|
ما هو انطباعكم عن مادة التعلم والتفكير ودكتورها
السلام عليكم
اخواني اخواتي طلاب مستوى اول ماهو انطباعكم عن مادة التعلم والتفكير ؟؟؟؟ بالنسبه لي اشوف المحاضرات طوييييييييييله للغايه ... وتتكلم عن مواضيع عامه بالحياه خارجه عن المحتوى ... انا لا انكر ان امثلته اللي يحكيها ربما تلامس شي من المحتوى لكنها بالرغم من ذلك طويله للغايه وتزكيزه عليها اكثر من نقاط المحتوى الهامه والاحظ ان الدكتور في اخر خمس او عشر دقايق يبدا يدخل في صلب موضوع المحاضره !!!! وكل الوقت الباقي مجرد كلام وامثله .... واشياء معلومات ليست ذات اهميه !! حبيت اشوف اراءكم اذا نفس الشي ولا بس انا اللي اشوفها كذا فكرت اني اعترض وارسل للدكتور ايميل ... بس انا على يقين انهم مارح يغيرون المحاضرات فهي معتمده من 3 سنوات او اكثر ... وتصويرها ياخذ وقت وجهد ومال لذلك بيسحبون على اقتراحي ورأيي صح ؟؟؟ مع ان الدكتور ذكر في اول محاضره ان اي شي تبغونه او اي اقتراح ارسلوه الى الايميل ... بس اعتقد على الفاضي مجرد كلام .....و اراءنا راح تكون مهمشه |
رد: ما هو انطباعكم عن مادة التعلم والتفكير ودكتورها
ماشاء الله الدكتور راعي سواليف تروح نص المحاضرة على السوالف مع ان المادة قصيرة بس المادة حلوة
وشرحة ممتاز ثاني شي ما ادري هل هو يحسب درجة المشاركة ااي من 30 اولا اتمنى هذا |
رد: ما هو انطباعكم عن مادة التعلم والتفكير ودكتورها
من ناحية انه راعي سواليف فهو راعي سواليف
بصراحه انا من النوع المللول ... ما احب السوالف والحكي الكثيره لو انه يدخل بالمحاضره سيده بيكون افضل لنا خاصه وانا معظمنا عنده انشغالات ووظيفه ... ومسؤوليات يعني ماعندنا وقت نضيعه على سواليف ... يالله الواحد يلحق على الدراسه .. وهو قاعد يسولف !!!!! |
رد: ما هو انطباعكم عن مادة التعلم والتفكير ودكتورها
انا ما تابعت الماده , لكن اللي اعرفه ان لكل ماده محتوى ,
تقدرين تحملين الماده عشان تاخذين درجه التحميل بس , اما الباقي إقرئي من المحتوى وافهميه , مو لازم تتابعين المحاضره كلها .. لأن المحتوى هو اللي بنختبر فيه بالنهايه .. |
رد: ما هو انطباعكم عن مادة التعلم والتفكير ودكتورها
رأي فارس :
كل دكتور وله طريقة بالشرح راح نحصل أنواع من الدكاتره وهم كالتالي... 1- دكتور غبي في الشرح 2- دكتور ذكي في الشرح 3- دكتور عاطفي في الشرح كل نوع لها طريقتها في الشرح فالغبي هو اللي يطلع خارج الماده وكأنه سرحان وفي آخر الوقت تحسه توه ينتبه ويتكلم عن نفس الماده والذكي هو اللي يتكلم عن نفس الماده ومهما طول يزيدك معلومات مفيده وتستفيد منه أكثر أما العاطفي هو اللي مايحب يضايق طلابه ويتكلم عن نفس المحتوى ومايطلع خارج الماده نهائياً وكلامه يكون عن نفس المحتوى مما يسبب في إنتهاء الشرح بسرعه لكي تكون سهله على طلابه الله يعينا على هالدكاتره ومن كلامك يبين أنه هالدكتور من النوع الأول المذكور في الرد تبعي بس الأهم من كل شي نتمنى تكون الاسئلة من جميع الدكاتره سهله وبسيطه (( ومو كل دكتور شخصية تكون حلوه )) الاصابع مو سوا تسلم الايادي على الطرح الرائع منك الله يعطيك ملاييين الملاييين من العافيه بالتوفيق للجميع يارب تحياتي لك أخوك / فارس |
رد: ما هو انطباعكم عن مادة التعلم والتفكير ودكتورها
هههههههه
زين الكل ملاحظ انا اول محاضرة شغلتها متحمسه معه بعد 10دقايق قال يالله نبداء بالمحاضرة الاولى:4: هنا شوي وتجيني جلطه طفشت وسكرت الفديو:30: صدق مظيعه للوقت يالله يالله ندرس |
رد: ما هو انطباعكم عن مادة التعلم والتفكير ودكتورها
عليكم بالاعتماد على ملازم هتان وتريحوا بالكم
لانها نفس المحتوى وعن نفسي بعتمد على ملازم هتان التحميلات حق الدرجات فقط |
رد: ما هو انطباعكم عن مادة التعلم والتفكير ودكتورها
ههههههههههه عاد والله انا عكسكم استمعت بمحاضرته جدا لدرجه انه الوحيد اللي كملت المحاضره لااخره اشوف شرحه حلو ويجيب لك امثله ويعيشك الشرح مع الحدث
والماده حلوه وخفيفه لو نظرنا للمحتوى الله يوفقنا |
رد: ما هو انطباعكم عن مادة التعلم والتفكير ودكتورها
الله يصلحه بس الاان ارد عليك واستمع لمحاضرته
يشطح كثير ويضيع الوقت رغم شرحه ممتاز لكن سواليفه طغت عالشرح |
رد: ما هو انطباعكم عن مادة التعلم والتفكير ودكتورها
:38: صدمتوني ,,
المادة من أمتع المواد بل من أفضلها على الإطلاق ,, بعيداا عن كونها مادة دراسية ,, الدكتور يتطرق لأشياء مهمة لحيااتنا العملية ,, نصيحة لا تعتبروها مادة ,, استمتعوا بها ,,:29: |
| All times are GMT +3. الوقت الآن حسب توقيت السعودية: 06:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام