ملتقى طلاب وطالبات جامعة الملك فيصل,جامعة الدمام - ▓ اطرح سؤالك واستفسارك .. وبعون الله ستجد الإجابه ▓

اقتباس:

المشاركة الأصلية كتبت بواسطة المنآوي (المشاركة 4638822)

أولاً ... بالنسبه للمحاضرات المباشره أو المسجله

( المفروض علي يا اصدقائي اني احمل المحاضره والا اسوي لها مشاهده بس
وبعدين كيف اعرف اني حضرت المحاضره يعني وش اللي يأكد لي عشان اتطمن
اني اخذت درجة الحضور :mh318: )

اذا تبي تحملها واذا تبي سوي لها مشاهده بس
والدرجه تحسب لك بعد الدقيقه الخامسه
يعني شغله 5 دقايق بعدين قفله
بس الافضل تحملها عشان تعرف تذاكر

ثانياً ... بالنسبه للواجبات

( ابي اعرف هل فيه حاجه تسوي لي تنبيه ان علي واجب والا لازم ادخل كل فتره
عشان اشيك على بروفايلي وكمان حل الواجبات صح احصله هنا :biggrin: )

من البلاك بورد او هنا بالملتقى الطلاب مايقصرون اذا نزل واجب
اعلنوا عنه
والحل ايوا تحصله هنا

ثالثاً ... بالنسبة لمنتدى الحوار

( هذا الشيء ما اعرف فيه اي شيء :bawling: لحد يهاوش والله دوامي قروشه وتعب
ومزعج هالدوام يعني ياليت فيه خدمة جوال والا شي تذكرني << يتشرط :biggrin:
عشان كذا تكفون ابي تشرحون لي ونساعد بعض بصراحه تساعدوني انتم لاني
ما اتوقع على فهاوتي بساعد احد بس نردها لكم بالافراح والله )

النقاش سهل تلاقي الطلاب كاتبين الاجابات بالملتقى
شوف الاجابه الصح واكتبها باسلوبك
وارسلها وهنا طريقة ارسال المناقشه

http://www.ckfu.org/vb/t213371.html

رابعاً ... وشي خطة المقرر ؟

تلاقي ببداية كل ماده خطة المقرر يعني المواضيع اللي
بتدرسها هالسمستر

خامساً أهم نقطه فديت قلوبكم < ادري زودتها

آخر نقطه ابي اعرف كل الاشياء المهمه اللي لازم اسويها واخذ منها درجات
وتفيدني بالدرجات يعني مثل الواجبات وووو الخ << ما يعرف الا الواجبات :icon9:

الدرجات على الواجبات
والمناقشه
وتحميل المحاضرات او مشاهدتها

راجع هالرابط

http://www.ckfu.org/vb/t227731.html

اووف تعبت :biggrin:
ياويلك عاد ماتنجح عقب هالشرح والتعب :017:

قولي آميييييييييييييييين

ياجعلك بالجنه وربي يوفقك ويحفظك ويسهل امورك

مره اشكرك قسم بالله توني بديت افتح واحس اني طالب ..

يا جعلك ذخر << ناوي يسألك كل ما تورط :mh12:

يمكن ما اتورط << يارب عشان ما اشغلك

والله ما ادري شقولك بس شكراااااااااااااااااً من القلب شكراَ

وتستاهلين من يصفق لك :d5:

:106: شكراً :106: