السالفه تحدي مافيها كلام
 

السلام عليكم

ياجماعة الخير
انتو تشوفون الاختبارات هالمستوى بالذات
انا مابي اقول النظريات الاجتماعيه وبس
والله بدون مبالغه اغلب المواد

تحس السالفه فيها تحدي
كانهم يقولون اتحداكم تتخرجون
موب معقوله اللي يصير فالاختبار

يعني هل يعقل اذاكر واجي القى اسئله تعجيزيه

يعني خلاص وقفو الانتساب تحطون الحره فينا عشان الفلوس
يبونا نحمل مواد ونعيد من جديد
انا اتوقع السالفه صارت متاجره اكثر من انها دراسه وتعلم

رد: السالفه تحدي مافيها كلام
 

الله لايوفقة هو واسئلتة هذي
اسئل الله لي ولكم جميعاً ماحد يحمل المادة

بصراحة جحفلنا حسبي الله ونعم الوكيل فية

رد: السالفه تحدي مافيها كلام
 

الحمدلله على كل حال

كان ختامها زفت ولاكن نطلب من الله التوفيق والنجاح

صعوبه وتحدي للطلبه ليس له مُبرر

عندي 7 مواد هالترم ، 3 منها كانت تعجيزيه والهدف منها اعاده المواد ونزف الاموال

رد: السالفه تحدي مافيها كلام
 

حسبي الله عليه ونعم الوكيل بكيت من القهر وربي احل من راسي حقره بقره من الغبنه ولا كأني ذاكرت شي مصدوومه

رد: السالفه تحدي مافيها كلام
 

لازم نرفع تظلم كلنا واحد يتبرع ويكتب لنا صيغة للتظلم

رد: السالفه تحدي مافيها كلام
 

الاسئله صعبه و دقيقه جدا ماادري وش سالفتهم توهم يصحون يجددون الأسئله
حسبي الله ونعم الوكيل

رد: السالفه تحدي مافيها كلام
 

من يوم وقفو الانتساب وهم شابين علينا ليه مدري

رد: السالفه تحدي مافيها كلام
 

لازم نرفع تظلم وننزل معاناتنا معهم حتى بسبق لانهم كذا
بيجزرون الطلاب بلا حسيب ولارقيب
لابارك الله فيهم
حسبي الله ونعم الوكيل فية

رد: السالفه تحدي مافيها كلام
 

والله جبت العيد لو ارتحت بدون مذاكرة كان احسن لكن ما اقول الا حسبي الله ونعم الوكيل ولاحول ولا قوة الا بالله

رد: السالفه تحدي مافيها كلام
 

حسبنا الله عليه الله
اسئله تعجيزيه
لاتزم الكل يرفع تظلم

رد: السالفه تحدي مافيها كلام
 

الاسئله ٥٠ سؤال ١٠ فقط اضمنها الباقي لا

رد: السالفه تحدي مافيها كلام
 

المفروض يراعون درسنا انتساب لظروف

رد: السالفه تحدي مافيها كلام
 

عطونا الأسئلة من صورها

رد: السالفه تحدي مافيها كلام
 

حسبي الله عليه هذا الدكتور كل موادة معقدة واسئلتة تعجيزية

رد: السالفه تحدي مافيها كلام
 

رساله من الجامعه؟؟
عزيزي الطالب / عزيزتي الطالبة
السلام عليكم ورحمة الله وبركاته
إشارة إلى ما يرد من الطلبة من ملاحظات على أسئلة بعض الاختبارات النهائية لمقررات برامج التعليم المطور للانتساب.
عليه فإن العمادة تفيد بوجود أيقونة خاصة لإدخال هذه الملاحظات. مؤملة من الجميع في حال وجود أي ملاحظة على الأسئلة الدخول على هذه الأيقونة، وتدوين الملاحظة بالتفصيل ( رقم السؤال - النموذج - الملاحظه) ، حيث تقوم لجنة خاصة بالاطلاع على ملاحظاتكم ودراستها، ومن ثم الرفع بها إلى إدارة العمادة والتي تقوم بالتواصل مع عضو هيئة التدريس من خلال الكلية والقسم الأكاديمي المختص من أجل النظر في هذه الملاحظات واتخاذ الإجراء اللازم حيالها، وفق المعايير الأكاديمية النظامية.
مع دعائنا للجميع بالنجاح والتوفيق

رد: السالفه تحدي مافيها كلام
 

ختامها للأسف ماكان مسك يالله النجاح بس

رد: السالفه تحدي مافيها كلام
 

حسبي الله ونعم الوكيل بصراحة تعجيزية لاكن بأذن الواحد الأحد اننا نعدي فيها وان شاء الله الي حليتوه صحيح

رد: السالفه تحدي مافيها كلام
 

اختبار سيء


وفي سؤال خطا بعد

العالم الي يستعمل التجريب والمنهج المقارن هو تالكوت بارسونز

وبالخيارات مش موجود ك جواب صحيح !!!



صححوا علي إذا غلطان نموذج b

رد: السالفه تحدي مافيها كلام
 

يا شباب والله اني خايف ما ادري الاسئله كانت تعجيزيه وصعبه وفي الاصل الماده صعبه
في طريقه للشكوى او للتظلم ويقدرون العماده تنجح الطالب اذا هذه اخر ماده له واخر سنه ولا كيف

رد: السالفه تحدي مافيها كلام
 

حسبي عليه وعلى الي قبله مصعبينها علينا
عطونا صيغه نرفع تظلم
خصوصا للسؤال الي يقول الاخ اذا متاكد

رد: السالفه تحدي مافيها كلام
 

تم الرفع

رد: السالفه تحدي مافيها كلام
 

حسبي الله عليهم الله لا يوفقهم كانهم ناوينا

رد: السالفه تحدي مافيها كلام
 

ميد التعليم الإلكتروني في جامعة الملك فيصل الدكتور/ فواز الصاعدي سلمه الله

السـﻻم عليكم ورحمة الله وبركاته .. وبعد:

تم اختبارنا بمادة النظريات الاجتماعيه يوم الاربعاء الموافق ١٨/ ٨ / ١٤٤٠هـ للدكتور فهد الخريف، وقد واجهنا في الإختبار صعوبة بالغة جداً جداً . ولم نستطع الحل وجميعها بنفس الصياغة ودقيقه وكذالك لم يكن هناك تنوع في الاختبار .من حيث السهوله والوضوح
نأمل من الله ثم منكم النظر في وضعنا كطلاب تعليم عن بعد ،علما بأن هناك ظروفا خاصه لكل منا، جعلت التعليم عن بعد هو الطريق الوحيد لمواصلة تعليمنا فيجب مراعاة ذالك وكلنا أمل بالله ثم بكم بأن تقفو مع ابنائكم الطلاب وتساعدوهم وتساندوهم علىٰ تخطي الظلم الذي وقع علينا من قبل استاذ المادة ، علماً اننا خريجين هذهـ السنه بإذن الله وهذا مؤثر على مسيرة اختباراتنا .
وتقبلوا فائق التقدير والاحترام ..


تم

رد: السالفه تحدي مافيها كلام
 

ابغى اعرف وش راح يستفيد من صعوبه الاسئله المفروض يراعون الظروف والله مابعد شفت مثل الدكتور الحقيل الله يذكره بالخير كان يحذف لنا ويحدد ويراعي ان فيه امهات وعندهم أطفال وغير وغير وأما ذولا لا راعو ولا خافو الله فينا

رد: السالفه تحدي مافيها كلام
 

يوم الثلاثاء وليس الاربعاء