المشاركة الأصلية كتبت بواسطة jojo- (المشاركة 8372634)

اخوي عادل ان شاء الله مافي صعوبه كبيره بالبحث انا ارسلت للدكتور اسئله عن بعض الاشياء وبااختصر لك المطلوب
البحث يكون 3 اقسام
القسم الاول المنهجي تفتح المحاضرة الاولى الدكتور موضح فيها كل شي تقريبا مجرد انك تعبي المطلوب بالشي اللي يخص موضوع بحثك
والثاني يكون النظري انك تكتب عن موضوع بحثك كل المعلومات اللي جمعتها من تعاريف ونظريات واذا اخذت التعاريف والنظريات من كتب تكتب بالحاشيه تحت اسم الكتاب والفقره وهو موضحه بالمحاضرة وتشوف لك دراستين او 3 سابقه بنفس الموضوع او بجزء منه وتحط لها ملخص او اذا كانت قصيرة حطها كلها واكتب اسم الكاتب وموضوع البحث وسنه اللي سواه فيها وتحط دراسات او بحوث بترتيب يعني سنه 2003 بعدين سنه 2005 وكذا وبالاخر تعلق انت على كل شي كتبته وجمعته باانك توضح وجه الاتفاق والاختلاف بين العلماء
والجزء الثالث يكون بنزولك للميدان تجمع بيانات عن طريق يااما استبيان او ملاحظه او مقابله او دراسه حاله بس الافضل اذا ماعندك وقت اختار الاستبيان جهز لك 4 نماذج او زي ماتحب وحط فيهم اسئله على موضوع بحثك وفرغهم
وبالنسبه لاعداد البحث
اول صفحه تكون اسم بحثك واسمك والجامعه ورقمك الاكاديمي والدكتور وضح بالمحاضرة
والثانيه تكون فهرس للصفحات والعناوين الرئيسيه لكل صفحه
والثالثه مقدمه
والدكتور يقول موضروري يكون 100 ورقه المهم يكون مكتمل وشامل كل العناصر المطلوبه



اتمنى اكون افدتكم

المشاركة الأصلية كتبت بواسطة شاب الراس (المشاركة 8498857)

كل اللي قلتيك وسهل :39:

المشكله العمل يبي مني وشغلي الخاص يبي مني والبيت يبي مني والتدريب الميداني يبي مني وباقي المواد تبي مني ومشروع التخرج كأنه رسالة دكتوراه من فاضي له المفروض خفف الطلبات الدكتور والله حتى في البيت ماني قادر اكتب الرد من البزارين اللي مفحج على كتوفي واللي يصكني بالمكنسه والله ماكأني ابوهم مايعبروني :24: شكلي انا بكبري مشكله اجتماعيه تحتاج دراسه بحمل حالي بايقونه النظام واطب عند الدكتور يدرسني على كيفه :28: