[ المناقشات ] : مناقشه عن اول تجربه لنا للتعليم عن بعد

[ازهار الليل]

أما بالنسبه لي فلا توجد كلمات توفي بشكركم جميعا
بلا استثناء الاعضاء الي جابو الاسئله و الاعضاء الي ساعدو بالحل
فجزاكم الله خيرا على مجهودكم و ربي يوفق الجميع...

[othman8222]

الله يعطيكم العافية وماقصرتوا واخص بالذكر د.نصرون والى كل من ساهم في مساعدتنا
شكراً لكم جميـــعا

وكذالك اشكر اخي سلفر على الموضوع الرائع
قال صلى الله عليه وسلم (من لا يشكر الناس لا يشكر الله)

[Aseel-2]

بجد احس التعليم عن بعد شي ممتع وجمييل
وسهل مرررة ع قد مااستصعبته ..
المحاضرات المسجلة لها دور كبيير ووقت ماتبي
تعيده تعيد لو استعصى علينا فهم مسألة معينة ..

المهم كل الشششكر والمحبة لنصرون وصعب انساك
والاخت اماااني من جد تعبوا معنا وكل من شارك
وتعاون معنا في تسهيل وتعليم والرد على استفسارات
الطلاب .. وتنظيم وترتيب المنتدى ..

يجزاكم الجنة و السعادة وراحة بال .. يااارب ..

[ميم']

السلام عليكم

نكشف الفضايح يعني

انا بصراحه كنت مسجله و الحماس عندي توب التوب
الاسبوع الاول اللي بعد الدوره التدريبيه كل شوي ادخل عالبلاك بورد و ازعل اذا مالقيت محاضرات

هذا غير اني كل يوم مسنتره بالجامعه اشوف شسالفه

واكثر شي كان مرهبني و معقدني المحاضرات المباشره ااهه ومادراك ما المحاضره المباشره
توتر وقلق وكيف ادخل ع المحاضره وحوسه ووووو مدري كيف دخلت هالملتقى وحبيته وربي
ساعدني كثيير كثيييير
استسهلت الامور اللي كنت مستصعبتها واحسها مستحيله تابعت المواضيع اول باول
وكنت استفسر داااايم خاصه بالبدايات

اكثر اثنين ولا يهونون البقيه ( د.نصرون و احساس الشرقيه ) مدرري ليه هالاثنين لما اشوفهم كني شايفه امي و ابوي
ههههههههه الوصف بليغ ..

طبعاً التعليم عن بعد حسيته حلو ومش حلو الحلو فيه ان المحاضره تعيدها مره ومرتين وثلاث لين تفهم خاصة مع دكتورنا العزيز ثابت القحطاني
احس لو انا انتظام بدخل المحاضره واطلع ويتبخر كل شيء لو ما ارجع استذكر اللي اخذته

امم مابي اطول بالحكي بس شكرا اخوي ع موضوعك اللي خلانا نفضفض

والشششكر كل الشكر لكل قروب د.نصرون وملاك و صعب انساك و احساس و نجيب و نونامحمد وكثيرر صراحه مابي انسى احد بس فعلا انتو لكم الفضل الكبير بعد الله بكل فل مارك حصلنا عليها بالاختبارات الفصليه الف ششكر

[bronzih502]

موضوع جميع اخوي سيلفر

وانا تجربتي للمستوى الاول مثل ماقالو اخواني وخواتي ان استصعبنا هالشي وكنا خايفين منه لان ماكنا ندري وش فيه ومافيه غير كذا مشكوور الجميع ع جهدهم وتعاونهم مع بعض والجمدلله عدينا الاختبارات الفصليه ع خير

بس لللحين ماحس اني مستانسه لان حابه احول انتظام وخايفه بالنهائي ماجيب معدل كويس

[بدون اسم20]

المشاركة الأصلية كتبت بواسطة bronzih502

موضوع جميع اخوي سيلفر

وانا تجربتي للمستوى الاول مثل ماقالو اخواني وخواتي ان استصعبنا هالشي وكنا خايفين منه لان ماكنا ندري وش فيه ومافيه غير كذا مشكوور الجميع ع جهدهم وتعاونهم مع بعض والجمدلله عدينا الاختبارات الفصليه ع خير

بس لللحين ماحس اني مستانسه لان حابه احول انتظام وخايفه بالنهائي ماجيب معدل كويس

اختي ..
الخوف ملزوم بكل طالب وطالبه عشان يجيب الفل مارك والعلامات الكويسه ..
اذا تبين انتظام وان شاء الله كل الي يبي يحول انتظام يتحول يارب ياكريم
المهم اذا تبين ذاكري اول باول ولا تراكمين عليك المحاضرات و المذاكره لانه بالفاينل بتنزنقين ع كيذا ..
انا اقول لو نبدأ نذاكر من الحين عشان جد نستوعب ونفهم ع مهلنا موب في الفاينل كل واحد يحوس وفي الاخير من الخوف يجيب العيد

فــأأ هذه نصيحتي للكل