ملتقى طلاب وطالبات جامعة الملك فيصل,جامعة الدمام - استفسار عام تجربت بدر البدراني مع مشروع التخرج

- اجتماع 8 (https://vb.ckfu.org/f428)

- - [ استفسار ] تجربت بدر البدراني مع مشروع التخرج (https://vb.ckfu.org/t694286.html)

تجربت بدر البدراني مع مشروع التخرج

السلام عليكم ورحمة الله وبركاته،،،
اقدم تجربتي مع مشروع التخرج لكي يستفيد الزملاء منها
المرحله الاولى :تم تسجيل الماده وانا في مستوى سادس الترم اللي فات بدون اي ماده معها بمعنى ان ليس لها متطلب من مواد سابع او ثامن مع بداية الترم بعد 3 اسابيع من بداية الترم يتم توزيع الطلاب حسب حرف اسمك على دكتور الماده وعددهم من 4 الى 5 دكاتره بمعنى اني انا اسمي بدر حرف الباء تحت اشراف الدكتور محمود هلال طبعا التوزيع هذا معمول به من الاترام اللي فاتت ماتغير راح تنزل المحاضرات بالافتراضي ويتم الاستماع لها او مشاهدتها حتى لو مو دكتورك وراح تكون المحاضرات المسجله بكذا دكتور اما المحاضرات المباشره راح تنزل لجميع الدكاتره ولاكن لكي تحسب درجتك شاهد واستمع لدكتورك فقط منت ملزوم بالدكاتره الاخرين بالنسبه لشروط المشروع من اول محاضرة مباشره قلنا الدكتور محمود هلال اكتبو اي موضوع عن مشكله اجتماعية بالسعوديه حتى لو يكون موضوع المشروع متكرر عند كذا طالب طبعا بدون قصد مافي مشكله يعني الدكتور مالزمنا بمواضيع معينه والحمدالله انا بالنسبه لي لكلمت ولا شاورته لابموضوع ولا بخطة البحث كلامه كان واضح اما الدكاتره الاخرين سمعت من كذا طالب انه لازم يرجعولهم فبتالي جهزو كذا موضوع لدكاتره الاخرين كعنوان والله يعينكم عليهم وراح يتم تزويدكم بتلفونات الدكاتره او اطلبو من الدكاتره في المحاضرة المباشره جواله
المرحله الثانيه : شروط كتابة المشروع تكون نوع الخط Tradional Aabic وحجم الخط 16 عدد الصفحات 40 ورقه اهم شي محتوى المشروع لايقل عن 20 ورقه ولايزيد عن 40 ورقه فقط العنوان والفهرس والاهداء والمراجع والعناوين والباب والفصول والخاتمه مراح يحسبه الدكتور كصفحات فنتبهو للامر هذا ممكن عن طريق المباشره تطلبون منه يزيد حجم الخط وعدد الورق اظن انه قال مايضر عن زيادة عدد الصفحات 3 اما حجم الخط ماظن انه وافق ويكون طباعة المشروع على مايكرسوفت الورد ويرسل بصيغة الورد انتبهو اهم شرط هذا وهذي الشروط راح تنزل للعموم الطلبه في بداية الترم .
المرحله الثالثه : خطةكتابة مشروع التخرج ( البحث) 1-اول صفحه الموضوع ويكتب بنفس طريقتي للعنوان وبعده اسمك واسم الدكتور وارقم الجامعي الى اخره المهم لاتنسون شعار الجامعه ويوضع في جهة اليسار 2- الشكر والتقدير والاهداء 3- الباب الاول الجانب النظري من 3 فصول بتزيد بكيفك على راحتك 4- الباب الثاني الجانب المنهجي لدراسة مكون من 4 فصول بمافيه الجداول والاستبيان ومحسوب كصفحات من الدكتور لاتخافو وايضا بتزيد بكيفك فيه بعض الزملاء استفادو من موقع بالنت فيه برنامج استبيان ممكن تطلعون عليه وتغيرون صيغة الاسئله طبعا بالنسبه لدكتورنا مالزمنا بجداول كثيره كان جدا متعاون معنا طبعا ان عبيت الاستبيان عن طريق ولدي الله يحفظه عبوه زملاءه المدخنين طبعا انا موضوعي كان عن التدخين .
المرحلة الرابعه : ماودي اقوله لكم علشان مايضيق صدوركم لاكن مضطر طبعا لما تطلع النتيجه كان فيه رسوب كبير بقصد وبدون قصد وفيه ناس انظلمو وماتعدل لهم شي وناس انظلمو وتعدل لهم وفيه ناس كانو ناسخين المشروع ورسبو بمتياز عموما طلعت النتيجه فيه ناس اخذو درجه 1 واحده فقط وهذا ناسخ المشروع وناس اخذو درجتين 2 فقط وهذولي الملف اللي ارسلوه معطوب وانا واحد منهم والحمدالله تعدلت درجتي بعد مارسلت تظلم وارسلو لطلبه اللي جابو درجتين حسب علمي وعطونا ايميل نرسل لهم المشروع وارسلته لهم وبعد اسبوعين تعدلت نتيجتي وجبت 85 مع اني استاهل اكثر لاكن الحمدالله .
المرحله الخامسه : المشروع جدا سهل لاتخافو الدكتور يقول اكتب باسلوبك انا كتبت باسلوبي ومريت مكافحة التدخين واخذت منشوراتهم واستفدت منها وكتاب من جرير بالنسبة لنت حددو لنا 25 بالمائه نقتبس منها انا اخذت واحد بالمائه من النت كنشئة التدخين وكتبت بأسلوبي وغيرت على قد ماتقدرون ابعدو من النت علشان ماترسبو . بالنهاية هاذي تجربتي قدمته لكم ممكن تتغير الشروط الله اعلم راح ارفق لكم مشروعي للفايده نصيحه لحد ياخذ مشروع زملائه ويغير الاسم واحد من زملائنا راح للجامعه وشاف الجهاز اللي يكشف المشاريع المنسوخه سواء من زملائهم القديمين او من النت فانتبهو وهذا لصالحكم وبالايام القادمه راح ارفق لكم مشاريع زملائناالقديمين للفايده بس اجمعه لكم وابشروا. ارجو الدعاء لي ولابنائي والله يحفظكم وينجحكم . اخوكم بدر البدراني