السلام عليكم^^
بدش بلموضوع على طول مع إنه مب من عوايدي طبعي احب انسق الموضوع واحط لمسات فنية
بس خلاص شبعت كتابة مواضيع في المنتديات ومشاركات لاعت كبدي:41:
بس اكتب للأهمية فقط إذا دعت الحاجة,,
بخصوص محاضرات التيجريتي,,اكتشفت شي سبب لي صدمة :18:
وهي عن شريحة كبيرة جداً من طلاب وطالبات ساحبين عليها أقوى شي:4::4:
بمجرد عرفوا ماعليها درجات محاضرات التيجريتي حطوها بأقرب سيفون عندهم ونتوا بلكرامة
وأعتمدوا فقط على المحاضرات المكتوبة؟!!!
وهذا طبعاً اكبر غلط:4:
المحاضرات الي انتوا ساحبين عليها هي إلي انتوا دافعين عليها فلوس على عدد الساعات فيها
وبنهاية ماتطالعونها,,,غير كذا اتحدى تقدرون تستوعبون المحاضرة من دون ماتشوفونها
أنا اقول هالشي لمصلحتكم..وللأسف الشديد إني اكتشفت هالشي بنهاية السميستر
يعني ماينفع لو تبون تشاهدون المحاضرات الفايته عليكم:39:
عشان كذا على الأقل احرصوا على مشاهدة المحاضرات الي تخص المراجعه (على الأقل)
فيه محاضرتين لعلم الاجتماع ونزلت وحده منها تخص مراجعه المنهج
وفيه بعد مراجعه لتحرير العربي بتنزل قريب شوفوها بعد لمصلحكتم
في محاضرات التيجريتي واثناء الشرح بيساعدكم هالشي لإستعاب المادة العلمية بشكل اكبر وبتنرسخ في أذهانكم وبتسهل عليكم المذاكرة فلا تستهينون فيها أنا اقولكم من واقع تجربة
عسى الله يسهل عليكم إختباراتكم وينجحكم:29:
بالتوفيق جميعاً:16: