ملتقى طلاب وطالبات جامعة الملك فيصل,جامعة الدمام - ملخص شرح للانجليزي .. حسب منهج د / معاني >> & موضوع متجدد & <<

رد: ملخص شرح للانجليزي .. حسب منهج د / معاني >> & موضوع متجدد & <<

بنت الخبر@ / rasho /
الله يجزاكم خير ويكتب أجركم ... إذا فاهمين عدل وتحلون التمارين صح اعتمدوا على الله وعليها وإذا لا ، لازم ترجعون للمحتوى ... وإذا فيه أي أخطاء أو غموض ياليت تعلموني أعدلها في النسخة النهائية

AbOoOdALH / أبد ماسوينا شيء وحق وواجب وتستاهلون ... والله يوفقكم وييسر أمركم

بالنسبة للخرائط الذهنية اطبعها وعلقها قدامك على الجدار وتأمل فيها ... راح تساعدك كثير على حفظ أقسام الكلام والعلاقة بينهم وتفرق بينهم ... إذا تخصصك انجليزي جداً مهمة لك
الهدف من الخرائط الذهنية تصوير الحشو برسم توضيح يسهل عليك تذكره بالاختبار

العمل على المحاضرة الحادية عشر مازال جارياً وأعتذر لكم بتأخري عليكم ... اليوم وامس انشغلت ماقدرت أجلس كثير على الجهاز ، بديت فيها اليوم الصباح وان شاء الله أخلصها لكم قبل ما أنام

هانت ماعاد باقي إلا هالمحاضرات الثلاث وتفتكون مني ..

تحياتي للجميع

رد: ملخص شرح للانجليزي .. حسب منهج د / معاني >> & موضوع متجدد & <<

الله يعطيك العافيه ويوفقك ويجعله في ميزان حسناااتك والله بصراحه استفدت كثير من شرحك :106::106:
تعبناك معانا ماقصرت :106:

رد: ملخص شرح للانجليزي .. حسب منهج د / معاني >> & موضوع متجدد & <<

جزاكم الله خييير :106:

رد: ملخص شرح للانجليزي .. حسب منهج د / معاني >> & موضوع متجدد & <<

اليوم وأنا أشتغل على المحاضرة الحادية عشر ... اكتشفت ان المحتوى ( عرض الشرائح ) منتشر كثير بالنت وأن الدكتور للأسف ماتعب فيه نهائياً... يعني أخذه عدل على تصميمه ليوافق تصميم الجامعة ورفعه لكم ..!!!! أنا ما أدري ليه مسوي كذا؟؟ يعني هذا عدم اهتمام ولا عجز ولا وش أسميه؟؟؟ طيب أوكيه ياخذ يستفيد منه بس يعدله بمايوافق طلابه مو نسخ لصق!!!:017::017:

المحاضرة الحادية عشرة مرتبطة بالثانية عشر ولازم تذاكرهم مع بعض وبنفس الوقت مايمنع تطلع بشكل سريع عليها حتى أنهي الثانية عشر... أكثر شيء قاهرني أن المحاضرة الحادية عشر يستحيل استحالة تدرسها لطلاب انتساب فما بالك أشرحها لكم كتابتاً ... الموضوع أشبه بتعليم بنجالي التجويد ,,, يعني لسى ماينطق صح وانت تطالبه يجود في القرآن !! غير منطقي أبداً

أنا حاولت قد ما أقدر أشرحها لكم على قد فهمي وأحياناً ما أقدر احصل عبارة توصف الي بقوله لكم ... بحاول أرجع لها مرة ثانية بعد ما أخلص باقي المحاضرات ممكن أقدر أوضحها أكثر .. واعذروني على القصووووور

رفعت لكم المحاضرة الحادية عشر على نفس موقع التحميل المعتاد .....

هالحين اسمحوا لي والله يا أنا ناوي النوم نية بطلع حرة المحاضرة فييييييه :017::017:

تصبحون على المساء

دمتم بود،،،

رد: ملخص شرح للانجليزي .. حسب منهج د / معاني >> & موضوع متجدد & <<

اقتباس:

يعني هذا عدم اهتمام ولا عجز ولا وش أسميه؟؟؟:

تسميه طآل عمركـ أنه كل هالدروس قديمه وسبق ودرسنها بالثانوي ,,
فا يوفر طاقه وجهد للمستويات القادمه والدروس الجديده :biggrin:

<< مجرد انه إحساسي يقول كذآ

,,
ع العموم آلله يقويك , ويجزيكـ على شرح وتعبك وسهركـ على التلخيص والشرح
كل ماتتمنآهـ ,, ويجزيكـ رآحه في الدنيا والاخرهـ ,,

<< من أمس داخله طالعه من الموضع تنتظر الجديد

رد: ملخص شرح للانجليزي .. حسب منهج د / معاني >> & موضوع متجدد & <<

الله يجعله من موازين حسناتك :(204):

انا طبعت اليوم 11 محاضره ومغصني بطني يوم شفت المحاضرات الكتاب طلع كبير :bawling:

رد: ملخص شرح للانجليزي .. حسب منهج د / معاني >> & موضوع متجدد & <<

ḿảḍ ќiḍṡ / لا والله ما أظن بس أعتقد الجامعة ضاغطة عليهم ... طلاب منتظمين وانتساب وبنفس الوقت بينزلون أي شيء عشان يقولون منهجنا كامل ولا أحد يصير له عليهم مدخل..!!

عيون هاليت / لا والله ماتخوف بالعكس زبطي لك كاس شاهي واقريها على رواق ولو كان عندك قاموس ناطق تسمعين فيه نطق الكلمات بيكون أروع ... المحاضرة هذي يكفيها ساعتين مركزة بتخلصينها وتفهمينها بالراحة .. ولا يهمك كثرة الورق أنا مكبر الخط شوي وفيه فراغات كثير بس عشان التنسيق يكون متماسك أكثر ... لاتشيلين هم المادة سهله

بالمناسبة بعض الأخوة قالوا لي أني مصعب المادة شوي وأني محبط الطلاب بكلامي عن دكتور المادة وأن الطلاب أصلاً محبطين ومايحتاجون أحد يحبطهم زيادة، بالعكس أنا أقف إحتراماً وتقديراً لشخص الدكتور وأشوف إمكانياته جداً عالية ولا أبخصه من حقه شيء ولكن لي ملاحظات كثيرة على طريقة عرضة للمادة فقط ... الي أقصده تحديداً أنه مناسب للمستوى الثالث وأعلى عشان يستطيعون المتابعة معه...
أحياناً أفصل شوي في الشرح والغرض كله لأجل التوضيح وإزالة الغموض وعلشان تدخل الإختبار واثق من نفسك... أنا أعطيكم إياها وأضمن لكم بعد الله الي بيذاكر الملخص وبيحل التمارين بنفسه ويفهمها بينجح بحول الله وقوته ... والمنهج مو صعب بقدر مايحتاج طريقة عرض مناسبة وتتوافق مع إمكانيات الطلاب ... لاتصعبون المنهج ولا تخافون من الدكتور ولا أحد يخترع له بعبع يصحيه من النوم
ولا تخوفكم كثرة الأوراق ... هي كلها كم ورقة بس ذاكرها زين وفتح مخك صح وبحول الله وقوته راح تنجح وتجيب معدل بعد وأذكركم بعدين ..... والوعد يوم النتائج

عموماً
المحاضرة الثانية عشر المفترض تكون خالصة الليلة ولكن للأسف النوم زعلان مني اليوم ولازم أراضيه ... اليوم مانمت زين وفعلاً حسيته ماخذ على خاطره عاد انتم خابرين خميس ولا واشغلوني الله لايشغلنا إلا بطاعته ... بس ماعليكم أنا بس أرضي النوم وان شاءالله أزبط لكم الثانية عشر بكرة ...

أعتذر لكم أنا عارف مصختها وزودتها حبتين بس تحملوني هالمحاضرتين وبس ...

ومازال معنا وقت قدامنا تقريباً أسبوع يمدينا نأدب الأنجليزي تأديب ... كل واحد يجهز له خيزرانه علشان ياخذ حقه منه

أستميحكم عذرا هذه الليلة ....

تحياتي للجميع

رد: ملخص شرح للانجليزي .. حسب منهج د / معاني >> & موضوع متجدد & <<

هلا فيه ارقام صفحات من الكتاب تم تحديدها

رد: ملخص شرح للانجليزي .. حسب منهج د / معاني >> & موضوع متجدد & <<

بالمناسبة بعض الأخوة قالوا لي أني مصعب المادة شوي

<< خير يعني الحين الدكتور مسهلها :017:

بلعكس لمن قريت الشرح حبيت الانغلش :love080:
قبل كنت متخوفه منه وللحين بس الخوف خف الاني كسبت معلومات كثيره ماكنت اعرفها

واحب اسلوبك بالشرح بالعربي كذا فهمت كل نقطه ولا اكذب اني اطول حيل بالمذاكره بس لمن اقرء بعض التعليقات بالشرح اللي داخله عرض اضحك واكمل مذاكره بحماس :biggrin:

دعواتي لك :106:

رد: ملخص شرح للانجليزي .. حسب منهج د / معاني >> & موضوع متجدد & <<

نعجز عن الشكر
جهد اكثر من رائع
لانملك الا الدعاء لكما بالتوفيق والسداد
وأسأل الله سبحانه وتعالى ان يجزيكم عنا خير الجزاء

وفي انتظار تكملة المحاضرات 12 +13+14