مستوى أول
المقررات (المواد) مسجلتها لكم الجامعه يعني ماراح تمرون بالزوبعه الللي حنا فيها إلا اذا رحتوا المستوى الثاني
كل اللي عليكم أول مايوصلكم الرقم السري برساله ع الجوال
تروحون للرابط هاذا
http://www.kfu.edu.sa/ar/deans/elear...ages/main.aspx
وتتصفحونه
الأيقونات المهمه عندكم حاليا هي 4
1- الإعلانات
2-التقويم الزمني
3-الخدمات الطلابيه
4-الدخول على نظام البلاك بورد(شعارها صبوره سودا مكتوب فيها bb)
الإعلانات:
معروفه من اسمها مايحتاج شرح
التقويم الزمني:
فيه جدول الحدث بتاريخ بدايته وتاريخ نهايته هاذا ضروري يكون عندكم يعني يفضل تطبعونه
الخدمات الطلابيه:
هاذي اعجز من كثر مااكرر انها مهمه...ليه؟
-فيها تقدرون تقدمون ع معادلة للمقررات
-فيها تطلع النتايج
-فيها تسديد للمستوى الجاي
-فيها التحويل من تخصص الى تخصص او الى إنتظام
-فيها تقدرون تعرفون اذا عندكم إنذار او لا
-حسابكم المالي كم باقي مادفعتوه وكم دفعتوا
يعني مهمه
4-الدخول على نظام البلاك بورد:
هنا
-تنزل فيها المحاضرات..بعطيكم الأشياء المهمه اللي المفروض تسوونها وغيركم بعد يسويها
1-تحميل المحاضرات(حفظها ع الجهاز) في نوعين 1-مسجله(فيها شرح الماده) 2- مباشره(فيها تعليقات الدكتور وهاذي محاضرتين او ثلاث بالمستوى الواحد)
2-تحميل محتوى المقرر(حتى اذا ماتستميد منه حمل من هنا واحذف من هنا)
3-حل الواجب(لكل مقرر واجبين بس وكل واجب عليه 5 درجات)
4-منتدى الحوار(هاذا مهم لان المشاركه فيه عليها 10 درجات لكل مقرر-ع الأقل لو تشاركون بالسلام..عليكم السلام)
وهاذي روابط ان شاء الله تفيدكم
http://www.ckfu.org/vb/t145764.html
http://www.ckfu.org/vb/t138987.html
http://www.ckfu.org/vb/t144805.html
http://kfuforums.kfu.edu.sa/showthread.php?t=65239
هاذا ملف فيه الجافات المطلوبه للدخول والتعامل مع موقع البلاك والخدمات الطلابيه
http://www.4shared.com/file/s9mz3pdx/__online.html
كـ نصيحه فقط
يفضل ان يكون عندكم اكثر من متصفح
(الإكسبلورر-الفايرفوكس-avant browser- قوقل كروم)
هاذي اهم المتصفحات اللي انصحكم فيها
هاذي جافا مخصصه للفايرفوكس
http://www.4shared.com/file/esce9cvi/__online.html
دعواتكم وان شاء الله ماراح نقصر عنكم بشيء
ومن يبغى اي شيء او اي استفسار
يقدر يحط موضوع يسأل فيه او يرسل ع الخاص للشخص اللي هو ضامن انه يقدر يساعده ولا يبخل عليه
تمنياتي لكم بالتوفيق
