ملتقى طلاب وطالبات جامعة الملك فيصل,جامعة الدمام - اليوم خلصت اختبار الهيئة ولله الحمد

صفحة 2 من 4

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- الاخصائين الاجتماعيين (https://vb.ckfu.org/f443)

- - اليوم خلصت اختبار الهيئة ولله الحمد (https://vb.ckfu.org/t805968.html)

mnm3	2017- 7- 11 06:18 AM

رد: اليوم خلصت اختبار الهيئة ولله الحمد

الف مبروووووك

مــجــازفــــ

2017- 7- 11 06:35 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة ابوسار@ (المشاركة 1061398569)

طيب وش المراجع اللي ذاكرت منها واجتزت الاختبار !

انا بلشان ذاكرت حقت الزهراني ودخلت المحاولة الاولى وطلعت الاسئلة غير ورسبت

والان بختبر المحاولة الثانيه لكن مدري وش المراجع اللي تنصحنا فيها من خلال تجربتك

انا مثلك ذاكرت من مذكرة الزهراني الثانية ولكن ما نفعتني ابد بالاختبار ... واجتزت الاختبار بتوفيق الله اولا ثم بسبب معلوماتي السابقة و تخمين الاجابة في بعض الاسئلة يقولون فيه اصدار ثالث لمذكرة الزهراني ولكن انا ما اطلعت عليها

مــجــازفــــ

2017- 7- 11 06:39 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة حمودي الوهيبي (المشاركة 1061398424)

انا توني متخرج وبقدم كيف الطريقه وهل فيه تعقيدات بالتقديم

اول شي تاخذ دورة الانعاش القلب الرئوي وهذ الدورة تقريبا ب 400 ريال معهد الفارابي بالرياض يقدم هذي الدورة بعدها تروح لهيئة التخصصات الصحية الي بحي السفارات اذا كنت من الرياض ومعك وثيقة التخرج ويعطونك ورقة للتدريب في اي مستشفى انت تبيه وتتدرب 3 شهور وبعدها ترجع لهيئة التخصصات وتدفع مبلغ اعتقد 1350 تقريبا ويعطونك موعد للاختبار وخلاص

مــجــازفــــ

2017- 7- 11 06:41 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة ابوحمدالنومسي (المشاركة 1061398687)

وعليكم السلام ورحمة الله وبركاته
الله يعطيك العافية
ماصورت لنا الاسئلة :mh12:

ما يمديك تصور اي شي قبل ما تدخل قاعة الاختبار تنزل كل اغراضك في صندوق امانات ولا يبقى معك الا بطاقة الاحوال فقط ( انا اختبرت في مركز قياس في جامعة الملك سعود بالرياض )

مــجــازفــــ

2017- 7- 11 06:46 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة الاخصائية بشرى (المشاركة 1061398701)

الف مبروووووووووووووووك

ياليت لو تتذكر بعض الاسئله مره محتاجتها الله يسعدك

الاسئلة ما اذكر منها شي بالضبط لاني والله انصدمت بالاسئلة اول مره تمر علي ولكن اذكر نوعيتها جاني تقريبا 8 اسئلة عن المصطلحات الانجليزية وماهو معناها بالعربي وتقريبا 5 اسئلة حالات تمر على الاخصائي الاجتماعي مثلا ( بنت بعمر 16 سنة اغتصبها خالها وامها وابوها لا يرغبون بالتبليغ عن هذه الجريمة لانها حدثت قبل سنتين ... الخ ) وفيه اسئلة عن النظريات الاجتماعية المدخل المعرفي وغيرها يعني تشكيلة حلوة :)

مــجــازفــــ

2017- 7- 11 06:47 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة شبيــه آلــريح ، (المشاركة 1061398993)

ألف مبروك اخ مجازف ..

الله يبارك فيك يارب

مــجــازفــــ

2017- 7- 11 06:47 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة mnm3 (المشاركة 1061399069)

الف مبروووووك

الله يبارك فيك يارب

روووما

2017- 7- 11 09:13 PM

رد: اليوم خلصت اختبار الهيئة ولله الحمد

أخ مجازف أول يعني تدريب وبعدرين أختبار الهيئة؟

والتدريب وين اروح ؟ وايش اقول لهم ؟ لان موعارفه شيء الله يعطيك العافيه ياليت توضح لنا الخطوات بالتفصيل الله يسعدك

مــجــازفــــ

2017- 7- 12 09:48 AM

رد: اليوم خلصت اختبار الهيئة ولله الحمد

اقتباس:

المشاركة الأصلية كتبت بواسطة روووما (المشاركة 1061399702)

اختي الكريمة / اول خطوة بعد استلام وثيقة التخرج تحصلين على دورة الانعاش القلب الرئوي ( bls) وهذي الدورة اخذتها من معهد الفارابي بالرياض من بعدها تتوجهين لهيئة التخصصات الطبية موقعهم في حي السفارات بالرياض ( اذا كنتي من الرياض ) ووراح يعطونك خطاب الى من يهمه الامر توجيه الى مستشفى وانتي تبحثين عن المستشفى للتدريب وبعد 3 اشهر ترجعين لهيئة التخصصات عشان تحددين موعد الاختبار ..... طبعا الاختبار وهيئة التخصصات فيها رسوم الهيئة ياخذون تقريبا 1400 ريال والاختبار قبل كان ب540 والان سمعت انه صار ب900

بالتوفيق

مي الرياض

2017- 7- 13 04:56 AM

رد: اليوم خلصت اختبار الهيئة ولله الحمد

ماشاءالله ، الف مبروك وعقبالنا يارب ..
عندي كذا سؤال لاهنت حابه اعرف اجابته ،
كيف كانت فترة تدريبك بالمستشفى و ايش كان نشاطك بالضبط ؟
كم يوم كنت تداوم بالمستشفى ومن الساعه كم لـ الساعه كم ؟
بخصوص المستشفى اللي طبقت فيه وش كان !
لو بعيد الشر ماعديت الاختبار كم يعطوني فرصه بعدها ؟
وبخصوص رسوم التدريب هي نفسها رسوم الهيئه ؟ ( انا سمعت ان ٣ شهور بـ ٣٠٠٠ ) ياليت تشرح لي هالنقطه ..
مشكور مقدماً ..

All times are GMT +3. الوقت الآن حسب توقيت السعودية: 05:11 AM.

صفحة 2 من 4

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه