ملتقى طلاب وطالبات جامعة الملك فيصل,جامعة الدمام - نصيحه من ذهــب ..:: خطه دراسيه خاصه بك/كِ ::.. خـــاص للي مايمشون ع الخطه الدراسيه فقــط..+ كيف تعمل خطه دراسيه .

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ارشيف المستوى 5 تربية خاصة (https://vb.ckfu.org/forumdisplay.php?f=324)

- - نصيحه من ذهــب ..:: خطه دراسيه خاصه بك/كِ ::.. خـــاص للي مايمشون ع الخطه الدراسيه فقــط..+ كيف تعمل خطه دراسيه . (https://vb.ckfu.org/showthread.php?t=357740)

Ambition

2012- 8- 10 05:09 AM

نصيحه من ذهــب ..:: خطه دراسيه خاصه بك/كِ ::.. خـــاص للي مايمشون ع الخطه الدراسيه فقــط..+ كيف تعمل خطه دراسيه .

السلام عليكم

اعزائـــي الطلاب والطالبات .... :119:

كثير منكم في وقت تسجيل المواد تحتارون شنو تسجلون مواد وشنو تأجلون وشنو تاخذون من المواد وشنو المواد المهمه الي لازم تاخذها قبل التخصص ...

وانا اتكلم خاصه للي مايمشي ع الخطه الدراسيه مثل حالتي :(269):

المهم والاهم .... نصيحتي لكم من الحين دام انكم مستوى ثالث ... لسه باقي لكم رابع وخامس وسادس وسابع ... واخر شي التطبيق ثامن .... وحتى مستوى رابع وخامس يقدرون يسوون لهم خطه او جدول خاص فيهم ..

تفاديا لتعارض المواد او انكم تاخذون سمستر زياده عشان ماده او مادتين

الحين جدول مستوى سابع نزل .... يعني الخطه الدراسيه للتربيه الخاصه تقريبا اكتملت وعرفتوا كل ماده متى اختبارها واي فتره .....

انا اتكلم للي مو ماشي ع الخـــــــــــــطه ...

ادخل هذا الموضوع .....

http://www.ckfu.org/vb/t350258.html

واعمل لك خطه دراسيه خاصه فيك تمشي عليها من مستوى ثالث الى مستوى سابع

يعني تأجل مواد .. تقدم مواد وتاخذها من المستويات الي اعلى ... كذا تعرف شلون ترتيب جدولك وشنو تاجل وشنو تاخذ عشان مايكون في تعارض بعدين مع المواد المؤجله ....

يعني مثل ما الجامعه حاطه خطه دراسيه نمشي عليها .... والاغلب يمشي عليها ..
انت حط لك خطه دراسيه خاصه فيك ... وتكون خفيفه عليك او جدول مافيه ضغط ..

اقولكم مثال ..

انا مستوى خامس .. اخذذت ماده تخصص من سادس لان في سادس بتكون عندي مادتين باخر يوم اختبار وثنتينهم مواد تخصص وثنتينهم 3 ساعات ... يعني يبيلها تركيز لانها ترفع المعدل وتنزله ...

رتبت جدولي انه يكون خفيف ومافيه ضغط ... ومايكون المستوى السادس معفوس بسبب التقديم والتاجيل ...

اتمنى فكرتي وصلت لكم .... ادري طولت هرجه بس كله لمصلحتكم

لان الاغلب الحين صادفه تعارض في مواد وتحسف انه اجل ... او اضطر ياخذ مواد تكون ايامها ورى بعض تفاديا للتعارض المستوى المقبل ..... وتسبب في تدني المعدل عن السابق بدال مايرتفع

ممكن الي ماشين ع الخطه يقولون ليش حايسين حالنا كذا ... انا اقولكم .. احيان الظروف تحكم يععني مو زياده فلسفه :(269):

والحين انا مستوى خامس .. ورتبت جدولي لمستوى سابع او بالاصح عملت لي خطه امشي عليها خامس وسادس وسابع ..
والحمد الله خفيفه وحتى المادتين الي اجلتهم من ثالث ورابع ضفتها للخطه .
ومافيه اي تعارض او اي ضغط

وان شاء الله الجدول ماراح يتغير فيه اي شي ... لان من دخلت التربيه للحين الي تغير فقط ماده الموهوبين غيروا يوم اختبارها..

ان شاء الله الجامعه ماتغير شي .. وتكون الخطه الي بتمشون عليها تمام التمام

طيب نجي الحين .... لــــ

كيف تعمل خطه خاصه بك ...

اول شي تكتب جميع المواد المؤجله .. والباقيه لك الى مستوى سابع ...
تضيفهم كلهم بجدول واحد ....
احسب المواد الي عندك وعدد الساعات عشان تعرف كل سمستر كم ساعه تاخذ عشان تخلص الساعات المطلوبه منك بدون ماتزيد سمستر زياده
تعمل جدول الاختبارات .... من اليوم الاول الى اليوم الحادي عشر... وتاخذ كل حين ماده وتحطها مكانها في الجدول

يعني مثلا ..
الاعاقه البصريه .. مكانها اول يوم الفتره الاولى
اعاقات النمو الشامل مكانها اليوم الاول الفتره الثانيه ... وهكذا الى اخر ماده عندك ...

هنا اكيد بتكون في مادتين او ثلاث مواد وممكن اربع مواد بيوم واحد وفتره وحده ...

مثل هذا الجدول ....

url=http://www.mrkzy.com/]http://download.mrkzy.com/e/0912_md_13445660191.jpg[/url]

طبعا هذا لانه مواد خامس وسادس وسابع مافيه واجد تعارض مثل لما يكون من ثالث او رابع

كذا توزع هذي المواد على المستويات الجايه عشان ماتتعارض مع بعضها ..

يعني حاول تاخذ المواد الي تتعارض مع بعض بالاول وبعدين شوف المواد الثانيه

رتب جدولك انه مايكون ضغط او ايام ورى بعض او مادتين بيوم وبعدها ماده .... يعني حاول ترتب الجدول على حسب مقدرتك
اعمل اكثر من جدول واكثر من احتمالات لحد ماتوصل للي تحس انه يناسبك وانه ماراح يككون ضغط عليك في المستويات الجايه

وفي الاخير اتمنى التوفيق للجميع ...

ولاتنسوني من الدعاء

ambition

رَحيق الورد

2012- 8- 10 05:21 AM

رد: نصيحه من ذهــب ..:: خطه دراسيه خاصه بك/كِ ::.. خـــاص للي مايمشون ع الخطه الدراسيه فقــط...

كلام سليم %
انامثلك والحمدلله اموري ماشية تمام التام <اهم شيء التخطيط السليم ورسم خطة مستقبليه لجميع المستويات بدون تعارض او مشاكل تذكر .:(204):

موضوع رائع <ابدعتي ,’
سلمت اناملك وكثر الله من امثالك:106:

Ambition

2012- 8- 10 05:43 AM

رد: نصيحه من ذهــب ..:: خطه دراسيه خاصه بك/كِ ::.. خـــاص للي مايمشون ع الخطه الدراسيه فقــط..+ كيف تعمل خطه دراسيه .

سوري الجدول مو واضح ...

وماقدرت اعدل ع الموضوع

هذا جدول توضيحي وفي نقطه بعد مهمه

انه كل مستوى افرزه بلون خاص فيه .. عشان تعرف كل ماده لاي مستوى

http://download.mrkzy.com/e/0912_md_13445667551.jpg

آآآسفه ع الاطـــــاله :119:

جوري الملتقى

2012- 8- 10 07:11 AM

Ambition مبدعه كعادتك ،،
موضوع رائع جدا ، وتخطيط سليم ..:(204):
بحكم تجربه شخصيه كوني من (( الدفعه الاولى )) او كما تسمى [ حقل التجارب ] :sm5:..
انصحكم وبشدة قراءة الموضوع بتمعن وترتيب جدولكم من الان الى وقت التخرج ..
أولاً : بتفك أزمة حيرة ترتيب الجدول المعتادة ،،
ثانياً : بيكون الجميع عارف كم مستوى دراسي متبقي له ، ورتب اموره على هذا الاساس ,,

..
شكراً Ambition :rose:

هـمـس التميمي

2012- 8- 10 09:16 AM

:106::106::106:

انا سويت كذا

بس المشكله اذا الجامعه غيّرت الجدول بعدين :bawling:

الله يسهلها علينا

ملاحظه:

الجامعه ما تفتح ترم جديد عشان ماده او مادتين
لانه به امكانيه اضافه مواد بمستوى 8
:biggrin:

Ambition

2012- 8- 10 02:46 PM

صح كلامج همس ..تقدري تاخذي مواد بثامن

بس اذا هي ماده تخصص ماراح تطبقي لحتى تخلصيها .... ويضل التطبيق لمستوى تاسع :biggrin:

هـمـس التميمي

2012- 8- 10 05:45 PM

اقتباس:

المشاركة الأصلية كتبت بواسطة ambition (المشاركة 7026742)

صحيح
يصير ناجل بمواد عامه بس

الله يسهلها

:106:

دنياك دنياااي

2012- 8- 10 11:59 PM

الله يسعدك ي امبيشن :004:

والله يكتب اجرك على حبك للخيير :004:

وانا من الناس اللي ما تمشي ع الخطه :sm5:

وفعلا مسوويه جدووول للمستويات الجايه وربك يفرجها :119:

Ambition

2012- 8- 11 08:01 PM

موفقه دنياي دنياك .... :106:

السيده الهاشميه

2012- 8- 12 06:38 AM

ابغ اسالكم :mh12:حبايبي انا ماجلة مادة موهوبين وقضايا ثقافيه ابغ اعرف هما مواد تخصص ولا مواد عامه و اقدر اخليها للمستوي الثامن

Ambition

2012- 8- 12 05:54 PM

الموهوبين خذيها قبل الثامن

اما القضايا لانها مشتركه عادي تخلينها لثامن ماهي ماده تخصص

لاتتركي اي شي يخص التربيه للثامن ... كل شي اخذيه قبل :tongue:

وسوسه

2012- 8- 14 12:02 AM

اني. امشي علي الخطه بس في ماده ماخدتها. فقه السيره متوهقه فيها. بااجلها للاخير:Cry111: شوفي. لي يناسب بااي مستوي اخده

Ambition

2012- 8- 14 12:03 AM

خذيها مستوى سابع .... لان مستوى سابع فيع 14 ساعه ...يمديج تاخذي مادتين بعد

بس تاكدي اذا ماتتعارض

او انج تاخذينها في ثامن ..ماراح تأثر

@ابو نايف@

2012- 8- 14 12:10 AM

اقتباس:

المشاركة الأصلية كتبت بواسطة ambition (المشاركة 7046732)

انتي متأكدة اني اقدر اخذ مواد في المستوى الثامن

لاني قريت في احد المواضيع انه فيه طالب سائل الدكتور احمد الشعيبي عن المستوى الثامن اقدر اضيف ماده فيه

رد عليه وقاله مستحيل تأخذ مواد في المستوى الثامن الانه تتطبيقي

بالله احد يتأكد اكثر هل فيه تسجل ولا لا

وسوسه

2012- 8- 14 02:36 AM

ايه صصصصصصصصصصح تاكدو لينا شوفو ثامن نقدر ناخد مواد وله لا

اني سمعت من صديقه ان نقدر بس حدنا 4 مواد

اني مابغا اربع

ابغا ماده وحده بسسسسسسسسسسسسس فقه السيره بمستوى ثامن؟

عادي وله مسسسستحيل؟

Ambition

2012- 8- 14 03:25 AM

الي عرفته للحين الي بياخذ ماده من التخصص في مستوى ثامن ماراح يطبق الا لما يخلصها

لان مستحيل تطبق شي انت ماخلصته

اما اذا كانت ماده مشتركه بين جميع الاقسام ... مواد الدين والعربي والانغلش كلها هذي مشتركه بين الاقسام

لما تاخذها وتدرسها في ثامن عادي تطبق وتدرس

ومابتوضح لنا الرؤيا الا لما مستوى سابع يروحون ثامن

كذا راح نعرف الاكيد ..... يعني للسمستر الجاي كل شي بيكون واضح ان شاء الله

ومستوى سابع 14 ساعه ... تقدر تضيف 4 ساعات من عندك او من المواد المؤجله ..بس قبل كذا شوفوا جدولكم اذا يتعارض او لا مع الماده الي راح تاخذونها ورتبوا لكم خطه من الحين عشان ماتتعارض موادكم .... وتخلصون مع سسابع

وسوسه اخذيها في سسااااااابع تقدري تضيفي مادتين في سابع

Ambition

2012- 8- 14 03:28 AM

وسوسه لما تاخذي الفقه في سابع ... بيصير عندج يوم الاحد فترتين

الفتره الاولى تربيه وتعليم ضعاف السمع والفتره الثانيه فقه وسيره

ويوم الاثنين فترتين
الفتره الاولى علم نفس فسيولوجي والفترح الثانيه تطوير وتصميم الدروس

ويوم الثلاثاء عندج ماده الفتره الاولى

يعني بيصير عندج ثلاثه ايام ورى بعض .. يومين منهم عندج فترتين بس عندج قبلها يوم الجمعه والسبت تذاكرين فيهم ..اذا تشوفي حالج تقدري توكلي على ربج

وتقدري تسوي لج جداول من الحين وتخففي شوي من الجدول تخلطي يعني من سادس وسابع وتبدل اماكن مواد عشان مايصير عندج زحمه مثل كذا

واذا حابه اساعدج في تخفيف الضغط من الجداول انا حاضره

موفقه

سوبيا

2012- 8- 14 07:56 AM

الله يعطيك العافية ambition

عندي قضايا ثقافية وفقه السيره هل اقدر أجلها مع المستوى الثامن والا .. عندي غيرها وابي اوزعهم على المستويات :(177): ؟!

سوبيا

2012- 8- 14 03:23 PM

ومادة مهارات التفكير ..!

Ambition

2012- 8- 14 07:48 PM

سوبيا اذا حابه تاجليهم للثامن مافي مشكله لانها مواد مشتركه بين جميع الاقسام

اما اذا تبين تحطيهم في جداول خامس وسادس وسابع

انا اشوفهم لج واعطيج خبر ..اذا في تعارض

بــــرـرـرـرب

Ambition

2012- 8- 14 07:57 PM

1 مرفق

اقتباس:

المشاركة الأصلية كتبت بواسطة سوبيا (المشاركة 7050699)

ومادة مهارات التفكير ..!

سوبيا يبعدي شوفي هالجداول لخامس وسادس وسابع ...

اذا تناسبج الجداول خلاص امشي عليها

واذا ماناسبتج ... امشي ع الخطه واخذي الفقه والقضايا والمهارات اخر سمستر الي هو الثامن

اما لو مشيتي على هذي الجداول ... بيبقى لج ماده وحده من سابع الي هي ماده القضايا

اذا حابه تضيفيها في سابع تقدري تضيفيها وتحذفي تطوير وتصميم الدروس ...

في المرفقات الجداول

بالتوفيق

AL_SA_RI

2012- 8- 16 02:17 AM

السلام عليكم ..

اختيambition
عندي فقه السيرة والتقويم التربوي وش نصيحتك لي ..الله يوفقك ويجزاك الجنه

Ambition

2012- 8- 16 02:33 AM

1 مرفق

فقه وسيره تقدر تاخذها في خامس او سابع لان ماراح تتعارض معاك بس بتكون معاها ماده الفتره الاولى لان هي الفتره الثانيه يوم الاحد

يصادفك التعارض في سادس مع الفقه

اما التقويم التربوي تقدر تاخذه في سابع لان سابع 14 ساعه وتقدر تضيف مادتين ومابيصادفك فيها اي تعارض في كل المستويات الجايه لانها يوم سبت الفتره الثانيه

وباختصار شديد تقدر تاخذ هالمادتين في سابع ... لكـــــــــــــن بيكون عندك ضغط في الجدول
بيكون السبت تقويم
الاحد ماده مع الفقه ..يعني مادتين
الاثنين ماده
الثلاثاء مادتين

واذا شايف حالك ماتقدر ع الضغط مثل كذا

حاول تبدل مواد سابع بخامس او بسادس .. لحد مايصير جدولك تمام التمام

واذا حاب تمشي على خطه تكون اخف لك ... شوف الخطه الي بالمرفقات ... سويتها لك:10111:

دعواتك لي في هذه الايام الفضيله

Ambition

2012- 8- 16 02:48 AM

طبعا مواد تخصص العقليه الي في الجدول

انت اي تخصص؟؟

حلا القصيم

2012- 8- 16 04:32 AM

السلام عليكم جميعآ...

دائمآ مبدعه هاذي عادتك يالغاليه:004::004::004::004:

بس سؤال يطرح نفسه الحين المستوى الثامن عدد ساعاته 8 والعملي 8 ساعات
منين اقدر اضيف مادة:(107)::(107):

AL_SA_RI

2012- 8- 16 04:47 AM

اقتباس:

المشاركة الأصلية كتبت بواسطة Ambition (المشاركة 7057255)

طبعا مواد تخصص العقليه الي في الجدول

انت اي تخصص؟؟

سمي ambition انا عقليه

بس حاولت اضيفها المستوى هذا مع اني معدلي التراكمي اكثر من 3 الا انه رفض مادة فقه

السيرة والله لخصك بالدعاء الليله وجزاك الله خير.

سوبيا

2012- 8- 16 08:55 AM

1 مرفق

اقتباس:

المشاركة الأصلية كتبت بواسطة Ambition (المشاركة 7051272)

انا اللي قلت لك بس ذا ال3 المواد وتكون بالمستوى بالثامن
والا هو عندي بعد " الاضطرابات السلوكية وتعديل السلوك ..و مهارات التواصل لذوي الاحتياجات "
شوفي سويت هالجدول واهم شي عندي مايكون بنفس اليوم مادتين > عقلي الصغير لايتحمل :biggrin:
عطيني رايك كذا تمام ؟!

ومراات افكر امشي على الخطه الدراسية واخذ ترم زيادة لذا المواد < :119: >

Ambition

2012- 8- 16 06:22 PM

اقتباس:

المشاركة الأصلية كتبت بواسطة حلا القصيم (المشاركة 7057683)

السلام عليكم جميعآ...

دائمآ مبدعه هاذي عادتك يالغاليه:004::004::004::004:

بس سؤال يطرح نفسه الحين المستوى الثامن عدد ساعاته 8 والعملي 8 ساعات

منين اقدر اضيف مادة:(107)::(107):

اي تقريبا تقدري تضيفي 4 مواد ... وللحين الصوره مو واضحه لمستوى ثامن

ان شاء الله ع السمستر الجاي الجديد لما يخلصون سابع ويروحون ثامن كذا توضح الصوره اكثر من ناحيه كم ماده نقدر ناخذ

كلها مجرد توقعات لا اكثر

ربي يوفقج ان شاء الله

اقتباس:

المشاركة الأصلية كتبت بواسطة AL_SA_RI (المشاركة 7057771)

:rose::rose:

ربي يتقبل منكم ومنا جميع الاعمال ويجعلنا من عتقائه من النار يااااااااااااااااااارب

مشكوووور :wink:

اقتباس:

المشاركة الأصلية كتبت بواسطة سوبيا (المشاركة 7059142)

اووووك جاري الاطلاع

ومايحتاج تاخذين ترم اذا انتي تقدري تدخلينهم بين مواد خامس وسادس وسابع

حاولي دايما تاخذي 18 ساعه كامله لانها من صالحج .. هذا اذا تبين تخلصي بسرعه طبعا ومستعجله مثلي ^_^

واذا تحسي انه مناسبج مايحتاج تاخذي رايي فيه :biggrin:

بس اشوفه وارد عليج :(204):

Ambition

2012- 8- 16 06:29 PM

سوبــــــــــــيا :Looking_anim::Looking_anim:

تقدري تختبري 6 ايام ورى بعض؟

صج كل يوم ماده بس يختي بتطلع لج قروووون من الضغط ...

وعندج 4 ايام ورى بعض .. في سابع

اذا تحسي انه تمام ويناسبج امشي عليه

الحلو انه مافيه مادتين مع بعض

بس فيه ايام ورى بعض

:(204):....موفقــــه

سوبيا

2012- 8- 16 08:16 PM

اقتباس:

المشاركة الأصلية كتبت بواسطة Ambition (المشاركة 7059936)

هذا اللي مخليني متردده عندي الايام ورا بعض :icon9:

الحين بسجل مواد هالترم لان مافي شي .. على الخطه والترمين الحاية باقي وقت والله يسسههل لنا :biggrin:

حبيبتي الله يووفقك ويسهل عليك .. مشكووره :004::004::004:

Ambition

2012- 8- 17 01:55 AM

موفقه ســــــو ســـوـوـو....

:10111:

nada_1

2012- 8- 17 02:06 AM

بالنسبة للنظام الجامعة ترى كل يوم هم في قرار لكن الأكيد منه أنه عادي تقدري تأخذي مواد مشتركة في مستوى الثامن بشرط ما يكون تخصص ولا تربوي .................. ترى كلامي مو أكيد مثل نظام الجامعة كل يوم في حال :24_asmilies-com:

@ابو نايف@

2012- 8- 17 02:27 AM

سلام عليكم

زميلي حامل الانقلش ولاحصاء هل فيه مجال ياخذه قبل المستوى الثامن

وكيف راح يكون جدوله

تكفون ردو علي علما انه مستوى خامسا معانا :biggrin:

Ambition

2012- 8- 17 03:26 AM

اقتباس:

المشاركة الأصلية كتبت بواسطة nada_1 (المشاركة 7060884)

صح كلامج وهذا الي سمعته انا بعد

بس مابتتضح الرؤيا عندنا الا لما ينتقلوا سابع ويصيروا ثامن ..كذا نعرف شنو لنا وشنو علينا

اقتباس:

المشاركة الأصلية كتبت بواسطة @ابو نايف@ (المشاركة 7060923)

سلام عليكم

زميلي حامل الانقلش ولاحصاء هل فيه مجال ياخذه قبل المستوى الثامن

وكيف راح يكون جدوله

تكفون ردو علي علما انه مستوى خامسا معانا :biggrin:

ابو نايف

الانغلش راح يتعارض عنده في خامس وسابع ... وفي سادس ماراح يقدر ياخذه لان ساعاتها 18 تقريبا مايقدر يزيد عليه ولاتنسى ان الانغلش 3 ساعات

وبالنسبه للاحصاء والله ماعندي فكره اي يوم اختباره عشان اقدر افيدك

في سابع عنده 14 ساعه يقدر يضيف 4 ساعات .. يعني يايضيف الانغلش الي 3 ساعات(( بتتعارض في مستوى سابع )) .... او يضيف الاحصاء بس خل يشوف اي يوم عشان مايكون فيه تعارض

وفي الاول والاخير .. يقدر يمشي ويكمل ع الخطه .... ويخلي الانغلش والاحصاء لثامن لانها مواد مشتركه بين جميع الاقسام

fajr __

2012- 8- 20 02:16 AM

موضوع جآ بوقته يآ ملا العافيه :rose:
حآلتي صعبه لانه مأجله 5 مواد
فآ فكرت اخذ في السمستر 6 ماده
والسابع بعد ماده
والثامن بيكون 3 موآد بكذآ ما راح اخذ سمستر اضافي
بس السؤال مدخل صعوبات تعلم و مدخل الاعاقه السمعيه واستراتيجيات التدخل المبكر مو متطلب اقدر اخليهآ مع السمستر 8 ؟

Ambition

2012- 8- 21 01:23 PM

لو خليتيها لمستوى ثامن ماراح يخلونج تطبقي لان المواد هذي مواد تخص التربيه الخاصه ماهي مواد مشتركه

يعني لو درستيهم في ثامن ... يخلونج تطبقي بعد ماتخلصي المواد

موفقه

هـمـس التميمي

2012- 8- 21 08:12 PM

زادو الساعات الى 22 ساعه بالمستوى 7

:53:

Ambition

2012- 8- 23 02:44 PM

اي شفت الخبر ... والله تمام التمام

انون	2012- 8- 24 08:57 PM

موارد بشريه عامه ولا ايش؟

ومارضى يدخلون لي مواد التخصص وانا متخصصه وش اسوي:Cry111:

Ambition

2012- 8- 25 07:31 AM

الموارد ماده مشتركه ...

وبالنسبه لمواد التخصص اذا هم غيروا لج الحاله من اعداد عام الى تخصصج الي اخترتيه ... تاكدي من ارقام السي ار ان

صبا زهران

2012- 8- 25 01:42 PM

اقتباس:

المشاركة الأصلية كتبت بواسطة ambition (المشاركة 7025804)

السلام عليكم

اعزائـــي الطلاب والطالبات .... :119:

وانا اتكلم خاصه للي مايمشي ع الخطه الدراسيه مثل حالتي :(269):

تفاديا لتعارض المواد او انكم تاخذون سمستر زياده عشان ماده او مادتين

وفي الاخير اتمنى التوفيق للجميع ...

ولاتنسوني من الدعاء

ambition

يسعدك أمبيشن دوووم معطاااء الله يوفق الجميع ويسهل أمورنا

وجود الخالدي

2012- 8- 26 06:35 PM

مرحبااااااااااااا السااااااااااااااع
حتى انتي رحتي عني يا امبشن :sm18:

ممكن تساعدين خويتك الفاهيه وتعلميني وش مواد مستوى خامس حسب الخطه ..؟
ترى كل سنه ما اعرف اطلع موادي من الجدول حق الجامعه طويل ولا افهم بوه شي.!

ثانيا:

اممممممممممممم معاليش انا كيف اعرف اني اخذت كل المواد واني مانسيت شي يوم قدمت واخرت بكم ماده بين المستويات...!!:(107):

ثالثا : انا تخصصت صعوبات وقلبي معكن يالعقليه بس التردد ابعدني عنكم.
الجامعه مابعد تحولني لاعداد خاص وهيك ومابقى شي يتقفل التسجيل
ممكن تعطيني اقتراحك بمادتين اضيفهم بدل مواد التخصص..؟؟؟ على الخطة حقة الجامعه

مثال : قريت موضوع ان مستوى سابع مضغوطين بالحيل ب3ايام اختبار ورى بعض وبعده مادتين وبعده ماده..!
بس مابي اكون بروحي ابي حد معي من هالشله مابي اروح لشله لحالي زي علم النفس العام رفعو ضغطي اللي ورانا :mad:

وشكرا لتعاونك ....
وماننحرمش من اي نصايح ياحلووووووووووووووه :060:

ايه ترى بعد باقي اشياء ابي استوعبها منك بس شوي شوي عليك عشان ما اغثك !:71:

وجود الخالدي

2012- 8- 26 07:49 PM

امبشن خلاص سؤالي رقم واحد وجدته ياقلبوووووووووو
انتظر دعم بالسؤالين الثاني والثالث ..!!
وجزيت خيرا ...:106:

Ambition

2012- 8- 27 08:49 AM

اهلا وجود

انا سمعيه ... والي يفرق بس مادتين بين التخصصات يعني لسه كلنا مع بعض محد راح عن الثاني
وبالنسبه انهم ماغبروا لج من اعداد عام الى خاص اتوقع علئ هذا الاسبوع يغيرونه لج اذا انتي خلصتي55ساعه واخذتي المدخل

وبالنسبه كيف تعرفي موادج وانج تخبصي في الجدول الي تنزله الجامعه ... عندج الخطه الدراسيه للتربيه الخاصه موجود كل سمستر شنو مواده

وهنا مايقصروا الاعضاء يسوون جداول لكل مستوى لحاله مثل الرابط الي حطيته في الموضوع

وجدول مستوى سابع صج مضغوط وفيه ثلاث ايام ورى بعض يوم منهم فيه مادتين ... بس للي يتابع اول باول احس انه ماتفرق عنده

وحتى خامس فيه ثلاثه ايام ورى بعض مو بس سابع

وسادس عندنا السمعيه تخر يوم مادتين التحصص مع بعض

يعني الي يبيلج تشدي حيلج من الاول وتداكري تمام عشان وقت الاختبار تكوني ملمه بالماده وتصير بس مراجعه لج

سوري ع الاخطااء الاملائيه اذا فيه لاني اكتب بجوالي

واسفه تاخرت في الرد لان النت مو متوفر عندي لاني مسافره

بالتوفيق

الوحيدهـ*

2012- 8- 27 09:30 AM

الله يوفقك ويعطيك العافيه
كلامك سليم
وفعلا لما الواحد يرتب خطه يحس براحه
بس هالترم انا جدا جدا مؤدبه ماشيه على الخطه وزايده الفقه معاي مدري ليش
بس للامانه مالي خلق ارتب جدول بخليه على الاترام الجايه
هالترم معفووووسه اجتماعيا وليت هالترم يخلص :sm5:

وجود الخالدي

2012- 8- 28 12:59 AM

شكرا على الرد والاهتمام
بس لو تكرمتي نقطة ال55 ساعه مافهمتهاروين اشوفها :-)

والضغط اللهم بالتعب والارهاق مثل ماصار معنا بمستوى رابع هلكنا بالاسبوع الاول وطفت بطارياتنا كلهم ورى بعض

يارب ترجعين لنا سالمه حبوبه:106:

Ambition

2012- 8- 28 05:14 AM

55 ساعه تلقيها بالخدمات

المقصود بها ساعات المواد الي درستيها من مستوى اول الى مستوى رابع

*وردة العشاق*

2012- 8- 31 04:15 PM

مــــبــــدعـــــــة :106:

ما قصرتي .. كفيتي و فيتي .. الله يعطييك العاااافيه :004::004::004:

قوس قزح 2010

2012- 9- 2 07:36 AM

رااااائع...وفقك المولى لكل خير
ما سكرت موضوعك الا و اني مرتبة جدولي للسادس و السابع و الحمد لله كل شئ :(204):

Ambition

2012- 9- 2 10:54 AM

ربي يوفقكم جميعا وشدوا حيلكم من اول الترم ... عشان ماتجي الاختبارات الا انتوا فاهمين وملمين بالماده

بالتوفيق

All times are GMT +3. الوقت الآن حسب توقيت السعودية: 02:50 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه