ملتقى طلاب وطالبات جامعة الملك فيصل,جامعة الدمام

اقتباس:

المشاركة الأصلية كتبت بواسطة جنى time (المشاركة 5810810)

ياناس احس اني بصيح وضايق صدري 'وش قصه هالمحاضرات اللي ورى بعض ولا لها وقت يندرى عنها
قلت اليوم بجلس على المحاضرات كلها ماشفت الا اول مادتين ويوم دخلت عليها لقيت محاضرات ثالثه نازله :bawling:
معد ادري وشلون اركز والله مره تحطمت من عقب ماكنت اقول مجتهده وادرس اول باول :bawling:

قولوا لي وش طريقتكم انا قلت مالي الا ادخل على كل المحاضرات خمس دقايق عشان تحسب لي المشاهده
واذا جاء وقت الاختبارات اشتري ملازم واذاكر وبس :cry111:

-

شوفي يختي .. أول شي استهدي بالله ..
ثاني شي ترى باقي ع الاختبارات قرابه الـ 3 اشهر ..
طيب تبين تنظمين وقتك وش تسوين ؟ انا اعلمك ؟ّ!

أول شي خذي لك جدول متابعه .. فيه كثيره مسوينهآ الاعضاء بالمنتدى أو سوي لك واحد
طيب بتقولين لي وش فايده هالجدول؟

الجدول راح يكون للمتابعه يعني ببساطه
تكتبين المادة وجنبها 14 مربع للمحاضرات .. 3 مربعات للواجب .. 3 مربعات للمحاضرات المباشره 14 مربع للمناقشات

-

طيب بعد ماجبتي الجدول وحطيتي موادك وش تسوين ؟ تبين تجيبين امتياز ؟؟
اذا كنتي متفرغه .. أول شي خصصي لك ساعتين او ثلاث يومياً .. و الزمي نفسك مو يعني انك انتساب تقولين يووه بعد شوي مالي خلق !! لا خلاص قلتي 3 ساعات خليك قدهآ

بهالثلاث ساعات وش تسوين ؟
تشوفين محاضرات جديده + يكون بيدك دفتر أو محتوى المادة اذا انتي طابعته
طيب انتي عندك 8 مواد وعندك 3 ساعات يومياً
3 ساعات تقدرين تخلصين 4 محاضرات تقريباً ..

انتي لك الحريه تشوفين اربع محاضرات من نفس المادة
او تشوفين اربع محاضرات من مواد مختلفه ..

^
طبعاً بتقولين كثيررررر كذا ؟؟
هذا الجدول مو دايم .. بس ضغط أو اسبوع او اسبوعين
بعدين راح يصير المحاضرات راح تنزل كل اسبوع بس وحده لكل مادة

انتي الحين خلصي هالجدول المضغوط نوعاَ ما .. و بعدين بتخف عليكككَ

ادري كلامي كثيررر وحوسسه .. بس اقريه مره مرتين عشان تستوعبين قصدي
واي استفسار انا حاضره و تذكري ترى الدراسه عندنا سهله بشكل ماتتخيلينه وفيه وقت كثيررررر