ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ارشيف المستوى 3 تربية خاصة (https://vb.ckfu.org/f256)
-   -   الي انهو مستوى ثاني يتفضلون (https://vb.ckfu.org/t215993.html)

الروض 2011- 9- 10 09:04 AM
الي انهو مستوى ثاني يتفضلون
 
السلام عليكم جميعا
انا ان شالله حابه امشي على الخطه الدراسيه الي منزلينها الجامعه لمستوى ثاني فسؤالي لمستوى ثالث مين الي مشى على نفس الخطه ووش حسيتو فيه ظغط عليكم ونجحتو ووشلون معدلاتكم وكيف كانت اسئلة الدكاتره


:106::106::106:

هـمـس التميمي 2011- 9- 10 09:23 AM
رد: الي انهو مستوى ثاني يتفضلون
 
بالنسبه لي ماخذه 7 مواد

حذفت 3 مواد من ثاني وسحبت ماده من ثالث

وان شاء الله بكل ترم 7

اهم شئ راحتي النفسيه عشان اقدر اجيب معدل ان شاء الله

:cool:

رغد الشرقية 2011- 9- 10 09:29 AM
رد: الي انهو مستوى ثاني يتفضلون
 
انا مامشيت على خطة مستوى ثاني حذفت مادتين اللي هي بناء وتطوير وفقة السيره واستبدلتهم بمادتين من مستوى ثالث اللي هم مدخل الاعاقه العقليه والتربيه الخاصه في المملكة وكانو من جد مادتين حلوين وسهلين بس بشكل عام كل المواد يحتاجون بذل جهد وتركيز من اول الترم لانى اسئلة الدكاتر على الفهم مش الحفظ

الوحيدهـ* 2011- 9- 10 09:30 AM
رد: الي انهو مستوى ثاني يتفضلون
 
حسب تفرغك
اذا انتي مثلي جالسه على1- النت و2-اغلب وقتك فاضيه يعني اكثر من 8 ساعات في اليوم و3-بتضمنين نفسك بتفتحين ملازمك فخذي ال9 انا اخذتها ومعدلي المستوى الثاني كان اعلى من المستوى الاول
اهم شيئ الجديه والتفرغ
اما اذتا تحبي ترتاحي فخذيها على 7 او 8
يعني انتي من وكيف واش تحبين وكيف ظروفك ووقتك خذي عدد موادك والله يوفقك

أسيرة الأحساء 2011- 9- 10 01:00 PM
رد: الي انهو مستوى ثاني يتفضلون
 
تبغين صراحه

انضغطنا حييييييييييل خصوصا انا انجي من الجامعه متأخرين ا1ذا صار الاختبار الفتره ثانيه اوصل البيت ساعه10 وعلى ما اتعشى واخذ فتره استرخاء احس مافي وقت بسرعه يطير


ذاكري اول باول كل المواد صج انج حتى لو ذاكرتيهم اول باول بتنضغطين بس تحملي

والحمدالله معدلي هالفصل ارتفع اكثر

ولايخوفونج البنات الي يقولوون كل مازدا عدد المواد يقل المعدل بلعكس يرتفع:wink:

أسيرة الأحساء 2011- 9- 10 01:01 PM
رد: الي انهو مستوى ثاني يتفضلون
 
نسيت اقول لج تلووين دوائر له دور برفع المعدل لووونيهم عدل غمقيهم ولاتتسرعين بتلووين موفقه:tongue:

حياة الروح# 2011- 9- 10 01:56 PM
رد: الي انهو مستوى ثاني يتفضلون
 
الافضل تمشين على الخطه والضغط يجي على الي ما يشد من اولها
يعني حلي الواجبات والمناقشات وشوفي المحاضرات اول باول لا تراكمينها وبترتاحين
بالتوفيق

عطر الشووق 2011- 9- 10 02:11 PM
رد: الي انهو مستوى ثاني يتفضلون
 
لا يكلف الله نفسآ الا وسعها

اذا أكثر وقتكـ ع النت توكلي ع الله وخوذيهن كلهن

وكلهن مواد حلوووه وسهله رغم اني اخذت انا سبعه

والله يووووفقك ....


تقبلي رأيي وكل أحترااامي

عـــطـر الــشوووق ,,,,

قوس قزح 2010 2011- 9- 10 04:02 PM
رد: الي انهو مستوى ثاني يتفضلون
 
بالنسبة لي استبذلت مقرر بناء و تطوير المناهج استبذلته ب (التربية الخاصة بالمملكة)
و الفقة و السيرة ما أخذته فصار عندي (8 مقررات)
و الحمد لله ما حسيت بضغط و الأسئلة في الغالب كانت متوسطة و التذوق كان سهل مرررة
و نتيجتي الحمد لله كان حلوووة

ناصر البريك 2011- 9- 10 04:12 PM
رد: الي انهو مستوى ثاني يتفضلون
 
انا مشيت على الخطه والحمدالله معدلي فوق 4 وكل شي تمام

مطمئنه 2011- 9- 10 09:15 PM
رد: الي انهو مستوى ثاني يتفضلون
 
لاحظت ان الغالبيه في المستوى الثاني معدلهم اكثر من معدل المستوى الاول

سواء الماشين على الخطه او اللي مبدلين مواد بمواد من مستويات اعلى

فنصيحتي لك شوفي امكاناتك انتي واعتمدي جدولك عليها وتوكلي على الله

انا بالمستوى الثاني بدلت البناء والتطوير بمدخل الاعاقه العقليه وباقي جدولي مثل ماهو

والحمد لله المعدل كان عالي والدراسه كانت اهون من المستوى الاول

واسئلة الدكاتره مختلفه

منهم من اعتمد على المفهوم الخاص بالماده ومنهم من اعتمد على المحتويات والكتب

لكن في المجمل ماكانوا معقدين

باستثناء مهارات البحث التربوي والتوجيه والارشاد كانت الاسئله جدا محيره وتحتاج فهم قوي للماده

والله يوفقك ويكتب لك الخير

شموع مضيئة 2011- 9- 11 04:26 AM
رد: الي انهو مستوى ثاني يتفضلون
 
أنا مشيت على الخطه بحذافيرها والحمد لله نجحت بمعدل مرتفع يارب لك الحمد

مواد المستوى الثاني كلها سهله وغير معقده وتعمد على الحفظ أكثر
وأسئلة الدكاتره فيها السهل وفيها الصعب
يعني يعتمد على مدى حفظك ومذاكرتك أول بأول ومدى تفرغك
بس عموما المواد سهله وأنصحك تتوكلين على الله وتاخذينها كلها صحيح بنضغطين شوي وقت الأختبارات بس كلها أسبوعين وتعدي على خير خصوصا اذا أنت مذاكره من قبل الأختبار ووقت الأختبار بس مجرد مراجعه للمنهج

وبالتوفيق يارب :106:

الروض 2011- 9- 12 06:57 AM
رد: الي انهو مستوى ثاني يتفضلون
 
:love080::love080::love080: يعطيكم العافيه كل من رد علي ماقصرتو والله يوفقكم في مسيرتكم :love080::love080::love080:

استفدت كثير منكم :106:

توتاتي 2011- 9- 12 11:10 AM
رد: الي انهو مستوى ثاني يتفضلون
 
انا عني مشيت ع الخطه الجامعيه ,,
لا حذفت ولا حذفونيــ :tongue:

صج بعض المواد دسمه شويات
بس الحمد لله معدلي السمستر الثاني اعلى من السمستر الاول

بفضل الله اولآ
وثانيا اني اذاكر اول بأولــ

الله يوفقنا جميــــــــــــــــــــــــــــــع ,,

عفوك ربي 2011- 9- 12 04:51 PM
رد: الي انهو مستوى ثاني يتفضلون
 
انا بالنسبة لي مامشيت على الخطة

لان مااحب اختبر مادتين بيوم يكفي التوتر ووالقلق ايام الاختبارات

فحذفت مهارات لانها مع التذوق بيوم

وحذفت بناء وتطوير المناهج واخذت بدلها اعاقة

والحمدلله معدلي ارتفع عن المستوى الاول ..

اذا انتي تحسي تقدري مادتين يوم خذيهم كلهم ..

والله يوفقك ..

حلا الورود 2011- 9- 12 05:00 PM
رد: الي انهو مستوى ثاني يتفضلون
 
استفدت منكم كثر يامستوى ثالث الله يوفقكم ويسعدكم في ميزان حسناتكم يارب

وجود الخالدي 2011- 9- 12 05:21 PM
رد: الي انهو مستوى ثاني يتفضلون
 
اقتباس:
المشاركة الأصلية كتبت بواسطة رغد الشرقية (المشاركة 4347767)
انا مامشيت على خطة مستوى ثاني حذفت مادتين اللي هي بناء وتطوير وفقة السيره واستبدلتهم بمادتين من مستوى ثالث اللي هم مدخل الاعاقه العقليه والتربيه الخاصه في المملكة وكانو من جد مادتين حلوين وسهلين بس بشكل عام كل المواد يحتاجون بذل جهد وتركيز من اول الترم لانى اسئلة الدكاتر على الفهم مش الحفظ
بما انك زيي وش جدولك هذا المستوى بمشي معك ..؟؟ لانك الوحيده اللي حصلتها الى الان ..


All times are GMT +3. الوقت الآن حسب توقيت السعودية: 01:14 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه