|
تنبيه : كثروا تجار البحوث والمشاريع بالملتقى وانتم الضحايا
السلام عليكم ورحمة الله وبركاته عزيزي الطالب والطالبة لا تصدقون اللي يرسلون هنااا ارقام ومواضيع عن تمكنهم من المشاريع تراني تعبت وانا امسح بالأرقام والمواضيع :007: ... يدخل الشخص ويمدح بالعمل وعند ظهور النتيجة ما تشوف احد منهم ..... هذا مشروعكم وانتم حريييين ما عادني ما سحه ولا رقم لاني بجد طفشت وتعبت وانا امسح كثروا تجار البحوث والمشاريع بالملتقى وانتم الضحايا هذا معدلك وهذا نجاحك عزيزي الطالب والطالبه لا تفرح اذا نجحت ب 60 او 70 >> هذا ضحايا تجار البحوث نسخ لصق للجميع او تغيير بسيط .... نصيحه اذا ما عندك استطاعه في عمله اختار شخص ثقه ثقه تاااامه تاااااامه نصيحه مني لكم صدقوني اكثر الي يرسب والي درجاتهم ناقصه اصحاب المشاريع الي يسوونها عند اصحاب الارقام المنتشره مثل ما قلت لكم ما راح امسح ولا رقم أنتم جامعيين واعلم مني بأنفسكم ودرجاتكم الله يوفقكم ويرزقكم أعلى الدرجات |
رد: تنبيه : كثروا تجار البحوث والمشاريع بالملتقى وانتم الضحايا
الله يجزاك خير اختي سلاف
الواحد يتعب على مشروعه افضل ومليان الملتقى بالمشاريع طبق مثل الخطوات وان شاءالله فالك النجاح |
رد: تنبيه : كثروا تجار البحوث والمشاريع بالملتقى وانتم الضحايا
الله يجزاك اختنا سلاف كل خير :rose: فعلا لازم كلنا نسوي مشاريعنا بنفسنا وفيه ارقام تواصل مع الدكتور للارشاد وفيه خطوات في الملتقى يعني حتى انتوا مو مقصرين معانا جالسين تساعدونا كثير :love080::love080: الله يجعله في ميزان حسناتكم:icon19: وكلنا نتعلم يعني مو كلنا نعرف نسوي :139: الله يوفقنا ويوفقكم جميعا :rose: |
رد: تنبيه : كثروا تجار البحوث والمشاريع بالملتقى وانتم الضحايا
الله يجزاك خير نصيحة بمحلها
انا بحثي حق المشروع رفعته في اخر وقت وطلع فيه مشكلة الى الحين مو عارف وش السالفة طبعا طلع عندي مشكلة بالاقتباس وكل ماعدلت عليه تزود النسبة !! واضطريت اسوي بحث جديد وموضوع يختلف في خمس ايام والحمد لله طلع تمام وخذيت 85 اللي ابي اوصله ان البحث مايستاهل تخاطر وتعطيه احد يسويه لك.. |
رد: تنبيه : كثروا تجار البحوث والمشاريع بالملتقى وانتم الضحايا
الله يجزاكـ خير
|
رد: تنبيه : كثروا تجار البحوث والمشاريع بالملتقى وانتم الضحايا
الله يعين الضغوط احيان او عدم المقدره . أو عدم المحاوله و التجربه تخلينا نسلك ها الطرق ونقعد متوترين و متخوفين لين تطلع النتيجه . ف أحسن شي أسويه بنفسي أنا صراحه سألت عن الي يسوون بحوث . ثم فكرت فيها مايسوى علي . أعيش بتوتر و أخر ترم . أهم شي أختي سلاف . أبغى اتواصل معك خطوه بخطوه الحين جالسه ادور موضوع لبحثي و ابغى اوريك أول ب اول |
رد: تنبيه : كثروا تجار البحوث والمشاريع بالملتقى وانتم الضحايا
و أبغى لو سمحتو رابط تحميل برنامج pdf لاني أبغى أسوي أكمال بيانات التخرج و جلست أحوس بالبرامج وحدفته . |
رد: تنبيه : كثروا تجار البحوث والمشاريع بالملتقى وانتم الضحايا
عدم التصور الكامل عن شكل البحث او المشروع او ماذاسنكتب فيه وطريقة ترتيبه وهل اذا كتبناه وانجزناه سيكون بالصورة النهائيه المطلوبه وهل سيقبل بحثنا او لا ؟؟كل هذه الاسئلة بأذهاننا هي ماتجعلنا نتوتر وعلى اعصابنا وتجعلنا نبحث عن من يكون لديه خبره بانجاز هذا العمل الذي طبع في اذهاننا انه مشروع نووي صعب الانجاز ...
|
رد: تنبيه : كثروا تجار البحوث والمشاريع بالملتقى وانتم الضحايا
كلامك صحيح وابصم لك بالعشرة
والمشكلة اذا جاب لك النكبة اخر الترم ما تدري كيف تطلب حقك منه يعني نصيحة اخ لاخوانه واخواته توكلوا على الله واعتمدوا على انفسكم . |
رد: تنبيه : كثروا تجار البحوث والمشاريع بالملتقى وانتم الضحايا
الله يجزاك كل خير ماقصرتي على التنبيه ..
بس فعلا مرات الواحد يضطر غصب عنه والله .. وأنا من الناس اللي ما احب احد يسوي لي شغلي لكن تجري الرياح بما لا تشتهي السفن .. سؤالي هو هل اقدر اعرف نسبة الاقتباس قبل ارفعه لموقع الجامعة يعني اعرف اذا ناجحه او لا من نسبة الاقتباس كذا قصدكم ؟ ولا بعد ما ارفعه تطلع لي النسبة وبعدها ما اقدر اعدل ولا اغير .. ياليت تفيدوني لأني مو فاهمه شي |
رد: تنبيه : كثروا تجار البحوث والمشاريع بالملتقى وانتم الضحايا
اقتباس:
|
رد: تنبيه : كثروا تجار البحوث والمشاريع بالملتقى وانتم الضحايا
الله يجزاك خير سولاف انا من الناس اللي ماادري كيف اسوي بحث بس نتوكل على الله وان شاء الله الله بيعيننا
ثانيا اللي يخلي احد يسوي له البحث يعتبر غش وياخذ دراجات مايستحقها واذا تخرج وعمل بشهادته يصير راتبه حرام لانه غش فليش ندخل انفسنا بمتاهات حنا في غنىعنها الله يعلم نيتنا وبيسر امورنا ان شاء الله |
رد: تنبيه : كثروا تجار البحوث والمشاريع بالملتقى وانتم الضحايا
طيب عشان لا نلجأ للتجار هذولا ، نحتاج موضوع يبين لنا الخطوات حبه حبه وبالتفصيل لأن المشروع صعب جداً ولخبطه جداول وفهرس ونظري وميداني نبي شرح مبسط ! |
رد: تنبيه : كثروا تجار البحوث والمشاريع بالملتقى وانتم الضحايا
اقتباس:
|
رد: تنبيه : كثروا تجار البحوث والمشاريع بالملتقى وانتم الضحايا
الله يستر منهم خاصه العضويات الجديده كلهم استغلال وكذب
انا يوم بغيت اسوي بحث تعبت وانا ابحث عن المضمون اللي يعطيك سعر غاليي 2000 واحيانا اكثر واللي يقولك ادفع وبعدين اسلمك وكذا وش يضمني مو منسوخ لحد ماستقريت ع واحد وقلت له ابي اشوف بحثي قبل الدفع وياررربي لك الحمد والشكر نجحت وماتندمت اني سويت عنده انتبهووو من اللي يقولك ادفع اول نصاب |
رد: تنبيه : كثروا تجار البحوث والمشاريع بالملتقى وانتم الضحايا
جزاك الله خير
|
رد: تنبيه : كثروا تجار البحوث والمشاريع بالملتقى وانتم الضحايا
كلام سليم أختي سلاف
غير ان يصير العلامة يلي ياخذها الطالب/ة حرام لان مو بجهدهم ماحدى بيخاف على درجاتك غير نفسك ربي يوفقنا ويجعل درجاتنا على قد جهدنا ويرزقنا على قد تعبنا تسلمي يا غالية على جهودك :004: |
| All times are GMT +3. الوقت الآن حسب توقيت السعودية: 03:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام