[ استفسار ] نداءءءء للفـــــــــــــيصل و دحــــــــــــوم الدرعيـــــــــــه

[Qublan]

المشاركة الأصلية كتبت بواسطة hams1420

تكفون ردو هو تحديد الاجابات على ورقة الاسئله يعتبر غش ؟؟؟

مايعتبر غش ولا يوجد اي تعليمات من الجامعة بهالموضوع

وانا من بدايتي في الجامعة ابدا بالحل على ورقة الاسئلة

[نادر511]

ماخليت عن المراقب ولا الاداره تناشبت معهم وتطالبنا وصلت حتى لحب الخشوم والنخوه والجاهيه لاكن للاسف

[النايفهه]

من الحين راسل الفريدان لاتسسكت ابد ودق عليه وراح يفرجها ربك باذن الله

[نادر511]

شاكر ومقدر تفاعلكم وردودكم

والله لايجعلكم في مثل هالموقف

صرت ضحيه في اخر الاختبارات

حسبي الله ونعم الوكيل

باقي لي ماده شكلي بسحب عليها ماعاد لي خلق

[فــوز ثنيان]

اذا مانت غاش صدق وماتفاهم معك .........المفروض ما تسكت له ع طول عجره على راسه
بصراحة شىء يقهر الله يعينك

[ابو حميد الورد]

الله يعينك على مصابك

اهم حاجة تواصل مع الفريدان هو الشخص الوحيد اللي بيلقى لك حل
هذا في حال انت ما لقيت حل مع إدارة المدرسة فالفريدان هو صاحب الحل بعد الله سبحانه وتعالى

[فراشة الاحلام]

حسبي الله عليه الله ينصرك نصرننا مبين .... كلم الفريدان والشعيبي مالك الا هم بعد الله والله يفرجها عليك..

[فارس.]

اخوي نادر اسمع مني تواصل مع الفريدان ونشبله ورسله الليلة كل شي يخص موقع اختبارك وسمك ثلاثي ورقم اللجنة اللي اختبرت فيها وسم المشرف اللي سحب نموذجك ورقمك الجامعي والمادة
عشان يمديه يتصرف

وان شاء الله يقولك راجعهم بكرى

[حواء ال المدينة]

باقي لي ماده شكلي بسحب عليها ماعاد لي خلق

لا لاتسحب عليها الي حصل حصل لاتخليه يأثر عليك أتماسك وكمل
وكلم الفريدان الله يسخره ويشوف لك حل

[أم الغالي]

الله يفرج عنك مااهمك ،، فوض امرك لله ولاتستسلم وكمل الماده اللي عليك ،، الدنيا ماتستوي لاحد ،، وفعلا لاتسكت عن حقك حتى لو رحت تقابل الفريدان شخصيا بااسرع وقت ،،الله ييسر امرك وتلاقي حل