ملتقى طلاب وطالبات جامعة الملك فيصل,جامعة الدمام

- اجتماع 7 (https://vb.ckfu.org/f401)

- - [ استفسار ] هذه الحقيقه !!!!! (https://vb.ckfu.org/t750190.html)

رد: هذه الحقيقه !!!!!

كلامك صحيح لكن مو سبب مقنع لوضع الاسئله صعبه وغير واضحه
من عرفنا الجامعه ومن المستوى الاول وانا اسمع الطلبه يقولون لبعض لاحد يجيب طاري الاسئله المكرره
واتوقع الاسباب ترجع للجامعه !!!!!
ومايدبل تسبدي الا اذا وضع دكتور اسئلة ذكاء للطلبه
ماهو وقت فرد العضلات
حنا نذاكر الاشيا المهمه ..ومادخلنا الجامعه الا لان عندنا التزامات ..يعني ماراح اغوص في كل سطر وكل معلومه ،
باخذ الاشياء المهمه واذاكرها ...يعني ماهو ذكاء هي فقط انا ماندقق على كل كلمه وكل حرف

الترم الماضي دكتور التاريخ عوضنا بخمس دراجات مع ان الاسئله من المنهج لكن صعبها
وبالنسبه لدكتور علم الاجتماع الصناعي بنشوف وش بيكون رد الجامعه ؟؟؟

رد: هذه الحقيقه !!!!!

اقتباس:

المشاركة الأصلية كتبت بواسطة طيف نجد (المشاركة 1057137781)

لاتلوم احد وبالنسبه لتصعيب الاسئله راجع لدكتور نفسه وهذي سياسة الجامعه
وابشرك الاتنساب م عاد له مستقبل

الله يسامحك بس لاتقولين هذا الكلام اللي يحبط وتونا باقي لنا مستوى ونخلص وباقي لنا 4 مواد ما اختبرناها لازم الواحد يكون عنده ثقة بنفسه وحسن ظن بربه خلاص ترا التوتر ماراح يفيد غير التأخر الله يوفق خلو كشيدة على جنب وبعدين اسئلة المباشرة تجيب الضغط للصاحي والتعبان دايم هو يشرح والطالبات فوادي ثاني الا من رحم ربي هو الاسئلة المستوى اللي راح نفس نظام اسئلته هذا الترم راجعوها وبتشوفون هالشي نفس الطريقة كلا مما يلي وكم عدد هو اسلوبه صعب ودقيق بالمحتوى مفصفصه لنا يعني مايراعي فروق فرديةالله يستر وماينزل المعدل كل فصل يطلع واحد من الدكاترة يبدع فينا الله يطلعنا من هالجامعة بسلام وعلم نافع ويجعل فيه النفع اذا ما كان لها مستقبل العوض عند رب العالمين نستفيد منه خبرة بحياتنا لاتخلون اليأس يكسر مجاديفكم بدينا ومابقى لنا الا اخر عتبة من الدرج وبنعديها وبتصير كلها سوالف والمستقبل بيد رب العالمين مو بيدنا حنا اللي ربي كاتبه بيصير لو كل الجامعات اجتمعت على انهم مايوظفون احد اساسا مافيه تعيين السنة هذه حتى للمنتظمين للظروف اللي نمر فيها وان شاء تنتهي وتتحسن الاوضاع ياجماعة تفااائلوا خيرا تجدوه واسفة ع الاطالة وموفقين وشدوا حيلكم بالباقي وذاكروا والباقي تيسير رب العالمين
🌷

رد: هذه الحقيقه !!!!!

كلامك صحيح
ولكن لا حياة لمن تنادي !!

رد: هذه الحقيقه !!!!!

http://www.ckfu.org/vb/t750078.html
هل هذي الاسئله جت امس في الاختبار ؟؟!!!
انا ماشفت نفس الاسئله هذي وش السالفه كل واحد يقول نفس الأسئله الترم الماضي
لايكون انا اختبرت ماده ثانيه وانا مدري شكيت والله بعمري

رد: هذه الحقيقه !!!!!

اقتباس:

المشاركة الأصلية كتبت بواسطة مــجــازفــــ (المشاركة 1057134958)

اخوي كلامك هذا مبالغ فيه جدا جدا اصلا المحاضرات المباشرة لما يلقيها الدكتور يكون وضع الاسئلة ومخلص ثانيا تكرار الاسئلة الجامعة عندها خبر ومالها دخل بالدكتور يكرر او يصعب اهم شي ما يطلع عن المنهج وما يكون فيه اخطاء في صياغة الاسئلة ... بالنسبة للدكتور كشيدة سامحه الله انا اختبرت عنده قبل سنة وكان اول مرة يدرس المقرر وطاحت في روسنا وجاب لنا اسئلة الله لا يوريك واتصل عليه احد الطلاب بالجوال وقال ليه الاسئلة كذا يا دكتور صعبة ورد عليه الدكتور وقال (( من طلب العلا سهر الليالي )) ؟! يعني الدكتور اسلوبه كذا طبعه كذا ولكن اسأل الله انه يرحل من الجامعة عاجلا غير آجل

حسب معلوماتي القريبه من الجامعه ان العماده تضغط على الاساتذه تغيير الاسئله المصوره ولهذا السبب الدكتور يغوص بي عمق الماده ,,
لكن فيه من الدكاتره القوي اللي مايرد عليهم وفيه الجبان اللي يخاف ويغير الاسئله ويصعبها

رد: هذه الحقيقه !!!!!

بغض النظر عن تصرفات البنات بالمحاضرات المباشرة .. فعلا انا ضــد سالفة الشكر والمواضيع والهاشتاقات لما يطلع الإختبار سهل .. هالشي ماراح ينفعه .. الدكتور حط الاسئلـة
اذا سهله جاوبوا واحمدوا الله وادعوا له بظهر الغيب .. وبس

واذا كانت الاسئلـة صعبه وفيها ظلم وماتراعي الفروق الفرديه من ابسط حقنا نقدم شكوى ونتكلمـ

اللي يقهر انهم كبار وعاقلين وفاهمين بس مدري ليه هالتصرفات مع الدكاترة .. مو شطارة الاستهبال والطقطقه لأنه مايعرف من انتي ومايقدر يخصم درجات .. اقل شي راعي الله ثم اهلك وبالأخير بعضهم يخرب على الكل مع الأسف ..

رد: هذه الحقيقه !!!!!

يا عزيز ..

بختصر الجامعة بدت تغير في سياساتها ولك في الدفاعات السابقه مثال :

دفعه 2011 واعتقد انها اول دفعه هم الاساس تسويق ودعاية للجامعة من ما يقارب 2000 طالب عن بعد

الى ما اصبحت اكبر جامعة من ناحيه الاستقطاب والدليل ((نجاح الدكتور )) الفريدان عميد التعليم عن بعد..

الدفعات من 2012 و2013 هم بقايا الطيبين لي السياسة السابقة ؟

وبدا ظهور السياسة الجديدة وها نحن نراه في المستوايات الاخيرة

وهي العمليات ((المالية )) من الباب الاول (عدم تسديد الرسوم ) يتم اقفال ايقونات المشاركة حتى السداد

(( تدفع والا ببليس ))

الرسوب اصبح بنسب عاليه (( للاستفادة من اخذ اترام اضافية )) حتى لا يقف الاستثمار ..

اعلانات الجامعة بان المتفوقين يتم منحهم مكافاءت ((ماليه )) !!

اصبح عدد المتفوقين بنسب عاليه يشكل هاجس للادارة..

تم الانتقال بعدها الى وضعيات الاسئلة ( واسلوب التشديد على الدكاترة ) بوضع اسئلة من صعبه الى

متوسطة لكي يتم اقفال موضوع التفوق ..

ولنا في الدكتور (كشيده ، وجوده ، سعيد سيف ، النجار ، حق قواعد البيانات ) وغيرهم ..

تكاتف الاخوة والاخوات والتعاون برفع الاعتراضات اصبح الان يشكل للادارة نوعاً من المشاكل

لذلك نلاحظ ان اصبح الملتقى يحتوي على بعض من اعضاء هيئة الدريس ومتابعة وضع الطلبه

لمعرفة ما يدور خلف الكوليس

والان وصلوا لي مبتغاهم وهو عدم اتفاق بعض الطلبه مع البعض الاخر

ونرى منهم من يضع استطلاع عن المادة ( الفلانية ) ليكون هناك اختلاف في وجهات النظر ليتي الانشقاق

وعدم التكافى..

وهنا يظهر المطبلين (( هذا الدكتور اسئلته جميله جداً )) وهذا الدكتور لم يقصر

نسو وتناسوا الفروق الفردي للدارسين

هذي هي الحقيقة من وجهت نظري

واعتذر منك عن الاطاله ..

رد: هذه الحقيقه !!!!!

محد جاوبني :confused:

اسئلة اختبار مادة علم الاجتماع الصناعي والمهني الفصل الثاني 1437هـ... عازف الكلمه
هل هذي الاسئله جت امس في الاختبار ؟؟!!!
انا ماشفت نفس الاسئله هذي وش السالفه كل واحد يقول نفس الأسئله الترم الماضي
لايكون انا اختبرت ماده ثانيه وانا مدري شكيت والله بعمري

رد: هذه الحقيقه !!!!!

بصراحه كلامك فيه الكثير من الصح وخاصه بعض الاعضاء مثل الطفل يعيد السوال الف مرره ظننا منه ان دكتور الماده بيتراحم عليه انا اقووول عينات الدكتور هذا الحمار كثير بس نسال الله الاعانه

رد: هذه الحقيقه !!!!!

اقتباس:

المشاركة الأصلية كتبت بواسطة arooj62 (المشاركة 1057138537)

الاسئله نفس اللي بالرابط
ماتكرر من اسئلة الترم الماضي الا سؤالين

وماشفتي نفسها ؟؟؟ !!!!

لا يكون اختبرتي ماده ثانيه ؟؟؟!