ملتقى طلاب وطالبات جامعة الملك فيصل,جامعة الدمام - معليش ياجامعتي بس ماجيتك انتساب الا وانا حدي مشغوله كافي عذاب

صباح الخير للبنات والشباب

بصراحه بقلبي كلام يقرقع من أول هالاسبوع فما فيه احد راح يقدر الا اللي يحس بالمشكله الا وهي البلاك بورد تعبت / تشتت / تبهذلت / + الان فيني الصيحه :Cry111:

الحين بمواضيع المنتدى تشتت ماعدت ادري وش احمل وش اخلي من كثر الموضوعات المتشابهه وكثرت العناوين عاجل ومهم تجينا الجلطه لسى مادخلنا عالموضوع يعني مو كافي هم البلاك اللي مسود عيشتي اجي هنا احصل هام وضروري انا مااهاجم احد بس هونكم علينا خصوصا احنا يامستوى اول مفهيين ومو دارين وش نسوي ...
غير كذا لمن يقولون هنا الناس ترد على اي استفسار انا صار لي من الصبح عندي مشاكل بقضايا النقاش ولااحد يرد غير الاخ وطني الجبيل عسى الله يوفقه ويستر عليه ...

اليوم بدأت مشكلتي بقضايا النقاش اللي تخص الدكتور نذير تبع مبادئ الاداره مو راضي تنرسل اجابه من اجاباتي يقول لي خطأ ولم يتم انشاء رسائل متسلسله ومن هالكلام وجمممممممممممممممممممممممميع البنات مرسلين وزي السكر ماشاء الله مناقشاتهم ماليه الصفحات معقوله انا الوحيده اللي خصتني المشكله + مناقشه النحو ارسلتها وقال تم بنجاح اوكي فرحت انه شي هون علي رجعت الان اتأكد ماحصلت اسمي مع الصبايا تخيلوا قريتها اسم اسم قلت يمكن انا عمياء والا حولا مااشوف وتاكدت انه مافيه وجود لأسمي من اساسه وبرضه شايفه جميع المشاركات موجود لباقي البنات طيب اذا الدكتور والجامعه والدنيا مالهم دخل بالبلاك لعاد من اللي يخصه هالشي... زود ماعليه من شغل تحميل وواجبات ومحاضرات مباشره ونقاشات .... يبونا ننجح بمعدلات عاليه

بتقولون هاذي معصبه متهوره بكلامها بس والله شي يقهر يعني ببساطه اصحى من عشر الصباح ومااسكر الكمبيوتر الا تسع بالليل مشكله غير اني مهمله بيتي وبنتي عشان اجيب لنفسي السكر ومعصبه عالعالم هذا وانا بأول مستوى وشلون اذا مشينا شوي بنتطاق انا والجهاز من هالتعليم .....

ببساطه وزبده الموضوع ابي مشرفين او مشرفات يردون على مشكلتي وشلون اضمن الــــ30 اذا هذا وضع البلاك ولسى احنا ماشرفنا عالفاينل ؟؟؟؟

اعتذر اذا بكلامي اساءه بس اكيد كثير مثلي وممشين الموضوع وتاركيه لاخر الترم وساعتها حوسه اتمنى من الجميع قبول كل كلمه باريحيه واكيد كلن منا له عمله وحياته الخاصه اللي تشغله عن تواجده عالجهاز اوقات كثير ......

لكم مودتي :106::106::106::106: