|
رد: تجمع لرفع تظلم على دكتور حقوق الانسان
اقتباس:
الله كــريم وانا اختتـس |
رد: تجمع لرفع تظلم على دكتور حقوق الانسان
ضاعة حقوقنا في مادة الحقوق
حسبنا الله علية |
رد: تجمع لرفع تظلم على دكتور حقوق الانسان
دفعتي العزيزه كلنا نوقف معكم قلبا وقالبا
عشان اكون منصفه راح ارفع تظلم على الاساله الي الخارجيه الي ماكان عندي علم فيها مو ذنبنا يجيب شي ماندري عنه ولاهو موجود عندنا ولاذكره بالمباشره الاخيره + الدكتور اعطانا اساله بالمحاضرة المباشره قامو الاخوان بتلخيصها وجزاهم الله خير ولو مادرينا عنها بنخبص تخبيص كبير ،،،بكذا اكون انصفت وماظلمت لان ذنب تتهم غيرك بشي وهو ذكره امام الجميع عشان كذا انا برفع التظلم على السؤالين الي ماعندي علم فيهم والباقي لا ليش اظلم حتى لوكانت من برا المنهج بس هو قالناعليها وحلها لنا وادري اننا مطالبين باللي بالمحتوى فقط ... وهذا الشي تكلمو مع العماده عنه ولازم يشوفون حل بهالشيء وانا مادافع عن الدكتورهنا نظرتي فيه ماتغيرت من يوم تضررو الدفعه السابقه ملاحضتي الاخيره لاي احد يقول الفاضي يجلس يسمع المباشره لا ماحد فاضي يجلس يسمعها بس فيه ناس كرما منهم وجهدا منهم قامو بالتلخيص وعندهم اشياء واشياء تشغلهم بس عشان الفايده تكون للجميع ماحتفظو بها لانفسهم ومن هنا طلع لنا (تلخيص الاخت نواره واللي معها ) وكانو كل ترم حريصين يلخصون لكم اهم ماذكر بالمحاضرات المباشره عشان الكل يستفيد ومهو ذنب احد انكم ماشفتو المباشره وماتبعتو المذاكره الجماعيه واللي الكل كان يحط ملفات فيها +ملف وكويز الخاص بموضوع ماده الحقوق كان بالصفحه اللاولى وقدام عيونكم انا لو ماشفت المباشره بلوووووم نفسي اولا لانه خطئي انا قبل تكلمون بشي راعو الله بكل كلمه وكل شي تقولونه لكم ودي وكل احترامي ....... |
رد: تجمع لرفع تظلم على دكتور حقوق الانسان
ياااااااااطلبه علم اجتماع
انتم من يبحث عن تجنب افتعال المشاكل :icon19: يعني الي يبون يشتكون بصراحه بصراحه مانقصهم ولا درجه الا درجه سؤال الي خارج المنهج؟؟؟؟؟؟ هو من حقه يعرف من المثقف من الغير مثقف والي يعرف يستنبط الجواب من الي مايعرف وللامانه السؤال مو صعب وبالسهوله تستنبط الجواب يعني من حقنا كطلبه هو يعطينا معلومات خلال السنه من خارج المنهج ومو من حقه يعطينا سؤال سؤالين من خارجه بس لان الي يبون يشتكون هم نفسهم متوترين من قبل الاختبار وحاطين ببالهم الدكتور من كلام العام الماضي عطوهم وجه لان بالخطا جاهم عشر مادري 15 سؤال من منهج الانتظام وعوضهم بكم درجه مو سواد لعيونهم ولا عشان اتحادهم بالشكووى والعدد مو سؤال سؤالين ياجماعه الخير احنا بالملتقى نشد ايدينا مع بعض عشان ننجح مو عشان نتوتر ونشتت ذهنا ونكبر المواضيع وعلى فكره مواضيع مابعد الاختبار حتى لو انه سهل مو في صالح الطالب دمتم بود:106::106: |
رد: تجمع لرفع تظلم على دكتور حقوق الانسان
اقتباس:
كلامك صحيح وعني انا ما اقول مالها داعي المباشره لا اكيد مهمه بصرف النظر عن وقتها وضيقه وانه اصلا مانزلت في النظام و اكيد غلط انه ما احد يشوفها بس الجد حركة الدكتور مرا مش حلوه يذكر مجموعة اسئلة مو في المنهج طيب وش فايدة المنهج اللي عندنا والله اني حليت ولله الحمد بس وش اللي يحده على هالطريقة والاكيد ان الاعضاء ماقصروا تلخيص و كويزات وغيره بس عتبي كله على نهج الدكتور افهمونا بس وش نقصد |
رد: تجمع لرفع تظلم على دكتور حقوق الانسان
اقتباس:
بالنسبة لي انا مذاكر المادة قبل الاختبار بفترة وليس عندي انطباع مسبق عن المادة لأني اعرف انه هناك فروق شخصية بين الطلاب النقطة الجوهرية في الموضوع لا يحق للدكتور يضع أسئلة خارجه من المنهج حتى لو كان سؤال السالفة ما هي اختبار ثقافة وين حنا جالسين الله يهديك ؟ بالرغم اني جاوبت السؤال صح حسب التصحيح من الأخت لنو الا انه من حق أي طالب رفع تظلم عن خروج الدكتور عن المحتوى اللي حنا مطالبين فيه . سؤال واحد يفرق عند اللي اخفق بالاختبار لعل وعسى هذا السؤال يغير نتيجة الطالب من رسوب الى اجتياز ويفترض حتى المباشر اذا الدكتور زاد معلومات خارجه عن المنهج يفترض ما تجي في الاختبار لأن الهدف من اللقاءات المباشرة مراجعة المنهج واذا احد عنده استفسار الدكتور يجاوب عليه هذا هو الأساس هذه حقوق وواجبات كلاً يؤدي دوره والحق ثابت غير قابل للسلب يعني اقل القليل المطالبه بهذه الحقوق ؟ ان شاء الله الرسالة وصلت مع خالص تقديري |
رد: تجمع لرفع تظلم على دكتور حقوق الانسان
هذه النقطه اللي حبيت اوصلها سياسة الدكتور غلط المنهج اللي درسناه وهو يشرحه بالمسجله هو اللي مطالبين فيه بصرف النظر انه ذكر هالاسئلة في المباشره واللي فعلاً مثل ما قال ابن السلطان انها مفروض مراجعه مو يضيف اشياء خارجيه طريقة الدكتور غلط واصلا اكثر الدكاتره لما كانوا يقولون لهم الطلاب في المباشره حددوا لنا اسئلة يقولون ممنوع والعماده لا تسمح كيف الدكتور الناجي يحدد وهو ممنوع ولا بعد اسئلة مو في المنهج مصيبه اللي اعرفه مايحق للدكتور يجيب اسئلة خارج المنهج ( شتتنا بطريقته )
لذلك افهموا المقصود في كلامنا .. |
رد: تجمع لرفع تظلم على دكتور حقوق الانسان
ياإخوان السؤال اللي من خارج المحاضرة
نبغى درجته تكفون خبركم يد وحدة كل الشغلة ماتستغرق منكم ثواني ارفعوا اعتراض |
رد: تجمع لرفع تظلم على دكتور حقوق الانسان
خلاص كل واحد يسوي اللي يريح ضميره وانتهينا المفروض اسم الماده انسان الحقوق |
رد: تجمع لرفع تظلم على دكتور حقوق الانسان
ماله داعي التظلم لان اغلب الاسئله من الي قاله في المباشره وموجوده في الملتقى
|
| All times are GMT +3. الوقت الآن حسب توقيت السعودية: 07:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام