ملتقى طلاب وطالبات جامعة الملك فيصل,جامعة الدمام - معلومات مهمهِـ عن دكاترهـ و المواد ..

رد: معلومآت مهمهِـ ..

اقتباس:

المشاركة الأصلية كتبت بواسطة Bashayr (المشاركة 7151956)

السلام عليكم .. يعطيك العافيه هلآ_33 :(204):

اولاً دراسه مع دكاتره جداً مريحه للي منضبط ومتابع اول بأول محاضرات و الواجبات و مناقشات
يعني مافي خووف منهم كلهم احرص منكم ان تاخذو فل مارك بكل ماده ..

ممكن أغلب مشاكل إلا راح تصادفكم تكون " موقع جامعه - تحميل محاضرات - اغلاق موقع لصيانه > هذا اليوم احس انه اجازه :biggrin:

اللغه الانجليزية : راح تتدرسوو كتابين واحد لونه ازرق و ثاني اخضر " اسمه Touchstone 2 and 3 "
استاذ هالمادة " أ . اسماعيل اسماعيل " جداً حبوووووووب و حتعرفو هالشيء اخر السمستر وقت قرب الاختبار :71:
عيبه الوحيد أنه سرررريع في الشرح و كلامه ، لكن فيه خاصيه عندكم أبطاء سرعة و امور طيبه بأذن الله معه :(204):
و المنهج بالنسبه لي حليوو بذات الكتاب الازرق اغلب قاعداته اخذتوها بالثانوي الكتاب الاخضر هو إلا فيه ( :sm5: )

الصحة و اللياقة : هالمادة دكتورها " د . أحمد محمد " ع قد ما ان مادته سهل و معلومات من حياتك العامه
إلا انه شديد في المناقشات و الواجبات يعطي مهمله للارسال الحل ان انتهت خلاص ماعاد يقبل اي حل متأخر ف انتبهو له
طبعاً مافي له كتاب هو تعتمدون مذاكرتكم من سلايدات المحاضره و عندي لكم ملخص كامل لمنهج من اجتهاد طالبه ربي يجزيها الجنه ..

مبادئ الاحصاء : لـ " د . فارس الحداد " هالدكتور احب دكتور بالنسبه لي و شرحه جداً حلو ومبسط
لكن المادة رجاء رجاء لاحد يستهين بها من شرح الدكتور البسيط المادة يبيلها اجتهااااااد و مذاكره ...
ولا تعتمدو اسلوب الدكتور في مناقشات و الواجبات هو إلا بيجي بالاختبار > سوا فينا مقلب يوم الاختبار :sm1:
يعني هالمادة ادرسوها بضمير و الكتاب حقها " مقدمة في الاحصاء مبادئ و تحليل بإستخدام spss "

مبادئ الرياضيات : لـ " د . رائد الخصاونه " هالدكتور كثييييييييير طلاب كانت معهم عقده مع رياضيات وحبو رياضيات
من شأن هالدكتور اسلوبه في شرح هااااادي جداً و بيعجبكم ان شاء الله و المنهج جداً حلوو وبسيط
و الكتاب " مبادئ الرياضيات العامه لطلاب و طالبات كلية الاقتصاد "

مهارات التعلم : لـ " د . منصور السيد " هالمادة حلوه راح تفيدكم في تطوير ذاتكم في التعليم وبحياتكم بشكل عام
الدكتور راح تلاحظو اغلب محاضرات يكرر معلومات ويعيدها ويزيدها وهو زي دكتور احمد حريص ع واجبات و المناقشات تنرسل ف اهتموو فيها ..
و الكتاب " مهارات التعلم و الاستذكار "

مهارات الاتصال : لـ " أ . بلال محمود الوادي " هالماده كلها حفظ بحفظ وحلوه راح تفيدكم في تنمية مهارات الاتصال مستقبلاً مع شركات و عملاء .. إلخ
دكتور حبووب و اخر السمستر قرب وقت الاختبار يكون طييييب كثيييير :58545:
و الكل طلع من اختبار مادته مبسسسسوط :53: و الكتاب نصيحه لاتشترونه لاني شريته ومافتحته لان الاستاذ نزل ملخص كامل للمادة ..

مهارات الحاسب الآلي : لـ " أ . حمزة الصمادي " مايحتاج اتكلم عن الحاسب معروف جزء نظري و جزء عملي
طبعا الجزء العملي راح يعطيكم له ملخص تذاكرونه و استاذ هالماده جداً طيب يعني لو تطلب يعيد الشرح يعيد لك
> هذا وقت محاضرة المباشره يكون تواصلكم لايف معه ..
و الكتاب " مهارات الحاسوب و البرمجيات الجاهزة "

~~~~~~~~~~~~~~~~~~~~~~~~

الدرجات

لتحميل و مشاهده > 10 درجات
المناقشات > 10 درجات
الواجبات > 10 درجات
مجموع = 30

و عندكم 70 بالاختبار النهائي :58545:

~~~~~~~~~~~~~~~~~

* نصيحه : الكتب إلا ذكرته لاتستعجلوو وتشترونه لين تعرفوو نظام دكتور معاكم
و ثانياً في ملخصات جاهزة من اجتهاد طالبات ربي يجزيهم الجنه ..
و ثالثاً بعض دكاتره نزلوو ملخصات اخر السمستر منهم " استاذ الحاسب و مهارات الاتصال " ..

و كلمة أخيره الصبر الصبر الصبر مع الموقع مع دكاتره مع مذاكره :biggrin:
و آتمنى لكم التوفيق من كل قلبي و باذن الله كلكم تاخذو المعدل إلا يرضيكم :004:

-

مررررره آهنيكِ ي بشآير :rose:
يعطيك ربي الف عافيه كثييير آستفدنآِ :icon9::rose:
مرره شكرآ جميلتي..