|
تبي تعرف معنى الظلم والقهر
السلام عليكم
اليوم كلمت الهيئة السعودية للتخصصات الصحية لاننا مطالبين بأختبار الهيئة للحصول على مسمى اخصائي اجتماعي ونقدر نتوظف بالمجال الصحي اول شي لازم نتدرب لمدة ثلاث شهور في مستشفى يكون فيه ادارة تدريبيه ثاني شي شهادتنا غير معترف فيها من قبل الهيئة السعودية والشهادة المعترف فيها شهادة جامعة الملك عبدالعزيز بجده فقط طيب يعني وش معنى هذا الكلام درستنا راحت كيذا من غير فايدة حرام من جد بنسبة لي موظفة في مستشفى وكنت اسعى لترقية طيب غيري وش بيسوي الي ماعنده حتى الوظيفة :24: |
رد: تبي تعرف معنى الظلم والقهر
يعني دراستنا راحت هباً منثوراً انا كنت اطبق بمستشفى مدينة الملك سعود الطبية لمادة التدريب الميداني 3 وسالت مدير الخدمة الإجتماعيه عن تصنيف الشهادة قالو لي لازم تحولكم الهيئة لأحد المستشفيات وتطبق لديهم ويتم تقيمك من قبلهم لكن مساءلة ان الهيئة ماهي معترفه بشهادة جامعة الملك فيصل ومعترفه بشهادة جامعة الملك عبدالعزيز والله هذا قمة الظلم والقهر لانها كلها جامعات سعودية وتابعة لوزارة التعليم العالي |
رد: تبي تعرف معنى الظلم والقهر
ههههه
أتحداك اذا هالكلام صحيح هذا القرار متحيز لجامعه عن جامعه الجامعه معترف فيها |
رد: تبي تعرف معنى الظلم والقهر
أخوي لا تتحداني ولا اتحداك دق على الهيئة السعودية وسألهم يالتني اطلع غلطانه
وانت الصح 920019393 |
رد: تبي تعرف معنى الظلم والقهر
والله مشكلة ؟؟؟ |
رد: تبي تعرف معنى الظلم والقهر
الله يكون بعون الجميع
|
رد: تبي تعرف معنى الظلم والقهر
أنا أعرف شئ واحد اننا نتدرب ثلاث شهور لكي نصنف اخصائيين ، وبالنسبه لإختبار الهيئة ليس اختبار وإنما تقييم
|
رد: تبي تعرف معنى الظلم والقهر
تكفين يا أم الدانه خلينا نكمل من دون تحطيم
|
رد: تبي تعرف معنى الظلم والقهر
اصلا فيه مشاكل للاخصائي الاجتماعي يكون على الكادر الصحي بس ربي يسهلها و عندكم التشغيل الذاتي التابع لشئوون الصحيه و الخدمه المدنيه
|
رد: تبي تعرف معنى الظلم والقهر
1 مرفق
السلام عليكم
اوجعتي قلبي يا ام الدانة لكن تفائلي خير انتي والجميع ربك يدبر الامور واصلي للنهاية وفرحي بشهادتك ساعتها وصلتي للفرحة ام رزقك فهو عند الرزاق اعتقد والله اعلم ان المشكلة من جامعتنا , كنت اتدرب في مستشفى الملك خالد الجامعي التدريب الميداني 1 ووقت ما انتهيت من التدريب ابي ختم المستشفى قالولي خلاص بنختمها ونرسلها للجامعة قلتلهم لا ما ينفع عشان موقع جامعة وتحميل المادة اقتنعوا ,بس قالي مدير التدريب المفروض يرسلوا خطاب واضح موجه للجامعة , وبكذا اتوقع انه ما في اي تفائل بين جامعتنا والجهات الاخرى معليش خلوني افكر بصوت عالي ما هي المقاييس التي واضعتها جامعة الملك عبد العزيز عن جامعتنا بالنسبة للهيئة الصحية واذا ما كنت غلطان ما شوفت اي سؤال للمسؤلين عن ذا الامر نشوف اسئلة انها معترف فيها وغيرها من الاسئلة مين بيتبرع بذا السؤال يوجهه لجامعتنا يمكن ساعتها نفهم وهذا نص مقتبس من دليل التصنيف والتسجيل فقرة ثالثاً: الشهادات التي لا يتم تصنيفها مهنياً: الشهادات التي يتم الحصول عليها وتمنح عن طريق الانتساب أو التعليم عن بعد وتتعارض مع أنظمة التعليم العالي. ومرفق ملف للهيئة اقرؤه موفقين |
| All times are GMT +3. الوقت الآن حسب توقيت السعودية: 05:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام