مذكــــرة اللغـــــة الإنجـــــليزية مطابقــــة للمحـــتوى .. لطلاب تخصص إنجـــــــلش .. - الصفحة 8 - ملتقى طلاب وطالبات جامعة الملك فيصل,جامعة الدمام

~ Confidence · 2013- 2- 13

اقتباس:

المشاركة الأصلية كتبت بواسطة فارس الرومانسيه

كلامك صحيح يارائعه

أنتي طرحي الموضوع نيابه عني (^_^)

وتسلم الايادي على الطرح الرائع مقدماً

الله لايحرمنا منك يالمميزه

أنا .. ! لا أعذرني اخوي .. لكن إذا حاب أنت .. عاد براحتك يالطيب ..

~ Confidence · 2013- 2- 13

اقتباس:

المشاركة الأصلية كتبت بواسطة فارس الرومانسيه

أنا جاوبت لاني أعرفهم خايفين من هالماده

علشان هيك قلت ملزمة (( سكرتير عبادي )) الله يحفظه يارب

بيني وبينك للحين ماشفت المذكره تبعك في هالموضوع

بس نزلتها عندي في الجهاز

وكنت بروح جهاز أخوي وطلع مشغول وماحبيت أزعجه

ان شاء الله اليوم أشوفها

وتسلمين على هالمذكره وياليت أي شي تشوفينها

ماتسكتي وفوراً تتكلمي وتخبرينا وتعطينا كل شي جديد

لاتنسي تخصصنا في هالمجال مثل ماقلتي علشان نطور أنفسنا

الله يحفظك ويخليك يارب

لا إن شاء الله المادة ما منها خوف .. لكن البعض يحتاج يضاعف مجهوده و إن شاء الله بعديها .. تراها في النهاية راس مالها مادة .. ما يحتاج كل هالتوتر الواحد يذاكر و يجتهد
و إن شاء الله بتكون سهالات ..

الله يسهلها و يوفقنا آجمعين ..

~ Confidence · 2013- 2- 13

اقتباس:

المشاركة الأصلية كتبت بواسطة mssn

مشكوره والله يعطيك العافيه

تعافيك يا رب ..

~ Confidence · 2013- 2- 13

اقتباس:

المشاركة الأصلية كتبت بواسطة ضي1990

كونفيدنس ... مشكوره على الاجابه فهمت يعني تقريبا يجي معناها اختبار او فحص باخر الماده

سؤالي الحين .. هل هذي الملزمه شامله المحتوى اقدر اعتمد عليها بعد الله يعني في غنى عن ملزمة سكرتير عبادي اللي مابعد نزلت وما ادري متى بتنزل

؟؟؟؟

تاكدي من هالموضوع الله يعافيك لاني ببدى اطبع او اشتري ..

هلا بك ضي ..

نفسها بالضبط و شاملة لكل المحاضرات .. تقدرين تقولين أختها التوأم .. بس هذي التوأم الحلوة .. و حقتك الدكتور التوأم الحوسة

لكن إذا تبغين مذكرة مشروح فيها بالعربي عندي حقت سكرتير عبادي حقت السمستر الي طاف .. تبغينها ؟ .. أعتقد إنها افضل لك حقت عبادي ..

أنت شوفي ايش يناسبك .. و قول لي .. و أنا حاضرة بالي تحبين ..

~ Confidence · 2013- 2- 13

اقتباس:

المشاركة الأصلية كتبت بواسطة malak.k.f

موضوع جدا مفيد
الف شكر لك
وان شاء الله بالمفضله راح احطها
لان عقدتي الانجليزي

العفو يا ملاك ..

بس إذا كان عقدتك الإنجلش ما تناسبك هذي يا ملاك ..

خوذي مذكرة سكرتير عبادي أو المسافرة .. لأن مشروح فيها المحاضرات بالعربي ..

و إذا تبغين مذكرة عبادي .. قول لي .. تراها عندي ..

~ Confidence · 2013- 2- 13

اقتباس:

المشاركة الأصلية كتبت بواسطة وَتين ..

توقعتها مترجمة

..
تم التحميل , يعطيكي العآفية ي جميلة ..
م ننعدم

..

تعافيك يا رب ..

عندي وحدة مترجمة و الي هي حقت عبادي .. ما نزلتها لأن ما ادري هو راح ينزل النسخة المحدثة و لا لا .. لكن إذا كنت تبغينها قول لي ..

~ Confidence · 2013- 2- 13

اقتباس:

المشاركة الأصلية كتبت بواسطة طالبة ينبع

روووووعه الملزمه وهي فعلا مطابقه للمحتوى

واللي يبغى يتعلم الانجليزي صح لاياخذ شي مترجم

هو يعتمد على نفسه بالفهم والتعليم الذاتي

حياك يا طالبة

~ Confidence · 2013- 2- 13

اقتباس:

المشاركة الأصلية كتبت بواسطة المحترمه

وعليكم السلام ورحمة الله وبركاته

جزاك الله خير يا ~ Confidence ما قصرتِ
مذكره نموذجيه ورائعه ... معاكم أنا في
هالمقرر .. عمار المعاني يشهد له الجميع
بـ سهولة الأسئله وإن شاءالله ما يخرج عن
هالإطار هذا السمستر ..
عسى الله يسهلها وييسرها بإذن الله ...
بالتوفيق

يا حيالله المحترمة
معانا أنت اممم يا هلا فيك و مسهلا ..

هو أسلوب الدكتور واضح و طريقته ما يغيرها ..
يعتمد كثير على القرامر .. و القطع .. و الكلمات ..
لكن النصيب الأكبر للقرامر و القطع ..

لكن بيني و بينك .. ساعات يجيب لك ثلاث اسئلة او اربعة .. مربكة و تلخبط شوي ..
يعني لازم الواحد يحفظ القواعد كويــــــــــــــــــس .. علشان يحل و هو واثق ..

آمين يا رب للجميع ..
أسعدني مرورك يا حلوة

~ Confidence · 2013- 2- 13

اقتباس:

المشاركة الأصلية كتبت بواسطة ســــلآف

فاااااااااااااااارس و confidence
جزاكم الله خير وكتب الله لكم الأجر
ولا حرمنا الله من تواجدكم المثمر
لكم خالص التقدير والاحترام

آمين .. و للجميع يا رب ..

ولآء . . · 2013- 2- 13

مشكووورة ~ Confidence ..
بس المشكله محنآ عآرفيين في اي سنه يعني هالملزمه حقت العام ولا اللي قبلو ولا اللي قبلو
لآن كل مره يسسون تحديث , عمومآ ماقصرتي يالغآلية ..
وخلينآ ننتظر ملزمه عبآدي
لكِ

2013- 2- 13	#80
ولآء . . أكـاديـمـي فـضـي الملف الشخصي: رقم العضوية : 129579 تاريخ التسجيل: Sun Dec 2012 المشاركات: 512 الـجنــس : أنـثـى عدد الـنقـاط : 6649 مؤشر المستوى: 64 بيانات الطالب: الكلية: كليه الاداب الدراسة: انتساب التخصص: علم اجتماع المستوى: المستوى الرابع	رد: مذكــــرة اللغـــــة الإنجـــــليزية مطابقــــة للمحـــتوى .. لطلاب تخصص إنجـــــــلش .. مشكووورة ~ Confidence .. بس المشكله محنآ عآرفيين في اي سنه يعني هالملزمه حقت العام ولا اللي قبلو ولا اللي قبلو لآن كل مره يسسون تحديث , عمومآ ماقصرتي يالغآلية .. وخلينآ ننتظر ملزمه عبآدي لكِ
	Share Share this post on Digg Del.icio.us Technorati Twitter

الذين يشاهدون محتوى الموضوع الآن : 1 ( الأعضاء 0 والزوار 1)