ملتقى طلاب وطالبات جامعة الملك فيصل,جامعة الدمام - تصحيح لملزمة الإنجليزي العامة والأسئلة النهائية د.عمار معاني محلولة وغير محلولة ... ومعكم في مراجعة للمنهج

صفحة 2 من 2

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- المستوى الأول - كلية الأداب (https://vb.ckfu.org/f311)

- - تصحيح لملزمة الإنجليزي العامة والأسئلة النهائية د.عمار معاني محلولة وغير محلولة ... ومعكم في مراجعة للمنهج (https://vb.ckfu.org/t400181.html)

Lady- Secret

2012- 12- 26 02:14 AM

رد: تصحيح لملزمة الإنجليزي العامة والأسئلة النهائية د.عمار معاني محلولة وغير محلولة ... ومعكم في مراجعة للمنهج

طيب متفهما وين الخطأ بالملزززمه اشرحولي بليززز:42:

عبدالله أثلاوي

2012- 12- 26 02:21 AM

:15::15:اسأل الله العلي القدير أن يوسع عليك في الدارين:15::15:

منال26

2012- 12- 26 04:23 AM

Hind does not a dictionary now

لو انا بختار has بدال does

ليه هنا اخترنا دوز وماختارنا هاز

أحبك خالقي

2012- 12- 26 05:34 AM

ابي الملزمه تكفوووون عطوني رابطهااا:10:

ahlam10_

2012- 12- 26 06:31 AM

الله يجزاك جنته يارب ومَ قصرت يكفي إنك إهتميت وجيت وصلحت ، تَم تحميل الملفات .

+

الله يسهل للجميع يارب :rose:

منال26

2012- 12- 26 07:05 AM

وعندي سؤال ثاني :34:

every student should have the textbooks

ليه ما اخترنا some
هي كانت من ضمن الخيارات الي ممكن تكون للمفرد

mgrd jr7

2012- 12- 26 07:30 AM

يعطيك ربي الف عافيه :44:

وبالتوفيق

توااقه

2012- 12- 26 07:34 AM

اثابك الله الجنه :2:

wedyan_fj

2012- 12- 26 08:58 AM

-

يعطيك الف عافيه يارب ..

سكرتيرعبادي

2012- 12- 26 02:42 PM

اقتباس:

المشاركة الأصلية كتبت بواسطة منال26 (المشاركة 7860619)

الله يسعدك في الدارين
ماااقصررت ابد:16:

بس سؤال الحين فلنفرض اجابتك صحيحه اكيد بس مختلفه عن الدكتور و هو خطا

هو بياخذ على جوابه ومسجله بالسستم صح؟
يعني لازم مثل مايبغى هو
مو الصح!!! والااا

؟

أنا لما صححت يهمني بالدرجة الأولى تكونين فاهمه بغض النظر أنا صح ولا الدكتور صح... وجهة نظري الشخصية امشي على الصح بغض النظر أنا ولا الدكتور وبعدين بإمكانك تتأكدين بنفسك منهم ولو شكيتي في درجتك بإمكانك تطلبين مراجعة الورقة...
الي أبي أوصل له لا تدخلين الاختبار وانتي حافظة أجوبة وتفرغين وبس لأنه الأسئلة أكيد راح تكون متغيرة يعني مثلا في القطع راح يجيب القطعة نفسها بس بغير الأسئلة أو يغير في القطعة عشان تكون الاجابة خيار مختلف عن الي كان موجود معكم في المحتوى....
كوني حذرة الدكتور مغير كثير في اختبار ادارة الأعمال....

اقتباس:

المشاركة الأصلية كتبت بواسطة Lady- Secret (المشاركة 7862036)

طيب متفهما وين الخطأ بالملزززمه اشرحولي بليززز:42:

إذا ذاكرتي من الملزمة كل الي عليك تحملين الملف هذا وتستبدلين الصفحات وبس طبعاً التعديل بتلقين تحته خط وباللون الأحمر.

اقتباس:

المشاركة الأصلية كتبت بواسطة منال26 (المشاركة 7863601)

Hind does not a dictionary now

لو انا بختار has بدال does

ليه هنا اخترنا دوز وماختارنا هاز

does هنا دورها فعل مساعد مستخدمة علشان نفي الجملة لأننا مانقدر ننفي بدون فعل مساعد. يعني الجملة بالأصل Hind has a dictionary وبالنفي أصبحت مثل الي فوق...وتم تحويل has لـ have لأنها الأصل...

اقتباس:

المشاركة الأصلية كتبت بواسطة أحبك خالقي (المشاركة 7864102)

ابي الملزمه تكفوووون عطوني رابطهااا:10:

تفضلي رابط الملزمة معدلة وجاهزة للطباعة على هذا الرابط

اقتباس:

المشاركة الأصلية كتبت بواسطة منال26 (المشاركة 7864553)

وعندي سؤال ثاني :34:

every student should have the textbooks

ليه ما اخترنا some
هي كانت من ضمن الخيارات الي ممكن تكون للمفرد

لأنه الاسم student جاء بصيغة المفرد وهو مايلزمني استخدام every لأنه في حالة استخدام some يجب تحويل الاسم لصيغة الجمع ويكون students ...

المعذرة منكم أجمعين تأخرت عليكم بالرد.... اليوم مرررررة شغل ماهو طبيعي ولا قدرت أقضى إلا هالحين...

اليوم ان شاء الله بكون معكم واي اسئلة ابد حطوها هنا وبكون متابعكم لين تدخلون الإختبار...

تمناتي لكم بالتوفيق

تمنيت

2012- 12- 26 02:45 PM

مششكور ومامنك قصور.~

جوااانا

2012- 12- 26 03:26 PM

الله ينور طريقك ساعدني انا ميح بالانقلش مع اني عاكفة عليه شهر بس مرعوبه الله يخليك ودي اركز على القطع كم قطعه معنا مدري حدد ولا لا؟؟؟؟
وش تنصحيني اركز عليه تكفى الفزعة احس بجيب العيد ورمضان :26::12:

منال26

2012- 12- 26 05:55 PM

طيب بالمملزمه مكتوب some انو تجي مع الجمع زي studets

معليش كثرت اسئله بس والله حاب افهم واستوعب واعرف الصح

سكرتيرعبادي

2012- 12- 26 06:46 PM

اقتباس:

المشاركة الأصلية كتبت بواسطة منال26 (المشاركة 7872254)

طيب بالمملزمه مكتوب some انو تجي مع الجمع زي studets

معليش كثرت اسئله بس والله حاب افهم واستوعب واعرف الصح

أبد خوذي راحتك كثير وزيدي .... ولا كثرتي ولا شيء...

طيب خلينا نوضحها أكثر..

عندنا الكلميتين some و every كلاهما يستخدمان للتعبير عن الجمع ولكن الفرق

Some تأتي مع الجمع ويجب أن يكون الاسم بعدها بصيغة الجمع ... هذا المنطقي كلمة تدل على الجمع يعني الي بعدها جمع...

أما بالنسبة لـ Every فهي حالة شاذه مثلها مثل each .. تستخدم لمخاطبة المجموعة ولكن بالكتابة والقرامر لازم نستخدم معها المفرد ...ليه؟؟
لأن معناها يجي وكأنك تخاطبين كل شخص على حدة مثلا لو قلنا
every student has a book يعني كل طالب معاه كتاب ... مثلها مثل العربي بالضبط مثل لما نقول كل طالب عينه على ورقته .... لاحظي حتى هنا بالعربي الخطاب موجه لمجوعة ولكن مكتوب على شكل مفرد لأنك كأنك توجهين رسالة لكل واحد منهم بشكل شخصي...

يعني خلاصة القول لما نستخدم كلمة some الكلمة الي بعدها لازم تكون جمع مثل العربي بالضبط لما نقول بعض الطلاب ..Some students
بينما لما نستخدم each ولا every الي بعدها لازم يكون مفرد...

وسلامتك :13:

لاتفكرين فيها كثير جداً واضحة مثلها مثل العربي ,....

وإذا فيه أي سؤال بعد ولا مافهمتي بشرحها زيادة عادي مافيه أي مشكلة

Nawarah*

2012- 12- 26 07:13 PM

اخوي سكرتير عبادي الله يسلمك القطع في العادة كم سؤال عليها
والقطعه في العادة تكون طويله ولا قصيرة
بصراحه القطع إلا الان مااا قريت شئ منها
قلت لان كل شئ قدامي القطعه والاجابات موجوده
وش تنصحني فيه ||أطل على القطع ولا مالها لزوم بتضيع وقت

وشششكرا:16:

سكرتيرعبادي

2012- 12- 26 07:55 PM

اقتباس:

المشاركة الأصلية كتبت بواسطة جوانا11 (المشاركة 7870172)

المعذرة منك توني أنتبه لردك...

جوانا مافيه أحد يطلع عالم ... كلنا ميح بس طقطقنا ومشت أمورنا ...

طالما أنك عاكفه عليه شهر صدق فان شاء الله أمورك طيبة.... خلك واثقة من نفسك وواثقة من قدراتك والخوف هذا هو الي بيخليك تجيبين العيد و شوال مع بعض...!!

مافيه سبب للخوف ... محد بياكلك في الإختبارات ولا أحد بيعضك ... وكلها اختيارات قدامك...
يعني الإجابة قدامك بس تركدي وهدي نفسك وخلك واثقة بالله أولاً ثم في قدراتك وبتحلين بشكل بسيط وبتمشي أمورك تمااااااام... لاتستعجلين وانا اضمن لك درجة عالية بحول الله وقوته

بالنسبة للقطع مري عليها بس افهميها وترجمي الي ماتفهمين معناه لأنه احتمال كبير جداً يغير الأسئلة الموجودة في القطعة أو مثلا يخلي الخيار الصح الموجود في الملزمة خطأ يعني من الحيل هذي.... مري عليها بشكل سريع وافهيها بس وأمورك بتصير في السليم

لا ماحدد القطع الثمان كلها مطلوبة حسب الي أعرف ... هو حدد للطلاب الترم الماضي لما كان يجيب لهم قطع من خارج المنهج بس الترم هذا ماراح يجيب عشان كذا ماحدد ولا شيء...

تطمني وثقي بنفسك

اقتباس:

المشاركة الأصلية كتبت بواسطة نوارة الدنيا . (المشاركة 7873714)

وشششكرا:16:

نفس الكلام الي قلته لجوانا بعد ... القطع لازم تفهمينها وتترجمين الي ماتفهمينه ... أنصحك لاتقرينها مترجمة لأنك بتخبصين في الاختبار وتنسين
اقريها وحطي خط تحت الكلمة الي ماتعرفينها بعدين ترجميها واكتبيها وبكرة راجعي ...

ربي يوفقكم ولا يضيع لكم تعب...

تطمنوا ولا تخافون الأجوبة قدامكم بس ناموا زين وادخلوا واثقين من أنفسكم ...

في انتظاركم... في اي سؤال آخر

حلاتي بشقاوتي..

2012- 12- 26 07:57 PM

اخ عبدالله انا معي ملزمتك وملزمه الاخ قناص
من المحاضره العاشره احس اختلفت المحاضرات الي عندك مو موجود عند القناص والي هي دؤس مؤشرات صوتيه والي بعدها وصراحه عجزت افهمها. وجتني البكووووووه معها صراحه احس ضيعت وضاع كل شئ مع ان كنت تمام الين محاضره 8او9
الحين درس المؤشرات معنا هو ولاكييف
والحين يوم شفت التعديلات خفت زووود هل اترك نفسي علي فهمته ولا وش تنصحني وعندي سؤال بعد المحاضرات كلها عندك مراجعه مختصره عالمحاضرات هل اكتفي فيها وافهمها. .معليش كثرت اسئله بس تحملنا :12::12:
.

سكرتيرعبادي

2012- 12- 26 08:26 PM

اقتباس:

المشاركة الأصلية كتبت بواسطة حلاتي بشقاوتي.. (المشاركة 7874436)

أنا محمد ولست عبدالله :42:...

أنا غيرت شوي بالترتيب في بعض المحاضرات علشان أحافظ على تراتب الأفكار... بعدين ما أنصحك تتنقلين بين الملازم ... شوف الملزمة الي أنت مرتاحة معها ومرتاحه مع أسلوبها وكملي معها...

المقاطع الصوتيه هذي موجودة في المنهج وانا وضحتها علشان طلاب اللغة الانجليزية يفهمونها ... عادي تجاوزويها مو مهمه كثير أهم شيء لازم تعرفين تستخدمين المقارانات تراه مررررره مهمة يعني ماراح يجييب لك أسئلة يقول لك كم مقطع صوتي ... هو بس حطها زيادة فلسفة علشان تفهمون تستخدمون المقارانات...

الي أبيه منك سلمك الله تمسكين الخوف هذا والبكوه ترمينها ... وتكونين واثقه من مذاكرتك ومتأكده انك بحول الله وقوته بتحلين.... الخوف بيخليك تخربطين في الإختبار

أبي منك تفهمين المقارانات زين لأنه بيجي عليها أسئلة أكيد بحدود الـ10 أسئلة يمكن ...وإذا مافهمتي شيء منها تعالي لي هنا...

وراجعي الكلمات ومعانيها وافهميها لاتحفظين شيء بدون ماتفهمينه ...

مافيه سبب واحد يخوف ارجعي اقري المحاضرات حقت المقارانات سواء مني أو من القناص اهم شيء تفهمينها ...

ولا كثرتي علي ولا شيء أنا الي أقرقر عليكم كثيييييييير

تحملوني

بالتوفيق للجميع

حلاتي بشقاوتي..

2012- 12- 26 08:40 PM

طيب اش المقارنات. المهمه فيها
اذ انها مثل الي قبلها من المحاضرات. فأنا فاهمتها شوي
بس اش افهم من المقارنات ذي الله يعافيك .فهمني. اذ فيه جديد
والله يسعدك دنيا واخره

سكرتيرعبادي

2012- 12- 26 08:50 PM

اقتباس:

المشاركة الأصلية كتبت بواسطة حلاتي بشقاوتي.. (المشاركة 7875272)

عندنا سلمك الله نوعين من المقارنة:

1. مقارنة بين شيئين comparative: يعني تقارنين بين شيئين بصفة معينة مثلا تقولين محمد أطول من أحمد . أو ممكن تقولين طبخي أحلا من طبخ أختي . شيئين بس قدامك تفاضلين بينهم وتبينين أنه فيه شيء أحسن من شيء. إذا صرنا بنقارن بين شيئين لازم نضيف للصفة حرفين وهي er أو كلمة more في حالة كانت الصفة طويلة وصعب اضافة er. وفي الغالب نستخدم كلمة than . ناخذ مثال على السريع:
محمد أطول من أحمد Mohammed is taller than Ahmed لاحظي هنا الصفة هي tall وأضفنا لها er بس مع اضافة than قبل الاسم الثاني.
وممكن نقول فستاني أحلا من فسان أختي My dress is more beautiful than my sister

2. نفس الكلام ينطبق في حالة المقارنة بين شئ ومجموعة Superlative بس هنا نضيف للصفة est بدلاً من er و most بدلاً من more . وغالباً يأتي قبلها أداة التعريف The . مثل
لما نقول محمد أطول واحد في الفصل نقول : Mohammed is the tallest in the class
ولما تكون الصفة طويلة ممكن أقول My dress is the most beautiful in the party

طبعاً متى استخدم most ولا more أو er أو est ...
هذا يعتمد على الصفة نفسها ... يعني إذا حاولتي تضيفين للصفة er ولا قدرتي تنطقينها استخدمي moreوبنفس الطريقة لو أضفتي est للصفة ولا قدرتي تنطقينها استخدمي most . جربي بالصفة beautiful و difficult .

بس هذا المقارانات باختصار مافيها كلام كثير ...

هذا الكلام لازم تفهمينه وتتدربين عليه وتحلين التمارين الموجودة عنه...

وبعدين ماحليتي أسئلة الأترام الماضية؟

مانسيتك !

2012- 12- 26 09:04 PM

سؤوال القطع تجي الاسئلة عنها نفس الي بالملخص او تختلف الاسئلة

سكرتيرعبادي

2012- 12- 26 09:08 PM

اقتباس:

المشاركة الأصلية كتبت بواسطة ابونايف777 (المشاركة 7875816)

سؤوال القطع تجي الاسئلة عنها نفس الي بالملخص او تختلف الاسئلة

احتمال كبير تتغير.... يعني افهم القطعة عشان وافهم السؤال عشان تجاوب لأنه احتمال كبير جدا جدا جدا يغير

بالتوفيق

حلاتي بشقاوتي..

2012- 12- 26 09:15 PM

لا باقي ماوصلت لها.
اخلص واروح لها علشان تدخل عقلي صح:10:
طيب لو سمحت اش اهم القاعدات الي تشوف الدكتوور دايم يجيب منها
ومشكور فهمت المقارنات حاليا اذ بس ذي .يعني حاط مدري كم صفحه تخلي الواحد يخاف غصب وتطلع بس سطرين:29::
وياليت اليوم تستنتر معنا هنا علشان اذ احتاجو امثالي شئ نحصلك «««فاضي لكم اكيد بتقول:30:

سكرتيرعبادي

2012- 12- 26 09:28 PM

اقتباس:

المشاركة الأصلية كتبت بواسطة حلاتي بشقاوتي.. (المشاركة 7876126)

أنا مفضي نفسي اليوم كله عشانكم ماطلعت من البيت أبد...من جيت من الدوام لهالحين بس اصلي وارجع

ابد أي شيء تعالي هنا وبكرة ان شاءالله بعد بنجلس لين تدخلون الإختبار ...

بس مانبي بكاء ولا خوف مافيه شيء يستاهل...الأمور طيبة والي يذاكر ويعطي المادة حقها والله ينجح وكثير جابوا a+ ولاتسمعون للناس الي تحب تحطم وتخوف ... خلوكم واثقين بأنفسكم

الدكتور يغطي كل المنهج بس كأنهم قالوا أنه ركز على أدوات التعريف حاولي تفهمينها زين...

وأي صعب عليك تعالي هنا...

بالتوفيق

so0o	2012- 12- 26 09:33 PM

اسألة القطع تجي من نفسسس القطعه يعني الاجابه من القطعه نفسسسها ولا حنا نستنتجها :7:

حلاتي بشقاوتي..

2012- 12- 26 09:39 PM

مشكوووور
عاد ادوات التعريف اذ حطها ضمن الخيارات بفهمها
طيب تو صديقتي تسألني عن قاعده too تقل متى تستخدمها

العصفوره

2012- 12- 26 10:12 PM

جزآآآآك الله الف خيررر خيوووو....:2:

انا ماااني فاهمه شي بس الله يعين ويسهل الاختبار يارب:16:

nora@

2012- 12- 26 10:14 PM

عبادي يعطيك الف عافيه الملزممه جدا رائعه وفهمت اشياء كثيره
وش الكلمات بالجمله الي تدل ع انو الفاعل مفررد غيرeach

سكرتيرعبادي

2012- 12- 26 10:26 PM

اقتباس:

المشاركة الأصلية كتبت بواسطة so0o (المشاركة 7876536)

اسألة القطع تجي من نفسسس القطعه يعني الاجابه من القطعه نفسسسها ولا حنا نستنتجها :7:

نفس القطعة بس احتمال الأسئلة يغير فيها شوي ... أو يعطيكم أسأله جديدة من عنده

اقتباس:

المشاركة الأصلية كتبت بواسطة حلاتي بشقاوتي.. (المشاركة 7876669)

مشكوووور
عاد ادوات التعريف اذ حطها ضمن الخيارات بفهمها
طيب تو صديقتي تسألني عن قاعده too تقل متى تستخدمها

ايه ركزي عليها وافهميها زين وأهم شيء لاتسهرين لازم تنامين وتكسبين نوم الليل وتقومين بدري تذاكرين.... لاترهقين نفسك وبعدين يصير تركيزك في الأختبار صفر ويضيع كل شيء سويته

too مالها قاعدة معينة هي تجي للتوكيد بمعنى وأنا بعد وغالبة تكون في نهاية الجملة ...خلك في الي قلت لك ركزي عليه زين

اقتباس:

المشاركة الأصلية كتبت بواسطة العصفوره (المشاركة 7877537)

جزآآآآك الله الف خيررر خيوووو....:2:

انا ماااني فاهمه شي بس الله يعين ويسهل الاختبار يارب:16:

خيتي امسكي محاضرة 14 وحاولي فيها... إذا فيه شيء مو فاهمته علميني اشرحه لك

اقتباس:

المشاركة الأصلية كتبت بواسطة nora@ (المشاركة 7877557)

الله يعافيك ... بس انا سكرتير عبادي ولست عبادي نفسه...:42::42:

each و every ... هذا الي يحضرني هالحين خليني اتعشى يمكن يطلع معي شيء بعدها ... لأني لافطور ولا غداء :3::3::3:

بالتوفيق

so0o	2012- 12- 26 10:44 PM

يعطيييك العاافيه خيو سكرتير

الله يجزاك الجننننه ووالديك ومن تحب:icon1:

حلاتي بشقاوتي..

2012- 12- 26 10:51 PM

طيب سكرتير عبادي .الحين الحال والصفه لازم نحفظها ولالا ..والحال والفعل

hadeel al_a

2012- 12- 26 10:52 PM

الله يوووووفقك ويسعدك ياررررب ويسرلك امورك

سكرتيرعبادي

2012- 12- 26 11:07 PM

اقتباس:

المشاركة الأصلية كتبت بواسطة so0o (المشاركة 7878273)

يعطيييك العاافيه خيو سكرتير

الله يجزاك الجننننه ووالديك ومن تحب:icon1:

آآآآآآآآآآآآآآآآآآآآآمين ومن تحبين وأعظاء المنتدى

جزاك الله خير ... ولك بمثل مادعوتي وزياااااااااادة

اقتباس:

المشاركة الأصلية كتبت بواسطة حلاتي بشقاوتي.. (المشاركة 7878423)

طيب سكرتير عبادي .الحين الحال والصفه لازم نحفظها ولالا ..والحال والفعل

شيلي فكرة الحفظ من راسك.... الكلمات بس هي الي تحفظ غيره استخدمي عقلك وافهمي...

لازم نميز نوع الكلمة فالفعل هي كلمة تصف حدث يقعل مثل يلعب play
والحال تصف كيف كيفية وقوع الفعل وشدته مثل strongly يعني لو احطها بجملة أقول He plays football strongly

فلاحظي الحال وصف وقوع الفعل...

أما الصفة فهي تصف الأسم مثل جميل طويل صغير مثل كلمة Mohammed is tall يعني هنا وصفت محمد بأنه طويل

اقرأي وترجمي وشغلي مخك افهمي بس لاتحفظين لو بتجلسين تحفظين والله ماتخلصين ولا السنة الجاية...

اقتباس:

المشاركة الأصلية كتبت بواسطة hadeel al_a (المشاركة 7878457)

الله يوووووفقك ويسعدك ياررررب ويسرلك امورك

آآآآآآآآآآمين الله يجزاك خير... وياك يارب

بالتوفيق

منال26

2012- 12- 26 11:28 PM

طيب عندي سؤال :29:

السؤال جق جبال الانديز
مو الجبال مانحط عندها ادوات تعريف ?

ليه اخترنا the ...

سالت لوليز جزاها الله خير بس يمكن مشغوله
كان بالكويزات

ومن ضمن الخيارات a-an-the او بطون اداة تعريف

ا

سكرتيرعبادي

2012- 12- 26 11:32 PM

اقتباس:

المشاركة الأصلية كتبت بواسطة منال26 (المشاركة 7879138)

سؤال جميل وملاحظة أجمل....

لأنها سلسلة جبال وليست جبل واحد..!!

بس

sara sara

2012- 12- 26 11:58 PM

جزاااك الله الف خير والله يوفقك
اعتمدت على مذكرتك ذاكرت منها كافيه ووافيه وفيها شرح وحلو اسلوبك في الشرح
والله يسهل الاختبار ان شالله
لك :16:

منال26

2012- 12- 27 12:00 AM

سكرتيرعبادي

2012- 12- 27 12:08 AM

اقتباس:

المشاركة الأصلية كتبت بواسطة منال26 (المشاركة 7879785)

at
لأنها جاءت قبل وقت من اليوم ...

خلاص يكفي مراجعة لازم تنامين في الليل لاتسهرين حتى لو ماخلصتي ولو باقي لك كثير راحة جسمك بتنعكس على تفكيرك بكرة وتركيزك

أنا على وشك أنام لأني على قومتي الساعة 6 ورايح فيها ... لوتأخرت مارديت يعني نمت ولكن أكيد بكون ان شاء الله الصبح بكرة معكم
اي سؤال اسدحوه هنا

أسأل الله أن يوفقكم وأن لايضيع لكم تعب...

تحياتي للجميع

تهـآني

2012- 12- 27 12:16 AM

سكرتير:1:
عسسى والديك للجنه :16:.. اتعبناك معنا كثير اليوم:42:
سؤالي : بالنسبه للقطع شنو اسألتها ؟؟
حتكون فيها قاعدات !!!
ومششكور:16::16::16:

RONY 1988

2012- 12- 27 12:23 AM

الله يسعدك ويوفقك دنيا واخره يارب

مررررره مرررررره شكرآ:16:

سكرتيرعبادي

2012- 12- 27 12:27 AM

اقتباس:

المشاركة الأصلية كتبت بواسطة تهـآني (المشاركة 7880169)

تعبكم راحة وخدمتكم شرف ... وعساني أوفيكم حقكم وراح اكون مقصر مهما سويت ... تستاهلون أكثر بكثير مما قدم

بالنسبة للقطع افهميها زين واستوعبي كل كلمة فيها .... ترجمي بنفسك لاتعتمدين على شيء مترجم
اقري وحطي خط تحت الكلمة الي ماتعرفينها وترجميها عشان لو مرت عليك ماتنسينها...

بتكون طريقتها مرات بيسألك عن الضمائر على ماذا تدل ومرات بيسأل عن شيء استنتاجي... حسب أسئلة ادارة الأعمال الي أتوقع تكون اسئلتكم قريب منها

انه نفس القطع مع تحوير في الأسئلة أو يعطيكم أسئلة جديدة يعني ماراح يكون فيه قطع خارجية....

بالتوفيق

" ام بندر "

2012- 12- 27 12:27 AM

مو راضيه تفتح معاي :12:

منال26

2012- 12- 27 12:28 AM

يعطيك العافيه ماااقصرت ابد

ماجد الدهمشي

2012- 12- 27 12:32 AM

الروابط لا تفتح لا نعلم ماهو الخلل .؟!

RE-KILLME

2012- 12- 27 12:37 AM

شكرا جزيلا
:16:

سكرتيرعبادي

2012- 12- 27 12:42 AM

3 مرفق

اقتباس:

المشاركة الأصلية كتبت بواسطة ماجد الدهمشي (المشاركة 7880510)

الروابط لا تفتح لا نعلم ماهو الخلل .؟!

المعذرة منكم... توقف التحميل من السيرفر لأنه وصل الحد الأعلى...

الملفات موجودة في المرفقات الآن... يمكنك التحميل منها

мα̅йǎнẹŁ㋡

2012- 12- 27 12:44 AM

الله يجزاككك خيير

استغفرالله123

2012- 12- 27 12:45 AM

بسال ومدري اذا انسال هالسؤال قبل او لا بس انا وصلت الصفحه السابعه وتعبت ومافي وقت :7:

اخووي جزاااك الله خيير

بس انا احترت بشي....

اللي هو اول شي بلمزمة التصحيح..

حسب فهمي

السؤال يبي نسبة ورق الطباعه اللي تصدره كندا للعالم <<<<نسبة الورررررق نفسه

والقطعه مكتوب فيها انهم يسوون34% للعالم من (خشب لب الورق ) يعني لب الخشششب

وبعدها مكتوب 49% من ورق الطباااعه نفسه !!!!!!

يعني الاجابه 49 % ؟؟؟؟؟؟؟؟؟؟؟؟؟

لانهم يبون نسبة الورق النهائي الجاهز للطباعه مو لب الخشب !!!!!!!!

انتظررر ردك اخووووووووووووووي

" ام بندر "

2012- 12- 27 12:47 AM

يعطيك الف عافيه :2:

والواحد مو معصوم عن الخطاء نحمد ربنا ع الملزمه الي تعبت نفسك وسويته والاكثر من رائعه:33:

شكرا لك .

O C E A N

2012- 12- 27 12:56 AM

الف شكر اخوي ،،

ماجد الدهمشي

2012- 12- 27 12:56 AM

بيض الله وجهك اخ عبادي :16:

سكرتيرعبادي

2012- 12- 27 01:12 AM

اقتباس:

المشاركة الأصلية كتبت بواسطة استغفرالله123 (المشاركة 7880790)

احيانا تكون الأجوبة استنتاجية... الورق يصنع من لب الخشب الي هي المادة الخام للورق نفسه... ولو تلاحظين مكتوب في السؤال كم نسبة التي تصدرها كندا للعالم وطالما انها تصدر 34% من المادة الخام لصناعة الورق يعني تصدر نفس النسبة..

مايهم من هو الصح افهمي القطعة ولا تدققين كثير لأن على الأرجح راح يغير الأسئلة ولا راح تجيكم نفسها...

روحي ركزي على المقارانات وعلى أدوات التعريف .. وحاولي تنامين واشتغلي عليها بكرة

استغفرالله123

2012- 12- 27 01:17 AM

:4::4::4:

يغييير القطعه !!!

وانا من اليوم ذاابحه نفسي وقاعده افهم كل شي وبالنهايه ممكن يغيرهاا!!!

هذي القطعه مو من المحتوى؟؟؟

طيب باقي الاشياء اللي بملزمتك كلها ممكن تتغير ؟؟؟

لان اغلب دكاترة الانجليزي مايغيرون يجيبون من الكتب نفسها !!

وعمومااا اناا قلت لازم اعرف الاجابه الصح عشان اذا جتني بالاختبار احلها خلااااص موولازم اعرف اذا ممكن تتغير خخخخخ

مشكوووور اخوووي والمشكله لي كم ساعه اذاكر للحين ماخلصت المحاضره الثاانيه !!

سكرتيرعبادي

2012- 12- 27 01:21 AM

اقتباس:

المشاركة الأصلية كتبت بواسطة استغفرالله123 (المشاركة 7881508)

افهمي القطعة بس لاتحفظين الأجوبة.... القطعة ماراح تتغير بس ممكن يغير الأسئلة وهذا هو الأحتمال الأكبر..!!

في المحاضرة الثانية..!! توك تبدين؟؟

استغفرالله123

2012- 12- 27 01:25 AM

ايييي الصرااحه تووني ابداا

وقااعده اذاكر من ملزمتك

بس شسوي عندنا ناس بالبيت وفله وسوالف وضحك وانا مره عندهم ومره ع اللاب :8:

بس ماعليك انا يقالي شاطره بالانقلش ان شالله امووري تمااام :42:

أفا يا قلب

2012- 12- 27 04:40 AM

الله يسعدك اخووي

رحب المكان

2012- 12- 27 08:54 AM

مشكور والله يعطيك العافيه

منتسبه888

2012- 12- 27 10:29 AM

الرابط مافتح معي اذا ممكن تنزله مره ثانيه :7:

مفاآهيم الخجل

2012- 12- 27 10:42 AM

ماففتتتتتح معععي طيييب :4::7:

のя•Fάĵr

2012- 12- 27 10:48 AM

^
اي رابط تقصدون ؟

منتسبه888

2012- 12- 27 10:48 AM

رابط تصحيح الاسئله

wejdan**

2012- 12- 27 10:49 AM

يقول

Error 509

:18:

wejdan**

2012- 12- 27 10:50 AM

حتى رابط الملزمه نفسها ابي اقراءه :36:

wejdan**

2012- 12- 27 11:06 AM

خلاص لقيته :3:

http://www.gulfup.com/?X34po8iui1pogww

sherey

2012- 12- 27 11:09 AM

يعطيك العافيه م قصرت

بس م رضى يحفظ الملف يقولي غلط :12:

Sweaty girl

2012- 12- 27 11:14 AM

الله يوفقك وسعدك ويرزقك والله المللزمه ساعدتني كثيرر مشكوووور ....
والله اول اروح لمدرسه لكن اللحين صافطتهم >>ان شاااء الله دوم :19:
بس في شي مادخل مخي من امس اللي يجيب جمله وانا اطلع الفعل والصفه وغيرها ... ابد ابد مااافهمته :39:
ياليت تفهمني :7:

LeLe	2012- 12- 27 11:39 AM

الله يسهل عليك مثل ماسهلتها علينا

ويعطيك العافيه

سكرتيرعبادي

2012- 12- 27 02:03 PM

اقتباس:

المشاركة الأصلية كتبت بواسطة Sweaty girl (المشاركة 7887501)

اللهم آآآآآآآمين وإياك...
المعذرة منكم توي قمت ... صداع ماسكني من امس :9:

بالنسبة لاستخراج نوع الكلمة الي عليك تعرفين معناها...يعني هي باختصار كذا

الاسم : مثل عربي اما اسم لمكان
الحال: كلمة تصف الأسم مثل نقول طويل أو قصير
الفعل: عبارة عن كلمة تصف حدث وقع ولو غيرته بيتغير معنى الكلمة مثل يلعب يأكل
الحال : كلمة تصف شدة وقوع الفعل مثل يعلب بشدة يأكل بسرعة
المودل مجموعة كلمات محصورة في: will , can, would, could ,should,may
هذا الي يحضرني منها... عموما ما اعتقد بيجيب منها شيء كثير

بالنسبة للروابط أعتذر منكم الرابط راح يعمل بعد يومين لأنه للأسف وصل الحد الأعلى من التحميل... وعليه تستطيعون تحملون الملفات من هنا

بتحصلون في المرفقات...

دعواتي لكم بالتوفيق... ولا تنسون تجون تطمنوني عليكم...

سكرتيرعبادي

2012- 12- 27 08:09 PM

المفترض أكون معكم اليوم الصباح ... بس من أمس وماسكني صداع مو راضي يفكني...!!

حتى والله ماتهنيت بنومتي

وبالنسبة للرابط أنا حطيته في الردود يعني لو أحد ممكن رجع للردود بيحصل المشاركة الي فيها الملفات في المرفقات...

بشروني وش سويتوا اليوم؟؟؟ وكيف كان الإختبار؟؟

طمنوني عليكم...

nora@

2012- 12- 27 08:22 PM

ا سكرتير عبادي ماتشووف شر
لاختبار متوسط وماجب شي من الملزمه كله من بررا يعني اعتمد ع الفهم بس الوقت قليل مايكفي بس الحمدالله القطع جاب نفس الي بالملزمه والقرامر كرر aوanوthe الف مرره المشكله لني ماركزت عليها

سكرتيرعبادي

2012- 12- 27 08:26 PM

اقتباس:

المشاركة الأصلية كتبت بواسطة nora@ (المشاركة 7897240)

الشر مايجيك...

أنا كنت متوقع أنه بيركز على أدوات التعريف حسب كلام الشباب في قسم ادارة الاعمال...وكنت متاكد بعد انه يعتمد على الفهم وليس الحفظ...

أقول يارب أحد صور لنا الأسئلة ...

توي كنت أقرا في تويتر ردود الأفعال ولقيت الحمدلله نوعا ما انه راضين وحالين زين.... وان شاء الله أنا متفاءل لكم الترم هذا الكل ينجح...

في انتظار بقية الإخوة والأخوات نسمع ردودهم عن الإختبار ...

تحياتي للجميع

Fahad Alzahrani

2012- 12- 27 08:36 PM

اخوي سكرتير عبادي عساك طيب الحين ؟

شوف الموضوع هذا الاخ راكان منزل الاسئلة ياليت تحلها ولاعليك امر ، متعودين عالدلع :8:

http://www.ckfu.org/vb/t408229.html

ماريوت

2012- 12- 27 08:39 PM

لاخلا ولا عدم يااحلى سكرتير بالارض :42:

انشهد انك ماقصرت معنا ولاننسى الاخت فجر ايضا وكل من حاول مساعدتنا
ومن لايشكر الناس لا يشكر الله

الله يوفقكم دنيا واخره

سكرتيرعبادي

2012- 12- 27 08:45 PM

اقتباس:

المشاركة الأصلية كتبت بواسطة fahad alzahrani (المشاركة 7897475)

ان شاء الله أحسن...

تستاهلون الدلع.... أبشر بلقى عليها نظرة

اقتباس:

المشاركة الأصلية كتبت بواسطة ماريوت (المشاركة 7897516)

تستاهلون كل خير ومقصرين بحقكم ولا هو حسافة عليكم...

الله يجزاك خير ويرفع قدرك ياماريوت هذا أقل شيء ممكن نسويه...

انتظر بعد الي ما علمنا عن اختباره...

بالتوفيق

W A R D

2012- 12- 27 08:53 PM

سكرتير عبادي
الله يرفع قدرك و يسعدك بالدارين

All times are GMT +3. الوقت الآن حسب توقيت السعودية: 02:12 PM.

صفحة 2 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه