رد: اسماء الاشارة في النحو جننتني
 

/


والله ان الشاهي نزل من خشمي وبقع ملزمة النحو :23:اصورها لك :8:


/




نكمل ...

الحين كلنا نعرف هذا وهذه وهذان وهاتان وهؤلاء الي نستخدمها للجمع المذكر والمؤنث مع بعض
والحين عرفتي وش اصلهم صح ؟؟





كل الي سويناه ضفنا هاء التنبيه وطلعوا لنا بعد مع كانت ذا صصارت هذا

/


الحين عندنا شي اسمه كاف الخطاب يعني كأنك توجهين الكلام للشخص او تتكلمين عنه
مثلا تقولين له قفل فمك سد خشمك <- يرحم والدينك لاضربين امثلة :4:




الحين ذا لو أضفنا لاخرها هالكاف وش بيصير بتصير ذاك
طيب لو دخلنا شي يقاله لام البعد والكاف وش بيصير ؟؟




صح يا روعة ذلك :15:<- تلزقها بجبينك :29:



/


ريحونا هنا ياروعة ماعند صيغة للمفرد او الجمع او المؤنث
قالك ذلك تركب عليهم كلهم كيف يعني ؟؟


مثلا :

ذلك قلم محمد
ذلكٍ قلم فاطمة <- بكسر الكاف
ذلكما قلم أيها الولدان <- انا جالسة ااشر لولدين على قلم فهمتي
يعني مو أقول القلم حق الولدين أنا أأشر لهم على قلم
ذلكم قلم أيها الاولاد

ذلكن الذي لمتنني فيه <- المخاطب جمع مؤنث




/

مركزة ياروعة باقي الاعراب وشي بسيط :42:

رد: اسماء الاشارة في النحو جننتني
 

رد: اسماء الاشارة في النحو جننتني
 

ايه مررركزززززه ورازه خشتي >>> الرجا ملاحظة النجمه الملزقه بالجبهه
وووااااااو بعدي والله الاساسيات فهمتها

رد: اسماء الاشارة في النحو جننتني
 

:14: يسلموا ياغلاهم استوعبت ههههه وكتبت شرحك لاعدمناك :37:

رد: اسماء الاشارة في النحو جننتني
 

/


تلزق النجمة تمممام علشان يشتغل المخيخ :13:



... الحين حنا جبرنا بخاطر ذا وضبطناه
وأضفنا له لام البعد وكاف الخطاب وترزز وصار ذلك :41:

طيب ته وش صار عليها ؟؟؟


سيبويه والفراهيدي ماهان عليهم قالوا ماعندنا تفرقه نزيدها وش فرقها عن أخوها ذا
ذا - الالف وزدنا لام البعد = كاف الخطاب = ذلك

طيب ته ؟؟؟

فكري شويتين ؟؟؟

برافو برافو برافو <- اهجد ياراغب :41:


أكيد بنحذف الهاء ونضيف لام البعد +كاف الخطاب = تلك

تلك أمة قد خلت






/



مافي نحو بدون أعراب
طيب كيف تعرب اسماء الاشارة ؟؟
لاتحفرين ياروعة بعلمك <- تبي جلد ذي :13:




/




قال لك ممكن نعرب اسم الاشارة كله على بعضه كلمة وحده
مثل :

تلك أمة قد خلت

تلك : اسم اشارة مبني على الفتح ... في محل رفع مبتدأ

اسم اشارة اكيد ماجاب شي ... مبني أكيد لان اسماء الاشارة من المبنيات .. وأكيد بيكون في محل رفع مبتدأ
لان ما اقدر اقول مبتدأ لانه اسم اشارة يجي في محل ..فهمتي والا دخلتك بحارة :30:





... ومن زود الفراغة قال لك ممكن نفصفصها وشلون ؟؟

ممتاز ياروعة حرف حرف .. نجمة ثانية فوق حاجبك اليسار :15:


ت : اسم اشارة مبني على الكسر في محل رفع مبتدأ
لام البعد +كاف الخطاب : لامحل لهما من الاعراب .















/



... الزبدة أسماء الاشارة مبنية وتجي في محل .....

ماعدا الي يدل على مثنى فنعرب اعراب المثنى وشلون ؟


هذا للمفرد ............... هذان للمثنى
هذا : اسم اشارة مبني على السكون في محل ...........

هذان : راح اعربها حسب موقعها من الجملة ماراح اقول في محل رفع

مثلا : هذان خصمان اختصموا

هذان : مبتدا مرفوع وعلامة رفعه الالف لانه مثنى


واااااااضح ياروحي :29:

رد: اسماء الاشارة في النحو جننتني
 

وربي واضح
لااااعدمناك يالغلا
الف شكر على هالمجهود الرائع:19::1:
مانسى معروفك
لقد فهمت جيدا:27::16::43:

رد: اسماء الاشارة في النحو جننتني
 

/



الحمد لله اذن هيا بنا نلعب :13:<- فيس سنفور عبقري:8:




عااادي والله المهم استفدتي ... لو أشكل عليك شي اسألي :1:

رد: اسماء الاشارة في النحو جننتني
 

كاريزما و لك أحلى تقيييييييييييييم :16:

روعة الحمد لله على السلامة ي :1:

رد: اسماء الاشارة في النحو جننتني
 

ربي يسلمك ساميه :2:
الحمدلله تم بعون الله
ثم مساعدة الدكتورة كارزما:15::15::15::15::15:

رد: اسماء الاشارة في النحو جننتني
 

^


هههههههههههههه باقي شي نكشف عليه :31::34: