ملتقى طلاب وطالبات جامعة الملك فيصل,جامعة الدمام - استفسار عام اخواني طلاب وطالبات المستوى 7 سابقاً @@ نود المساعدة في ايضاح مواد المستوى السابع ... @@

اهليين يالجنوبي الله يوفقكم يارب في هالمستوى لاتعتمد على انطباع احد لانه اراء الناس بتختلف في مين يشوفه صعب وفي مين يشوفه متوسط او سهل
عموما ماراح ابخل عليكم برايي كتقييم للمواد يمكن يفيدكم الطالب وحده وبمذاكرته من يحدد صعوبة المادة او سهولتها ...

* الاحصاء الاجتماعي
مع المذاكرة ومتابعة الشرح من بدري مافيه اي صعوبة الدكتور متعاون ومحدد اشياء بالملزمة نذاكرها اكثر من 40 سؤال نظري جابه و3 او 4 مسائل هذي بس الي تحتاج وقت في الحل والي هي سهلة لما تجي تفهمها لكن مشكلة الوقت مايساعد
* تصميم البحوث
مادة سهلة والدكتور الله يجزاه الف خير ماقصر في وضع الاسئلة مع الجمعان مش حتحتار :16.jpg:
* الارشاد والتوجيه
تحتاج مذاكرة فهم تخوفنا منها لانه معلوماتها شوي دش مليانة لكن الدكتور ماقصر الله يسعده بسطها لنا
* التغيير الاجتماعي
هذا حكايته حكاية مع الدكتور فهد سؤالين صيغتهم خطأ و3 اسئلة جايبها الدكتور من فهمنا للمادة اما الباقي كله من المنهج لكن في انه الدكتور مايجيب صيغة السؤال نصآ من الملزمة لا يغير فيه يشوف مين المركز في المذاكرة
* علم اجتماع الصناعي
الكديشة هادا جنن الطلاب هو ماخرج عن المنهج للامانة لكنه ركز على اشياء فيه وترك اشياء اسئلته بداية تتوهك بس لما تهدى شوي وتركز تحل كويس بالمجمل اسئلته ثقيلة ولابد تغلط اقل شئ إذا انت مذاكر زين 5 اخطاء
* تنمية اجتماعية
حلوة وماتحتاج وقت في المذاكرة ودكتورها ماقصر اسئلته سهلة
* خدمات اجتماعية
المادة متوسطة والدكتور ماقصر اسئلته واضحة وسهلة
* مشكلات اجتماعية
من المواد السهلة ومع الدكتور حسام أسهل
* النظام الاجتماعي في الاسلام
مادة فقهية متنوعة المعلومات تحتاج تركيز في حفظ الاحكام اسئلة الدكتور مبسطه ومافيها اي صعوبة غير انه سؤال او سؤالين ماتفهم منها ايش المطلوب سمعت انه راح يتغير