المشاركة الأصلية كتبت بواسطة salman1 (المشاركة 12687691)

السلام عليكم ورحمة الله وبركاته

القلق والتوتر لابد منه ومعذروين ولكن حبيت أوضح لكم بعض النقاط لتخفيف التوتر والقلق

محد قصر بالشروحات وعرض المشاريع السابقه وتكونت عندكم فكره كيف

تبدون في مشاريعكم اعتقد الدور انتهى هنا من ناحية الشرح

بقى دوركم عند كل دكتور تفهمون وش يبي بالضبط وتسألونه

فيه دكاترة اول مره اسمع فيهم يمكن من دكاترة طلاب الانتظام

ودكتور الانتظام متعود على خطة البحث يكون على اطلاع مع الطلاب << تاكدوا من هذي النقطه :(204):

اسأله في المحاضره المباشرة الاولى ع شان توضح لكم الصورة اكثر

أجمعوا لكم كم سؤال ومن ضمنها الاسئله الي بطرحها لكم :-

1- كم عدد الصفحات المطلوبه .

2- هل ملخص الدراسة رئيسي أو ثانوي .

3 - عدد الدراسات السابقة هل يكتفي بدراستين او اكثر ( كل ماقل عدد الدراسات أفضل ع شان النسخ )

4- عدد اسئلة الاستبيان << يمكن يطلب اكثر من 15 او 20 وحاولوا تكاسرونه<< داخلين يشترون جوالات:hahahahahah:

5- الرسم البياني مطلوب << الي يبي 90 يحط رسم بياني حتى لو مايبيه الدكتور ماطلب مني الترم الي راح بس لتأكيد

6 - هل الخاتمة ضرورية او لا << ماطلب الترم الي راح ولكن تاكدوا من الدكاتره لان البعض يمكن يشوفها مهمه في البحث

7- أكرر خطة البحث ضرورية او لا << الحرص واجب :cool:

ولكن عندي كم ملاحظه بسيطة على البعض :cool:

ومنهم الي محبط وحسس نفسه انه حامل الماده من الحين وهو ماسوى شي

وفيه الي يسأل متى تقفل الانظمه والترم توه يبداء كأنه يجهز العصابه قبل الفلعه

والي يقول انا متفائل بالدكتور << مانختلف تفاءلوا بس ماله اختبار ع شان يسهل الاسئله

توكل على الله وتفاءلوا بالخير والنجاح والجد في مشروعك ، الدكتور ماراح يكون فيه نسخ اكثر من 25٪ وبينجحكم

والبعض يقول بسويه في مكتبه لاني مافهمت كيف الطريقه واذا رسب سوى مشكله

محد له عذر والترم هذا بالتحديد الزملاء ساعدوكم وجابوا على كل الاسئله

قبل لاتنزل المحاضرات للماده كل شي واضح لكم :41jg:

الترم الي راح فيه رسوب مانختلف ولكن بحوثهم ماوصلت للجامعة لان طريقة الرفع غلط

وحلت مشكلتهم وتخرجوا والباقي ماندري وين المشكله فيه هل هو وّكّل احد يصلح له او نسخ محد تكلم عن مشكلته

لاتضيعون وقتكم خارج إطار مشروعكم

انتم اجتماعيين اعتبروا مشروع التخرج مشكله وتدورن لها حل وحلها أخيار موضوع مناسب وعدم النسخ و تنجحون بإذن الله

شوفوا الجانب الإيجابي الي هو النجاح في المشروع :S_45:

مو تشوفون الجانب السيء فيه الرسوب وكم عددهم :hhheeeart4:

الكل تعب في مشروعه والحمدلله نلنا النجاح << أتكلم عن الي صلح بحثه وتعب فيه :(204):

انتم عديتوا الإحصاء والاحصاء الاجتماعي الي فيها حركات بهلوانية المسأله الوحده فيها قانونين او ثلاثه

في ساعتين وقت الاختبار وثبتوا امتياز عجزانين لاتشدون حيلكم في ماده بين ايديكم ومعاكم شهرين

وصدقوني راح تذكرون كلامي بعد النجاح ان الموضوع ابسط مما تتخيلونه وانكم تخوفتوا من ماده اسهل من بعض المواد

واعتذر اذا موضوعي مخالف بس دفعتي لازم أشد من عزيمتكم :oao:

فالنا التخرج والنجاح في حياتنا بإذن الله :rose:

المشاركة الأصلية كتبت بواسطة أميرة نفسي* (المشاركة 12692723)

المشاركة الأصلية كتبت بواسطة حلمي آتنفسكـ (المشاركة 12692846)

*

ماشاء الله عليك , الله يجزآك خير ويوفقك ماقصرت :icon1:.

المشاركة الأصلية كتبت بواسطة كـب كيك (المشاركة 12693857)

يارب تساهيل قاعدة انتظر الرد بالموافقة

كني ام عريس تنتظر رد اهل البنت عشان تملك :hahahahahah:

المشاركة الأصلية كتبت بواسطة لنو! (المشاركة 12693977)

الله يعطيك العافيه كلامك يعطي راحة نفسية و تفاؤل

الله يجزاك خير على هالموضوع و بإذن الله اننا قدها :(204):


بس سالفة المكاسر اعجبتني :hahahahahah:


بالتوفيق للجميع :106:

المشاركة الأصلية كتبت بواسطة مشمش الرس (المشاركة 12694037)

طيب يا دكتور سلمان انا ارسلت موضوع البحث للدكتور ورد علي (موضوع مقبول ولكن يحتاج للتجديد ) بالله يعني كيف
وش قصده اصرف النظر عن الموضوع والا وش اسوي

المشاركة الأصلية كتبت بواسطة ابو رعد1 (المشاركة 12694043)