ملتقى طلاب وطالبات جامعة الملك فيصل,جامعة الدمام

- اجتماع 7 (https://vb.ckfu.org/f401)

- - [ اسئلة اختبارات ] : مهم جدا للجميع (https://vb.ckfu.org/t717883.html)

رد: مهم جدا للجميع

اقتباس:

المشاركة الأصلية كتبت بواسطة n.bent.h (المشاركة 12883680)

أشكرك أخوي على كلامك وما قصرت ..بس أحنا من الصباح تكلمنا عن هالأسئلة بالتجمع وتصححت !!
وغير كذا الامتحان كان سهل الحمد لله وعدا على خير !!

بخصوص الأخطاء إللي تتكلم عنها وإن لازم ننتبه قبل لا ننزل الاختبارات بالموقع ، أنا راح أقولك شي وأنت احكم !!
بالبداية أنا طالبة حالي حالكم يعني وراي مذاكره !! ، أنا موظفة وما أرجع البيت إلا الساعة 3 العصر !! ، هالكورس مسجلة 10 مواد !! ، كاتبه اختبارات في كل مادة عددهم أقل شي 3 وأكثر شي 6 !! ، أغلبهم التصوير فيهم أببداً مو واضح يعني تعذيب وأنا أكتبهم !!
وبالنسبة للحل ، تعاونت معاي اختي ونتر وأبد ما قصرت !! ، والملفات إللي نحل منها كلها pdf يعني صعب البحث فيها عن طريق خيار فايند !! ، أشيا يطلعها وأشيا لا !! ، ألحين تقدر تتخيل على كمية الأسئلة إللي انكتبت وكمية التعب إللي نتعبه بالحل تتوقع إنك ما راح تلاقي أخطاء ؟؟
لو كنتوا معتمدين على الأوراق المصورة فقط ما كنتوا بتلاقون ولا إجابة صحيحة !! ، وأنا عدلتها ونسقتها وسويت لكم شي يريح عينكم وأنتوا تقرون وفوق هذا شي يفتح النفس ملون ومرتب !! ومن بين كل الأسئلة إللي حليناها وكانت صحيحة ما جات على سؤال وإلا اثنين غلط !! ، أقسم بالله العظييم إني مو ملاك !! ، وأكيد راح يطلع مني خطأ !! ، كل شوي أحد منزل موضوع !! ، في أعضاء كتبوا بنفس موضوعي عن الأسئلة إللي لقوها غلط وعلى طول الأخت منال سوت تنبيه لكل الأعضاء !! ، ولا صارت شوشره !!
يا ليت قبل لا أحد ينزل موضوع أو تعليق أو يتكلم بخصوص الأخطاء يفكر بكمية التعب إللي بذله الشخص اللي نزل الموضوع !!
أنا كنت أقدر أنزل المواضيع بدون حل !! وكل شخص يحل الأسئلة لنفسه ، لكن أفكر بالناس إللي تستاهل ليش أحرمها من هالمواضيع إللي تهمهم وتيسر لهم وااايد أمور !!
ما فيها شي كل شخص ينزل الموضوع عنده ومو متأكد من حلي يرجع يراجع وراي !! ، مو لازم دايماً كل شي يجيكم جاهز !! ، مثل ما أنتوا عندكم ظروف أحنا عندنا ظروف ..

شكراً صبا ولنو :icon1: ..
السموحة طولت ..
تحياتي ..

اختي الله يوفقكم ويسعدكم والله مقدرين جهدكم وتعبكم والله اني ادعيلكم على خدمتكم لنا

احب اوضح لكم اننا اذا فتحنا موضوع ليس لتقليل منكم او تقليل من جهودكم بل من اجل الانتباه للاخطاء سوا من قبلكم او قبل بقية الطلاب

واشكركم مرة اخرى وكلمة شكر قليلة في حقكم

رد: مهم جدا للجميع

اقتباس:

المشاركة الأصلية كتبت بواسطة perf manal (المشاركة 12883385)

.

شككرا لك ولحرصك , لو تشتغل التنبيهات كان نبهتها بس باذن الله تلاحظ الاخطاء

+ اي خطأ موجود لاتترددون انكم ترسلونه لي او تحطونه في هالموضوع حتى يتم التصحيح

افضل حل اذا وجد خطاء ان يقوم احد الاعضاء بالتبرع وتصحيح الخطاء وتنزل الاسئلة مرة اخرى لان الكثير لاينتبه لتنويه احيان يكون التنويه بالصفحة الثالثة او الرابعة

وشكرا

رد: مهم جدا للجميع

اقتباس:

المشاركة الأصلية كتبت بواسطة عودك رنان (المشاركة 12883858)

لا مايحتاج الله يسعدك , بالنهايه هذي مجهودات شخصيه تنسب لصاحبتها ,
ينوضع التصحيح وينعدل بنفس الموضوع .

رد: مهم جدا للجميع

لو كانت الأسئلة بصيغة الوورد أفضل بالنسبة لتعديلها السريع لكن صيغة pdf صعب شوي التعديل السريع عليها . هذه وجهة نظري فالكم النجاااح (:

رد: مهم جدا للجميع

كل شخص يتحمل مسؤلية أخطاءه قبل يلوم الاخرين ... حتى لو لقيت خطأ التمس العذر ... والي خايف ينقص درجة يراجع بنفسه الاسئلة ! وكلنا عندنا ضروف بس مايصير نلوم الناس ! والاخت وجهها ابيض يكفي حاولت وحلت

رد: مهم جدا للجميع

الموضوع اخذ كفايته والتصحيح موجود بنفس الموضوع الاصلي

شكرا لكم