شوفي يالغلا مره سهله بحاول ابسطها لك وبتكلم بالعامي عشان تفهمين اكثر
الاستقصاء:يعني مشكله مالها حل او تفسير فا انا من خبرتي ومعلوماتي السابقه احاول اني احل هذي المشكله عن طريق معلوماتي السابقه
احط مجموعه من الحلول وابداء اجربها مع المشكله هل الحلول تناسب المشكله وممكن تحلها اولاء
يعني عندك مثال في الملزمه المعلم يوم حط قطعه المسمار في القارب والقارب الثاني مافيه شي
وتحرك القارب الي فيه المسمار
الحين ع الطالب يعرف وين المشكله من خبرته السابقه يعرف ان الهواء ممكن يحركه وبعضهم قالوا في خيط
وكل واحد جاب تفسير من خبراته
لكن المعلم حاول يبسط لهم لين استنتجوا الحل الصحيح والحل الانسب وهو وجد مسمار
***********
وهذي مره سهله
الاستقرائيه :انتقال من الجزيئيات يعني الاشياء الصفيره الي القاعده الاشياء الكبيره
كيف؟؟ يعني انا الحين بعطيك درس اوكي هل من المعقول ادخلك في الشرح قبل مااعطيك الاساسيات اكيد لاء
عندك المثال الي في الملزمه المعادن
الحين عرضت عليك مجموعه كبيره من المعادن وقلت لك يلا تكلمي عن الحديد والنحاس بتعرفين تجاوبين اكيد لاء لاني ماتدرجت معك من السهل الي الصعب
بس بقولك ارجعي للكتاب واقري عن الحديد والنحاس وخصائصهم طيب قريتي الحين بسالك
كلهم نفس الخصائص بتقولين اي وكلهم معادن وكلهم يتمددون بالحراره
بعرض عليك الزجاج بقولك الزجاج من المعادن بتجاوبين لا لان الزجاج مايتمدد مثل المعدن
طيب بعد مادرستي الخصائص والجزيئات بقولك وش الفايده من الدرس
بتقولين ان المعادن تتمدد بالحراره
يعني الي ابي اوصله لك اني اول شي في طريقه الاستقرار
اخذ الامور منفصله وصغيره وفدريه وبعدها اجمعها واكون قاعده لها
****
الاستنتاجيه :هذي العكس بالضبط ابداء من القاعده الي الجزيئات
يعني اعطيك نفس مثال المعادن
اقولك اذكري لي انواع المعادن تجين انتي وتذكرينها طيب اقولك ع اي اساس قلتي ان الحديد والنحاس من المعادن
تبدين تفصلين لي تقولين ان الحديد والنحاس من المعادن و يتمددون بالحراره ولهم خصائص تميزهم ......الخ
انتي الحين فسرتيها لي وفصلتي بعد ماانا عطيتك القاعده العامه
باقي الطرق جدا سهله
لعب الدور :يعني تمثيل انتي تجسدين شخصيه وتمثلينها
********
التدريس بالمشروع: يعني الشي النظري يصير عملي
يعني تكلمنا عن البركان وكيف يثور والخصائص المسببه له ......الخ
اجي الحين واسوي تصميم كامل للبركان وابداء اطبق عمليه ثوران البركان
بس اتمنى انك فهمتي علي
