[ اسئلة اختبارات ] : التدريت الميداني ( مع احلى الاماني ) موضوع تفاعلي بقوة

[ابو خالد الحكمي]

السلام عليكم احبتي

المشاركة هذي كانت في التدريب الميداني 1

مستوى رابع لما طبقنا في احد مستشفيات ووطننا الحبيب

نزلتها في وقتها وضرب الموضوع بكشل فاق الخيال حتى جاني عرض من

طاش ما طاش اكتب لهم حلقات بس انا رفضت بداعي الغرور والنرجسية

اقروها عقبال ما نبدا في مقرر التدريب الميداني 2

موفقين يارب وفالكم البريق

==================


السلام عليكم ورحمة الله وبركاته
احبتي الله ايامكم بالخير والمسرات
واسال الله ان يجعل هذا البلد امنا ويرزق اهله من ثمرات كل خير وبركة
-------------------
لقد من الله علي ان انهيت التدريب الميداني الصحي والتعليمي وهذا من فضل رب العالمين

في الحقيقة لا ادي من اين ابدأ هذا الموضوع العجيب الغريب خلوني ابلع ريقي شكلي رح انجلد بس ما عليه

كله في سبيل العلم والتعليم المهم ساروي لكم قصتي مع التدريب الميداني الصحي
واسال الله ان يجعل كلامي خفيف وان يطول بال مشرفنا الرائع يزيد
على ثقالة دمي الي ماراح يرتاح منها الا بعد التخرج

كان يا ما كان في حديث الزمان فيه طالب مجتهد اسمه ابو خالد الحكمي قرر انه
يطبق التريب الميداني الصحي في مستشفى الجبيل العام

المهم اخوكم رايح مشخص ببدلة العمل واجي عند الاستعلامات لو سمحت يالغالي وين توني ما خلصت والا هو
يقولي انت من حقين الجامعة << حسيت اني مفحط والا مهرب ماني طالب علم قلت له ايه منهم
قالي رح المكتب هذاك واروح للمكتب واحصل واحد بن حلال طبع لي خطاب وقالي تروح مع السيب هذا واخرة
يمين في يسار تحصل عيادة الخدمة الاجتماعية قلت له الله يجزاك خير ومشيت على الوصف

المهم يمين في يسار زي ما قال وشوي امر من عند حريم متجمعين كبار سن وشفت لي ثلاث شياب مصبغين
وامورهم ميه ميه يعني مو شياب مرة فوق الاربعين قريب من الخمسين

انا توقعت انها عيادة السكر او مكتب الضمان الاجتماعي بالمستفى وكان وحدة قدامي سادة الطريق قلت لها لو
سمحتي يا خالة طريق والا بيدها ورقة نفس الي معي قلت في نفسي افااااا الخالة طلعت زميلة دراسة
المهم قلت حلو تعلم العلم من المهد الى اللحد بس للامانة كل الي كان السيب كان الى اللحد اقرب

جيت عند الاخصائية قلت السلام عليكم
قالت وعليكم السلام
قدمت لها اوراقي قالت خذ النموذج هذا وسو زيه قلت يعني اروح واجي بكرة قالت بدري عليك الحين الله لا
يهينك اكتبه بالسيب قلت لها طيب

المهم مشيت بالسيب والا الشباب المصبغين قاعدين يكتبون والا معهم نفس الاوراق وزاد عددهم يمكن اربعة
واحد منهم شكله جنتل طقم اسنان جديد وراز في مخباه الي فوق اربعة اقلام كل قلم لون يعني واضح انه
مثقف بغيت اقوله انت يزيد الاسمري بس قلت يا ولد لا تتهور سلم وتعرف عليهم اول

المهم سلمت عليهم وتعرفنا على بعض طلعت اساميمهم واحد محماس وواحد ظافر وواحد خليفة وواحد مفرح وواحد جراد
حيالله الشباب انتم معنا في الجامعة ايه والله ماشاء الله . الله يعطيكم الصحة والعافية قالوا امين
قلت لهم ومعنا بالملتقى حق جامعة فيصل قالو اكيد ما يحتاج قلت حلو
متابعين والا مشاركين فعالين قالو والله هيك وهيك
وش النكات حقتكم الي تشاركون فيها كل واحد قام يناظر بالثاني ويضحك
المهم محماس طلع وسيم الشرقية وظافر طلع جرح الزمن ومفرح طلع جنتل مان
وخليفة طلع نكه شاطئ الاحران وانا الي افقعها ضحكة ماشاء الله اجل جرح الزمن وشاطئ الاحزان ههههههههههههههههههه
(( المرجع قائمة اسامي المنتدى ))
سولفنا سوالف شيبان يحبها قلبك وتذكرنا الايام الخوالي وبعدها رجعت للاخصائية على شان تختم لي الاوراق
قالت لي خذ الكشف الي على الطاولة هذيك واكتب اسمك ووقع
هنا كانت الصدمة والحقيقة الغائبة
واحصل كل الاسامي الي في الكشف كانت مزنة وزرعة ووضحى وعمشى وصالحة وهادية ومليحة هاجعة
وجرادة وخضراء قمت افرك عيوني من جدهم هذولي هههههههههههههههههه
وين دلوعة ابوها وين شوشو وين عذبة الروح وين نانسي وين بنت كيوت وين يارا
وين دموع الورد وين ريم الفلا يااااارباه انا ماسك كشف مادة الترديب الميداني والا
ماسك كشف الضمان الاجتماعي
(( المرجع قائمة اسامي المنتدى ))
المهم خلصت اوراقي وطلعت من المستشفى وانا اهز راسي واقول تعلموا العلم من المهد الى اللحد عادي
بس اسم شوشو واسم عبير الورد واسم وسيم الشرقية واسم جنتل مان هذي وين اصرفها

المهم انا وصلت الى قناعة لن اتعامل معكم الا كمحماس ومرعي وشريفة وزرعة وعمشى

اعتذر عن الاطالة ولكن كنت طفشان قلت خليني امرن نفسي

على الكتابة قبل الاختبارات

قصة من خيالي الواقعي ..

اخوكم المصدوم

ابو خالد الحكمي

[نظرة جديدة]

متابعة بصمت

[الفيحاني]

هههههههههههههههههههههههههههههههههههههههههههههههههه ههههه


فضحححححححححححتنا يا ولد



انا محماااااااس

[ikarezmai]

ههههههههههههههههههههههه

[manool79]

ابوخالد ياله نبي تشجيعك لنا الطاقه خلاص قربت من الصفر

[Huda113]

����������������

[نكهة القهوة*]

معاكم زرعه

















..











لا والله امزح لاتصدقون بس تسليك وكذا

[ساكورا,,,]

ههههههههههههههههههه
ومعكم عمشى:s_45:

[Ruba.k]

ههههههههههه وانا صيته







ابو خالد الله لايهينك انطلق من النتائج التعليمية ٤ وكلها نقاط متشابههه ومكرره كثير بالاختبارات

[ابووتركي]

أبو خالد خذ هذا ملخص الفيصلاوي منسق ومرتب ما شاء الله عليه

ما دام الله جابك والله اني ما هضمت هالماده لكن الشكوى على الله مالنا حيله الكلام فيها كثير ما تدري وش تركز عليه

لكن ما دامك معنا فيها تهون وتساهيل بإذن الله