|
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
اختي الغاليه .. انتي تحطمين نفسك كثير .. استعيني بـ الله وادعيه بالتيسير والتوفيق :106:
شوفي ملزمة عبادي واضحه جدا ً الشرح بالعربي .. واي سؤال او صعوبه تواجهك ارسلي على الخاص او انشأي موضوع .. بخصوص المحاضره التمهيديه تفلسف شوي ومافي شي كثير مهم ..لا تشلين همها:(204): المحاضرة الاولى .. جزأيها على كذا مره عشان فيها قواعد كثير ويبي لها شوية تركيز اتفقنا :wink: وموفقه |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
الله يجعل ربي يسهل اموركم لكل من رد على موضوعي :119:
اتمني احد يفهمني الدكتور مرررره كلامه متواصل ولا يمكن للمبتدئين فهمه اوكي :000: والله يالاماسه اني حملت ملزمه عبادي كلها وحطيتها في مجلد خاص علشان كل شوي افتح محاضره واحاول اتعلم قد مقدر لاني لو جلست كذا بتعب من ذا الانجلش :(204): وانتي يانجلا والله اذا لوكنت مع مجموعه ويتكلمون انجلش والله بسحب روحي ولاكاني اعرفهم عادي الوضع الامور سهاله:(204): شاكرره مروركم |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
اقتباس:
تصدق عاد ماقعد ع اللاب الاوانا ماسكته ابوتمساح ع قولتك مع اني ماحب الخط الكبير ومعذبه الكل فيه حتى يوم كنت ادرس المعلمات كلهم يشتكون من صغره :tongue: بس يالله عشانك اكبره :mh318: اخليه قلم سبوره مدبدب بعد اهم شي ماتنحول :wink: هاه كذا زين؟ :biggrin: ياويلك ان قلت لا صاير اكبر من خطك |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
ياضايق الصدر بالله وسع الخاطر وسع الخاطر
تعالوا تعالوا وش هالتفائل من جد يبيلكم تكفيخ من اولها اصياح شوفوا عادي احضروا المحاضرات وبتجي الواجبات وتتيسر وراح نحاول نحل كل الاختبارات السابقه وحبه حبه تجي المحبه وربي اني اولكم ما اعرف الا اسمي بس واسم جدي عشانه نفس اسمي ولاكن عندي امل وخلوا شعارنا لا للاحباط ايوالله |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
هناك حاجز نفسي سينكسر مع المتابعة
وكلنا لدينا هذا الحاجز لكن ان شاء الله بالإرادة نتغلب عليه والمتابعة شي مهم جدا يعني نحتاج شوية عمل لا حد يحبط نفسه من البدايات ترى هذا شعور نفسي فقط ومضر به ومضر بالآخرين من غير معنى ان شاء الله مع التقدم في المادة والمتابعة الجيدة سترون كلكم عباقرة وقد المسؤولية شدو حيلكم والله معاكم |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
اقتباس:
نفس حالتك واردى وعاد لاجاهم التعبير ولاالقطع تعالي شوفيهم ذاك اليوم مايسكتون ابد :hahahahahah: بس هينا انا عندي الحاله غير السالفه فيها دراهم اذا حملتي مره موحلى تحملينها مره ثانيه ماظنتي ابوك يشتغل بس عشان يدفع رسوم ماده وحده حبيبتي ذي الخمبقه وحركات الهياط حقين الثانوي:41jg: عيب خلاص احنا كبار ماعاد تفعلنا :(269): يالبيييييييييييييه يازين الثانوي كل شي يجيك وانت قاعد حتى الدرجات يعطونك من عندهم بس انجح مواللحين ابو ام جد الكرف:41jg: |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
اقتباس:
تصدقين مع اني ماودي اقولك عشان ماافضح نفسي بس يالله يمقن تتحمسين وتقوليين في ناس كانت اردى وتغيرت انا وش اللي يمنعني :(107):هذا ياطويله العمر انا يوم كنت بالمتوسطه كنت كسلااااااااااااااااااااااانه حدي كسلااااااااااااااااااانه تصدقين عاد انا والكرسي اللي قاعده عليه واحد واليوم اللي علينا فيه انقلش يوه هم ع قلبي وكانوا جايبيلي مدرسه (خصوصي )بس ماش درج مافهم:(177): <<يافديتني اسب نفسي علني ياويلك ان ماشديتي حيلك يكفي فضحت نفسي :mh318: انا من النوع الغيور اذا شفت احد من اخواني يعرف يحكي انقلش اكثر مني ليه وش ناقصني ماعندي عقل واصلا الانقلش اهو حفظ اكثر من انه فهم والاهم اروح مستشفيات ومجمعات فخمه واشوف عالم اصغر مني وبسني يحكون وانا اللهم ياكافي كني طرمى وكنت اتفشل :000: واقول اكيد ذولي يقولون بنفسهم بهالسن ومتخلفه ماتعرف تحكي <<شوفي التفكير ساعات وين يوديك اذا شفت شايب انقهر اكثر شايب كبر جدي يسولف وانا الشباب واش اللي مشغلني:(269):قمت بعدين اشتريت سيدي وكتب وعلمت نفسي بنفسي واللحين الله يسلمك كل عيال العائله والجيران انا المدرس الرسمي تبعهم :mh318: لاني كنت حاطه بقرارت نفسي الابتعلم عشان ماتفشل كنت دايم ارددها مو مثلك ياحظي تنسحبين كنك ماتعرفينهم <<معليه بس ذي الصراحه واتمنى ماتزعلين والواحد دايم يحب يكون له تواجد وهيبه بين الناس ماظنتي احد يحب يكون صفر ع الشمال والله ضحكتيني يوم قلتي الدكتور كلامه متواصل :hahahahahah:اجل وش تبينه يوقفلك منا بمدرسه حنا اذا مافهمتي نقطه وقفي عليها وعيديها كذا مره تفهمين ان شاء الله ترى شرحه مره رهيب بس انت شايله هم هالماده واستصعبتيها واذا مره قفلت خلاص جيبيلك مدرسه خصوصيه والله يوفقك وجعله يارب ماتحملينها قولي امين |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
انا شفت المواد نزلت وانسدت نفسي بس شفت فيساتهم وسمعت شوي من المحاضره وقلت السلام عليكم:biggrin:
الا حق مبادئ الاداره وش هالكتاب اللي رازه هل لاسمح الله يبينا نذاكره كله ولا وش سالفته وشسمه بعد اييه صدق نزلوا جدول الاختبارات النهائيه واما الانقليزي شكلي ببدع فيه بحفر واغرز بس الله يستر نستعين بالله اولا وثمن ام مصير وعسانا نفهم |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
هلا بكم حبايبي ~
الموضوع لاخوي ابن الشمال الله يجزاه خير كتاب مادة الانجليزي حبيت افيدكم فيه ~ وهالكتاب معتمد عليه دكتورنا [تـحـمـيل] كتاب بيسك إنجلش قرامار Basic English Grammar كامل مع السيديات بروابط عديدة :106: |
رد: محاضره عمااار المعاني تكفووووون ساعدوني والله لادعي لكل واحد رد او رفع الموضوع
والله أنا بعرف شي واحد بس (( يلي ما يحب شي ما يفلح فيه أبددددددددددا )) ..:Cry111:
فياريت تتقبلوها وتهضموها بعدين لكل حادث حديث .. بعدين والله العظيم أن المحاضرات سهههههههلة وعلى فكرة على حد علمي المستوى الأول كله زي دراسة الثانوي ..:71: أنا عن نفسي أحس بمتعة لما أحضر محاضرة انجليزية ..:33_asmilies-com: عذاري حبيبتي لا تشيلي هم وأي شي مانك فاهمة أختك ( roqa ) بتقوم بالواجب وأكتر ..:53: |
| All times are GMT +3. الوقت الآن حسب توقيت السعودية: 06:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام