخلصين استغفرالله الذي لا اله الا هو الحي القيوم واتوب اليه |
رد: حالات غش ولا حياه لمن تنادي
لما ارى شيا من هذا
|
رد: حالات غش ولا حياه لمن تنادي
نهائي ماشفت غش من التحقت بالجامعه وين مقرك انتي ؟
|
رد: حالات غش ولا حياه لمن تنادي
الان انا مستوى سادس ولم ارى الا كل خير لا من الطلبه ولا من المراقبين
ولا يجوز اتهام الناس بالباطل |
رد: حالات غش ولا حياه لمن تنادي
كنت في قطر اول مستوى
وبعدها في محافظه بقيق |
رد: حالات غش ولا حياه لمن تنادي
اقتباس:
|
رد: حالات غش ولا حياه لمن تنادي
التقوا الله و خافوه
يا ناس |
رد: حالات غش ولا حياه لمن تنادي
في الحقيقه لم ارى شي من مستوى اول الى مستوى سادس من حالات الغش
|
رد: حالات غش ولا حياه لمن تنادي
الحقيقة موضوع حساس ويمكن كثير ما يتفقون معي لكن للأسف يسيء الى سمعة الجامعة بشكل عام وشهادات التعليم عن بعد بشكل خاص .. (قبل فترة واحد من الشباب راح لمستشفى علشان التدريب الميداني1 وكان يتناقش مع الاخصائي عن جامعة الملك فيصل ويقول بلسان الطلاب اللي مروا عليه ،، ان الاختبارات كلها غش ومساعدات) وانا سمعت قبل كذا عن طريق الزملاء ان فيه بعض المراكز للاسف المدير يكون متهاون في موضوع الغش ،، أتمنى من كل شخص يراقب الله في نفسه ، الحمدلله وصلنا للمستويات الأخيرة بمثابرة واجتهاد وتعب،، بدون غش وخرابيط. وأسئل الله لي ولكم التوفيق . |
رد: حالات غش ولا حياه لمن تنادي
انا ابي اغش ماقدرت
علموني وين المدارس اللي فيها غش واروح لها |
رد: حالات غش ولا حياه لمن تنادي
ما بُني على باطل فهو باطل
ومن غش بكافة الطرق فشهادته باطله ولن يبارك الله في شهادته وما يترتب على ذلك من وظيفه او ترقيات او نواحي ماديه او معنويه فلا تفرح لهولاء ولا تتضجر تجاههم فأن الحلال بين والحرام بين ونقول اللهم أغننا بحلالك عن حرامك وبفضلك عمن سواك |
رد: حالات غش ولا حياه لمن تنادي
بلاش الكلام ذا انا مستوي 6 مافيه غش اذا فيه بيكون غير ملاحظ ي حبكم لتكبير المواضيع
|
رد: حالات غش ولا حياه لمن تنادي
احنا في تبوك ومره الوضع شديد مايمديك تلف يمين ويسار بالعكس حتى الهمس محد يقدر
|
رد: حالات غش ولا حياه لمن تنادي
اي غش احيان ابي اطق ظهري الا المراقب عينه لي
اذا شفتي حاله فرديه لا تعمميها على مستوى الجامعه اكيد فيه حالات فرديه من المراقبين وفيه طلبه ايظا شياطين عندهم حيل في الغش مجمونه لكن بالاخير كلها حالات فرديه لا تستاهل حتى كتابت موضوع لها |
رد: حالات غش ولا حياه لمن تنادي
اقتباس:
|
رد: حالات غش ولا حياه لمن تنادي
اقتباس:
ليش العصبيه هذه الظاهره موجوده ولا يمكن أنكارها سواء ملاحظه أو غير ملاحظه وهي تعتمد على سلوك الفرد ومدى تقبله لها فالوازع الديني ومخافة الله لها دور في في القضاء عليها وأكيد اللي على رأسه بطحا يتحسس والشخص صاحب الموضوع يقول شاهدها فيجب عدم أنكارها أو تهميشها كقضيه فقد يكون هناك معارف ومراقبين يعرفون الطلاب والطالبات ,,,, والأهم من ذلك نصيحه لا تبني شهادتك على حرام ,,,, |
رد: حالات غش ولا حياه لمن تنادي
أبدا طول مشوارى الجامعي ماشفت حالات غش ولا من يفكر في الغش
|
رد: حالات غش ولا حياه لمن تنادي
السؤال اللي يطرح نفسه وش عليك منهم عليك من نفسه واللي يغش بكيفه ياربيه مثاليه مالها داعي
|
رد: حالات غش ولا حياه لمن تنادي
اقتباس:
|
رد: حالات غش ولا حياه لمن تنادي
ههههههههههههههه
مركزنا اشوف حتى الجدران يكتبون عليها مو بس الطاولات |
رد: حالات غش ولا حياه لمن تنادي
كلُ ذنبه على جنبه وش عليك منهم خليهم اعمالهم اهم شي نفسك لاتغشين جزاك الله خير
|
رد: حالات غش ولا حياه لمن تنادي
اقتباس:
بجي اختبر مواد ابو زيد معكم وينه فيه مركزكم انا عندي فوبيا من ابو زيد للامانه |
رد: حالات غش ولا حياه لمن تنادي
ياجماعه فيه غيرنا انتساب في جامعه اعرفهم يغشون بالواتساب مسوين لهم قروب وفيه مدرس خصوصي يصورون له الاسئلة اول مايدخلون والمصري حريقه دافور يحلها في 10 دقايق ويرسلها للقروب ويحلونها ويطلعون مستوى كامل يعني جميع الطلاب وطبعاً حق المصري قطه بينهم ولا يعرفون اسماء المواد اللي عليهم ماياخرهم في الاختبار الا التصوير والحل وفالينها يعني اللي قريته من الاخت ارحم من اللي انا اتكلم فيه وبعضهم خويي في المستوى السادس ولا يعرف ولا اسم اي ماده قد خلصها وعادي لا حسدته ولا شي لكل مجتهد نصيب يمكن هو يغش ومايستفيد من شهادته وانا اجتهد واستفيد لو على المدى البعيد اذا الله احيانا
|
رد: حالات غش ولا حياه لمن تنادي
واذا استفاد الله يرزقه انا وش علي وانتو وش عليكم ذاكرو بس وانا بروح اتمشى في المطر شوي وبرجع اكمل :)
|
رد: حالات غش ولا حياه لمن تنادي
كلن له رب فوقه ويحاسبه
|
رد: حالات غش ولا حياه لمن تنادي
الاخت الي منزله الموضوع وش الهدف بتبينين انك ماشاءالله وتبينهم من خلال هالموضوع يتشددون علينا ليتك مانزلتي موضوعك يالمجتهده وفكتينا منك غيرك عندهم ظروف ويمكن تبي مساعده بس احذفي موضوعك مسويه يعنني الساكت عن الحق شيطان اخرس ماعاش الا نوعيتك ومالك دخل بالي يغش اولا اختبري وتوكلي ع الله اذا عقلك يحفظ كل شي غيرك لا وقدري ظروف الناس وعقب بربرتك ذي بيتشددون الله يصلحك مالقت شي تكلم فيه وجت تفلسف
|
رد: حالات غش ولا حياه لمن تنادي
بالعكس احنا عندنا مراقبه شديده ودقيقه
مع ان الكراسي متقاربه من بعض كثييير ولكن لم ارى غشش عينك عين |
رد: حالات غش ولا حياه لمن تنادي
موبس جامعتنا جامعه تبوك زي كذا قسم الرجال اعرف واحد تخرج بالواتس يرسل لمدرس والمدرس يجاوبه واذاخلص الاختبار اعطاه ٢٠٠ريال والظاهره ذي خاصه موعامه حالات فرديه وماتخص الجامعه بعض الناس سكني شق القاع وقال انباع��
|
رد: حالات غش ولا حياه لمن تنادي
احتقر اي شخص يلجئ للغش وجعل الله اهون الناظرين انا مريت بهالموقف وجتني وحده كبر امي تسولف ونضحك لي
قبل دخولي للقاعه لعلمها انو دائماً انا وهي في اللاين اللي جنب بعض وتفاجئت انها بنص الاختبار تبي الاجوبه بجد من داخلي احتقرت تصرفها .. اللي يغشون وشايفينه سهالات ارتقوووا مرا تصرف فوضوي |
رد: حالات غش ولا حياه لمن تنادي
اقتباس:
قوية قوية قويه الشيطان مايفكر به هههههههههههه الحمدلله الذي عافنا مما ابتليو به ماني مسوووعبه واضحك ع خيبتهم |
رد: حالات غش ولا حياه لمن تنادي
لكل مجتهد نصيب
|
رد: حالات غش ولا حياه لمن تنادي
من جد وصلت سادس مستوى وماقدرت اغش ومافيه امل اتمنى حذف الموضوع |
رد: حالات غش ولا حياه لمن تنادي
يصلح مشروع تخرج - الغش في الاختبارات
انا عن نفسي مركزنا احسه فرع من جامعة الامام تذكرت مدير المركز اذا دخل الفصل يخش بسرعه ويسوي مسح كامل يا عزتيل المراقب يبدى يقول كل واحد يركز ويتأكد من بياناته خلنا نكون صريحين ونبعد عن يصلح والا ما يصلح لو حصل وذاكرت وجت الاسئلة صعبة وحصل ان الواحد يستعين بصديق او وسيلة هل بيقول لا والا بيغش في النهاية هل الفوضى وقفت هنا انا ابروح اسكن مع افلاطون في مدينته عالاقل مافيها سيارات وناس تحد ومرور يقطع الاشاره اجل واحد يخيط في الجسر المعلق وصدمني مع البيبان وانحاش واشوف راعي مرور واركض وينزل من سيارته خايف وانا اقوله واحد صدمني وانحاش كان يزورق بالسياره بسرعه امسكوه راعي سياره بيضاء قالي اخذت لوحته قلت لا بسرعه الرجال راح قالي طيب دق عالمرور قلت وانت وشوا لا شعورياً قلت كم رقم المرور ويفرد لي صدره مكتوب على لبسه بعد مو حافظ رقمكم وادق ويرد علي واحد اقوله المرور يقول لا هذي الدوريات دق عالمرور شكيت اني داق رقم مع الربكه وارجع ادق قلت المرور قالي لا ياخوي الدوريات قلت اسف ازعجتك قال لا عادي واقول للمرور اللي واقف وش القصه قال دق ثاني مره بيشبك لان فيه تداخل في الخطوط ويحولك عالدوريات وارجع اتصل واقول المرور ويرد علي نفس الشخص لا الدوريات يا خوي قلت ابي المرور وده يقولي اشغلتنا قالي اتصل عليهم هم قلت من اليوم اتصل ما يرد علي الا انت قالي قصر الكلام قلت له اسف لا تشيل في بالك حي الله مواطن انصدمت سيارته والنهاية لو انمسك بيطلع بكفاله واذا ما معه تأمين بينشب لي المرور اني اسامحه وسكرت وحق المرور فوق راسي متحمس يقول ردوا عليك بغيت اقوله حماسك يحسسني اننا متصلين على برنامج قلت له تدري الله يسامحه يوم تذكرت البرقراطية والتعقيد |
| All times are GMT +3. الوقت الآن حسب توقيت السعودية: 08:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام