|
بنسحب خلاص
السلام عليكم انا قدر الله علي واخذت ماده صعبه اللحصاء واحس اني ماني قدها حاولا امسكها ماقدرت جدا صعبه ابي اسئلكم انا قررت ماروح الامتحان بكرة
ابي اعرف هل ياثر علا المستوى عدم حضوري للماده انا بقدم عذر للكليه ان شا الله بس مدري هل اكيد بيقبلونه ويعيدون لي الماده او الامور سهالات وهل ارجع ادفع رسوم للماده ؟ وهل اعتبر منسحبه او غائبه |
رد: بنسحب خلاص
لا تسحبين من الاختبار الا اذا عندك عذر مقبول وتكونين متأكده انهم راح يقبلونه واذا سحبتي وما قبلوا عذرك تعتبرين راسبة وراح ينزل معدلك انت ذاكري وسوي الي تقدرين عليه وروحي اختبري ماتدرين يمكن ربي يسهلها عليك وتنجحين حتى لو درجه واطيه اشوى من الرسوب هذي وجهت نظري |
رد: بنسحب خلاص
انا ما ادري تقصدين اي مادة هل مبادئ الاحصاء او الاحصاء الاجتماعي على العموم مادة مبادئ الاحصاء ذاكرتها ليلة الاختبار وركزت على التعاريف والاشياء الي تحفظ مع كم مسألة بسيطة مثل المدى والوسيط والوسط والاشياء البسيطة والحمد لله عديت المادة بدرجة مرضية جدا بالنسبة لمذاكرتي المتواضعة اما الاحصاء الاجتماعي فالدكتور ما قصر بصراحة حدد لنا مسائل معينة تقريبا 6 او 7 ما اذكر والحمد لله مع شرح الاخوان معنا بالمنتدى عديت المادة بامتياز ... الخلالالالاصة توكلي على الله وادخلي الاختبار لانك لو اجلتي الاختبار راح تجيك نفس الحالة السلبية الي انتي عايشة فيها
وبالنهاية القرار الاخير لك بالتوفيق |
رد: بنسحب خلاص
تعوذي من الشيطان وتوكلي على الله
وعزمي في نفسك أنك متحديه في باقي المواد وراح تعوضين درجتك فيها .... ماده وحده ما راح تهزك اذا جبتي في البقيه معدلات طيبه لا تفكرين الا بالنجاح فقط ومن قال يا رب ما خااااب اذا عندك ماده بكره ذاكري وانسي اللي فات تونا بالبدايه وسال الله العظيم يفرج همك ويرزقك أعلى الدرجات بالدنيا والآخره موفقه بإذن الله |
رد: بنسحب خلاص
توكلي على الله ولا تحبطين نفسك
اذا حطيتي براسك انها صعبه ولا راح تقدرين عليها اكيد بتكون صعبه في نظرك الله يفتح على قلبك فتوح العارفين وينور بصيرتك يارب |
رد: بنسحب خلاص
خذي فنجال قهوة مع حلى ترميسو وروقي وبعده ذكري لو نص ساعه وتوكلي ع الله وحطي في بالك انك ف دنيا كلها شقاء وانها سوف تفرج من الله
|
رد: بنسحب خلاص
الاحصاء المادتين الي في المقرر كامل صعبه مافهمتها لكن حفظت اسأله الاعوام الي قبل وتوكلت علي الله ودخلت الاختبار وعديتها الثنتين والحين خريج ان شاء الله
احفظ اساله السنوات الي راحت واختبر لاتسحب عليهم يعطونك حرمان ويطرح معدلك |
رد: بنسحب خلاص
لا تنسحبين شدي حيلك وأنا اخوك وأنتي قدها بإذن الله |
رد: بنسحب خلاص
لاتنسحبين اختي انا اختبرت مبادئ الاحصاء وماكنت فاهمته مررره وكنت ابي اسحب الماده بس توكلت على الله
وحفظت التعاريف وحاولت افهم حتى بالختبار الحاسبه تطلع لي جواب مو موجود بالخيارت كنت اقرب وطلت وانا اقول شايلتها مافي امل اني انجح وانصدمت اني جبت جيد وعديتها توكلي على الله سوي الي عليك والله يوفقك ويسر امرك |
رد: بنسحب خلاص
اقتباس:
نفس وجهة نظر عليا عندك من الحين الين بكرا العصر في وقت كافي اول شي انوي هلمذاكره لله احتسبيها لله وباذن الله صدقيني ربي ببيسرها لك وبتنجحين ان شاءالله :icon1: |
رد: بنسحب خلاص
الله جزاكم خير ولا يحرمني منكم يامستواي الطيب ولكم من دعواتكم المثل صراحه ماقصرتوت كلماتكم اثلجت صدري
|
رد: بنسحب خلاص
ركزي ع اسئله الاختبار والتعاريف وتوكلي ع الله وربي يسهلها حرلم تضيعي الماده وانتي كذا ولا كذا ﻻزم تختبري
|
رد: بنسحب خلاص
كيف بس كلامي
تقهويتي وروقتي والا باقي |
رد: بنسحب خلاص
لا لاتسحبين يمكن تجاوين صح وتنجحي اختي كانت زيك وربي كونا نتوقع راسبه ونجحت بفضل الله
|
رد: بنسحب خلاص
ذاكري الاسئله حقت العام وتوكلي ع الله
|
رد: بنسحب خلاص
لاتسحبين ذاكري اسئله الاعوام وتوكلي وناجحه بأذن الواحد الاحد
|
رد: بنسحب خلاص
اختي صلي ركعتين وتوكلي على الله وبتنجحين أن شالله انا والله كنت خايف من مبادئ الإحصاء يوم اختبرت مافي اسهل منها والله جبت 97
|
رد: بنسحب خلاص
من جدك تنسحبين انا اختباري اليوم مبادئ الاحصاء وشوي اقطع شعري منه ياانا ياهو المهم اني حاولت افهمه ودورت شروحات باليوتيوب وبديت افهمه اهم شي ذاكري بتركيز واسئلة العام والملخص اللي نزله الدكتور وتفائلي بالنجاح صدقيني ربي مايضيع جهدك ابدا بس توكلي عليه وتعوذي من ابليس
|
رد: بنسحب خلاص
يابنت الحلال هي هي نفس الشي اذا غبتي ولا ماحليتي وانا من ناحيتي توكلي على الله وروحي الاختبار وماتدرين يمكن الله يسهل عليك .
|
رد: بنسحب خلاص
طلوع السلم صعب في البدايه ,,
|
رد: بنسحب خلاص
احسنتم والله كميه رهييييييييييبة من الرسائل الايجابيه..الله يوفقكم يارب وبإذن الله انكون معدين الماده....
|
رد: بنسحب خلاص
شدي حيلك وش الفايده من الانسحاب توكلي على الله والله يسرها عليك
|
رد: بنسحب خلاص
وسبدي عنكي سبداه
|
رد: بنسحب خلاص
انتي على وشك تخرج ووصلتي لهذا المستوى
لا تخربطي اوراقك ولا تخربطي اللي بنيتيه واذا عندك مادة وشفتي انها صعبه ممكن تجيبي مدرسه خصوصيه لها وتتسهل جدا لك فيه الف حل عشان تكملي الى الافضل |
رد: بنسحب خلاص
وش صار عليك رحتي ولا مارحتي طمنيني
|
رد: بنسحب خلاص
بشري عساك اختبرتي الله يوفقك :love080:
|
رد: بنسحب خلاص
ذاكري لا تتراجعين واحضري الامتحان وربي يوفقك
منها تكونين خضتي التجربه لا تخافين توكلي على الله |
رد: بنسحب خلاص
بشري عساك عديتي
|
رد: بنسحب خلاص
عندي فضول اختبرتي الماده والا الخوف والتردد منعوك تروحي
|
رد: بنسحب خلاص
اولا والله الماده سهله بس حاولي تجيبي مدرس لها انا عديتها مثل البرق والحمد لله لا تركز على الحفظ ركز على الفهم وراح تقولي جدا سهله
|
رد: بنسحب خلاص
أنا للحين ماخذيت المادة والحمدلله معدلي مرتفع
بس أخاف اخذها وتخفس بالمعدل تنصحوني أخذها متى مستوى 7 أو 8 :( |
رد: بنسحب خلاص
اقتباس:
لانه الخوف على ثامن وينزل حسافه وبتوفيق هالماده موهقتنا عسى نعدي بس منها :71: |
رد: بنسحب خلاص
اقتباس:
أقدر أخذها ؟ |
رد: بنسحب خلاص
أنا أخذتها "لقافة" لما كنت بمستوى ثاني
ودخلت الاختبار قسم ما أعرف طبسا من عبسا ولا فتحت المادة أبد ولا أدري وش تتكلم عنه وحليت ٥٠ سؤال من راسي ولما طلعت النتيجة طلعت جايب ٤٧ درجة من ١٠٠ وحملتها ولسا ما نزلتها �� |
رد: بنسحب خلاص
تعوذي من الشيطان وذاكري الاسئله وروحي اختبري
وبالتوفيق يارب معدلك بينزل وبتدفعين رسوم للماده بعد ماتدرين يمكن يكون سهل وتنحين فيه |
رد: بنسحب خلاص
-
من دخلت مستواكم وهذا انشط موضوع :Looking_anim: تب وش صار انسحبتي او توكلتي ع الله ورحتي ...!! على العموم كل مايجي من الله خير ف الحمدالله ع كل حال وأسأل الله ان يسهل لنا ويوفقنا جميع دنيا وآخره بالتوفيق جميع يارب :004: |
| All times are GMT +3. الوقت الآن حسب توقيت السعودية: 01:08 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه