طريقة مندي التيس بفرن المندي

[سلطان //]

السلام عليكم ورحمة الله وبركاته
هذي طريقة مندي التيس بفرن المندي بالصور
نبدا
بسم الله الرحمن الرحيم
1- هذا فرن المندي




2 -وهذا المزيون التيس البلدي الي يحبه قلبك قبل الذبح ودي افكه بالموقع خل الاعضاء يطردونه هع





3 - هذا التيس بعد الذبح
الحين يبدا الشغل نجيب اللحم ونطعنه عشان يستوي زين ونلف الكرشة بس نخليها طوال
وعريضات مثل الي في الصورة عشان ما تيبس واذا خلص المندي نقطعها صغار




4 -الحين نجهز التتبيلة وهي عبارة عن :-
2معجون طماطم ، بهارات ، فلفل ، كركم ، ملح





5 - نحط معجون الطماطم ونحط بهارات ونكثر منها وشوي فلفل وكركم اما الملح لازم نزود منه
بشكل كبير لانه يضيع اذا حطيناه في الفرن ونخلطهن مع شوي مويه وليمون
وتطلع الخلطه كذا





6 - الحين نحط التتبيله على اللحم والكرشه




7 - والحين بندخل اللحم والكرشة في الفرن ونجيب قدر صغير ونحط فيه مويه وملح ونحطه تحت اللحم
عشان الدهن وعصارة اللحم تتجمع فيه وما تضيع






8 - نسكرالفرن ونشغل نار متوسطة ونخليه 50 دقيقة منها 25 دقيقة النار شغالة والفتحة المحددة في الصورة مفتوحة
وال 25 دقيقة الثانية نطفي النار ونسكر الفتحة الي فوق ونحط عليها بلاطه او اي شي عشان تكتمها




9 - الحين نستغل ال 50 دقيقة في تجهيز الرز نحمس البصل والفلفل البارد ونحط معها
بهارات وملح واذا نبغا الرز احمر نحط معجون طماطم





10 - نحط على البصل مويه ونخليها تفوح ونحط عليها الرز ونخلي المويه ناقصة
عشان نجيب القدر الي حطيناه مع اللحم ونزود المويه منه وهذا القدر الي مع اللحم بعد
ال 50 دقيقة فتحنا الفرن وجبناه



نزود المويه منه ونخلي الرز على النار الى ان يفوح


11 - اذا فاحت الموية ندخل قدر الرز في الفرن تحت اللحم مثل طريقة القدرالصغير
ونسوي نفس الطريقة في الخطوة (8)
نخليه 50 دقيقة منها 25 دقيقة على نار متوسطة القوة والفتحة الي فوق مفتوحة
و 25 دقيقة النار مسكرة والفتحة مسكرة



12 - قبل ما يجهز المندي ب 10 دقايق نكون مجهزين الكبدة ومقطعينها شرائح
نحطها على زيت حار ومعها فلفل وملح وبهارات





13 -الحين بعد ال 50 دقيقة نفتح الفرن وبيكون المندي جااااهز





13 - نطلعه ونقطع الكرشه قطع صغيرة اجمل في الشكل ونحطها هي والكبده حوالي اللحم
وهذا الشكل النهائي







ما شاء الله تبارك الله










وفي النهاية
اتمنا ينال الموضوع على اعجابكم

[ابواياد]

والله رهيب هذا الفرن لو تاخذه في البيت يوفر عليك
الطبخ في المطاعم

يعطيك العافية اخي سلطان

[أبو محمد]

وعليكم السلام ..

طقني الجوع من الصور

تسلم يمنآك سلطآن ..

[لاكوست]

مندي سريع سريع

يعطيكـ العافيه للصور

[* ابو باسل *]

ماشاء الله شغل جامد وختيييييير والفرن ابداع بس المشكله اسعاره المبالغ فيها .

[ابوعمار]

يسلمووووووو

[زيدان9]

اللي نال اعجابي من جد " التيس "

بس فعلا فرن الغاز يحل أزمة ، لإني لما يتحد بي الجوع كثير ما اضيع حفرة المندي وأحل الازمة بشوية نواشف

تشكرات

[Abu ali55]

ماشاء الله تبارك الله


الله يعطيك العافيه

[rayanon]

[frame="11 98"]
الله يعطيك العــــــــــــــــــــــــــــــــــــــــــــافي ه
صراحه شوقتنا للأكل بطرقة عرضك الرائعة شكرا جزيلا لك
[/frame]

[Monster Night]

هههههههههههههه تيس السوووود

ابوي كان يسويلنا مظبي ( بلميفا) او (التنور)

كان طعمه رهيييب بس يطووول مرررره


بلعافيه عليكم

الصور حلوووه والتيس حلوووو

اساله وهو في بطنك


قله وش شعورك وانا اكلك


هنيأً مرياً