|
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
اللهم لك الحمد يارب اهلن فيك اخوي من ناحية انطباعي عن المواد كله سهله كمذاكره بس الدكاتره الله يهديهم صعبوها علينا في دقتهم بالاسئله واختيار الاجابات هذا من ناحيه
وبعد فيه مواد يبي لك تبداه بدري لانها كثيره ودسمه النظريات الاجتماعيه الثقافه ورعاية الفئات يبي لهم وقت قبل الاختبار ونصحيه تابع الملتقى وشوف الطلاب اللي يساعدون في الكيوزات وغيرها ومشررووع التخرج ابدا فيه من اول ماتنزل لك اول محاضره في البلاك بورد لان يبي له لحاله جهد وتعب وشغل كثير واتبع الخطوات اللي يتكلم فيهها مشرف مشروع التخرج وبالتوفيق يار ب |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
انا اخذت من مستوى ثامن مشروع التخرج
يبيله تركيز من البداية وكل مجموعه من الطلاب راح يكونو مع دكتور مشرف عليهم ويتواصلون معاه لاختيار اسم مشروع التخرج والله يعينكم على بعض الدكاتره ما يردون او يرفض اسم المشروع لاكن الله يسهلها وانصحكم بالاطلاع على مشاريع من سبقكم وتطبيق الشروط للمشاريع واهم شي الاعتماد على نفسك بالمشروع لانهم طلبو منا ان المشروع يرفع بصيغة وورد حتى يسهل عليهم نسخه ولصقه ببرامج تكشف النسخ واللصق ولديهم نسبه للنسخ ما تتعدا 25٪ من اجمالي المشروع . |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
نصيحة ابدأ بمشروع التخرج اخترك موضوع موضوعين وابدأ واذا بدأ الترم كلم الدكتور واسئله عن الموضوعات اذا وافق الا انت خلصت جزء كبير من المشروع استغل اجازة الصيف مدام ماعندك شي وحاول تشتري المذكرات وتطلع على المناهج
|
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
اول شي قبل كل شي حط ببالك كل من طلعت مستوى المواد تصعب وتحتاج جهد اكثر
نصيحتي قد ماتقدرون حاولو المذاكره تكون أول بأول , لاتراكمونها على ليلة الاختبار مشروع التخرج :لاتحاتيه ترا سهل بس انت وحظك مع المشرف المسؤول عنك وحط ببالك اول شي لازم تعرف انت تبع أي مشرف ؟ ولا تأخر اي وقت من أول ماتنزل الماده عشان تظمن تخلص بحثك لأن بعض المشرفين يطلبون تواصل أما محمود هلال الله يوسع عليه زي ماوسع علينا مافيه افضل منه . التدريب الميداني : سهل بس برضو لازم تبدأ بدري ^ هذي المادتين لازم من اول ماتنزلها تبدأ فيها . النظريات الاجتماعيه : الماده تتكلم عن علماء وكل عالم بنظريته فرضيات وشرح مب صعبه ترا حلوه بس بحاله وحده انك تذاكرها أول بأول لأنها ماده تحتاج تركيز وفهم قبل الحفظ .انا لأني بديت بدري حبيتها بس برضو كنت متمنيه اني بديت درس بدرس لولا ضيق الوقت . حقوق الانسان : الدكتور لاتاخذون منه كلمه ذاكرو عدل واجتهدو فيها نكبنا بالاختبار رغم ان الماده سهله وتنحب . الثقافه والعولمه : ماده جميله وتتكلم عن العولمه بمعنى التطور والثقافات بس لاتستخفون فيها . علم اجتماع الاعلام : تتكلم عن الاعلام اهميته تعريفه مراحله تحتاج استيعاب ايضا بس ماده جميله هذا اللي نزلتهم هالسمستر انا وبقت لي 3 مواد فقط |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
كثير من المشاركات تحذر من مشروع التخرج
للأمانه خوفتونا : / كنت افكر اخذه صيفي بس الظاهر بأجله تعمدت ما ارد على مشاركاتكم تقديراً لكم وللأخوان والاخوات الي يشوفون الموضوع ما تكثر عليهم صفحات الردود عشان ياخذون زبده نصايحكم والشكر موصول للكل وبأذن الله راح ناخذ بنصايحكم أول بأول |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
اقتباس:
لانه حوسه شوي اذا عندك القدره تاخذه صيفي وبتخلص بحثك قبل الوقت المطالَب فيه لان الصيفي مادري كم شهر تأكد من الجامعه اذا شهرين كويس خذه وتوكل على الله ع شان ترتاح منه في مستوى ثامن بس نصيحه لاتتهاون أبداً فيه من يعطيك الدكتور الأوكي :(204): |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
الي من بدري بيذاكر ان شاء الله وضعه تمام لكن الي بيهمل مثلي ومايذاكر الا وقت الاختبار الله يعينه
النظريات متشابهه وكلها علماء لكن الدكتور الله يجزاه خير ماقصر والتخطيط يحتاج تركيز والباقي ان شاء الله سهل |
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
اسهل من مستوئ سابع بكثيررررررر هي النظريات شوي صعبه بس الخريف سهلها علينا الله يسهل عليه
|
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
طيب وش موضوعاتكم ف مشروع التخرج .. وكيف تعرفون اذا هي مكرره ولالا .. كيف تواصلون مع الدكتور .. والله اني خفت من المشروع
|
رد: أستطلاع رأي عن أنطباعكم لمقررات مستوى 8 ( ضيف جايكم من مستوى 7 أرجوا المشاركة )
اقتباس:
أول شي تختارين موضوع إجتماعي بعدها ترفعين لدكتور موضوع البحث إذا وافق على الموضوع تبدين فيه وإذا ماوافق تختارين موضوع ثاني وترسلين له وطريقة التواصل عن طريق الايميل أو رقم جواله ترسلين له رساله نصيه أو مكالمه ونصيحه من الحين إختاري موضوعين أو ثلاثه ولا ترسلين لهم دفعه واحده ع شان مايرفضهم كلهم أرسلي عنوانك الاول وبعدها أرسلي الثاني أهم شي يكون موضوعك له مراجع توثقينها ودراسات سابقه ع شان يسهل عليك الموضوع وش رايك فيني أعرف أوصل المعلومه :lllolll: |
| All times are GMT +3. الوقت الآن حسب توقيت السعودية: 09:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام