|
ودي أسمع اقتراحاتكم في هذا الامر
السلام عليكم ورحمة الله وبركاته
ياناس أنا عقدتي مادة الانجليزي حرف واحد ما أعرفه وبصراحه فكرة إني أنسحب من الجامعه هذي وأسجل في جامعة الامام محمد بن سعود الاسلامية تخصص دعوة إرشاد يقولون مافيييه انجليزي اش رايكم |
رد: ودي أسمع اقتراحاتكم في هذا الامر
الانجليزي سهل بس ركز وادرسه كويس والله المنهج بسيط ومافيه اي تعقيد والقسم هذا مليان ملخصات واسئلة مبسطين لك الموضوع ,
ولو جبت لك مدرس خصوصي صار اسهل عليك أكثر . وبصراحة مادري عن جامعة الامام الاخوان يفيدونك فيها , الله يوفقك يااخوي . |
رد: ودي أسمع اقتراحاتكم في هذا الامر
الماده اللي جد الدكتور نزل منها كثير ترى الإنجليزي ركز على اللاشياء اللي حددها معنا
وانتبه للقاعدات ترى يمدك إن شاء الله . لاتسحب عشان ماده وحده:14: شوفنا ندرس تحرير ونحو الله وكيلك مادرري وش الطبخه للحين :14: ولا افكر اسحب ابدا ركز وشد حيلكك والله يسهل لك ولنا فالنا +a إن شاء الله |
رد: ودي أسمع اقتراحاتكم في هذا الامر
الله يجزاك خير بس أنا مشكلتي مشكلة مع الانجليزي والله لو ايش مرررره معقد نفسيا منها مرررررة
|
رد: ودي أسمع اقتراحاتكم في هذا الامر
الانجليزي عله بس ركز ع القواعد والكلمة وعكسها وفالك النجاح أما الانسحاب مو حل
|
رد: ودي أسمع اقتراحاتكم في هذا الامر
انتو مومعطين انفسكم فرصه ابدا
بعدين حاولوا تشوفون الشرح ماشاء الله الكل مسوي ملخصات وكم طريقه تساعدنا لاتحاولون تحكمون وإنتوا لسى ماجربتوا الماده ولا عرفتوها من جد:24: بعدين شيء معم تذكروه ((أنا عند ظن عبدي بي)) بعد هالشيء مافي شيء صعب حاولوا تشوفون الملخصات هنا ولو في شيء مافهمتوه اطلبوا شرح ويساعدونكم في وقت الحمد لله يمديكم تظمنون إن شاء الله درجة النجاح على الأقل. بعدين ربي بيكتب لنا كل شيء حلو لنا. ماتشوفوني قاعده افتر بالمواضيع للإنجليزي:13: حلوه الماده :21::42: |
رد: ودي أسمع اقتراحاتكم في هذا الامر
(الصخور تسد الطريق امام الضعفاء ,,اما الاقوياء فيستندون عليها للوصول الى القمه )
شوف وانا اختك فكرة الانسحاب الغيها بتاتآ ولا تفكر بالانسحاب ,, لاني واثقه ومتأكده انك قدها وتقدر تجيب امتياز بعد ,,بس مشكلتك انك حطيت هالفكره بمخك وتركتها تعشعش جواته ولا حاولت تغيرها ,, ولازم تعرف اساسات اللغه الانقليزيه عشان تمشي فيها .. انت لما دخلت اولى ابتدائي درست اساساتها وقواعدها اللي لايمكن تتغير ,, وبعدها صرت بلبل بالعربي ,, والانقليزي مثل العربي له اساسات وقواعد لو عرفتها بتصير بلبل ومنطلق كمان .. والانسان لايولد عالم ,,لابد من التعلم والممارسه للغه وفالك النجاح والتوفيق ي رب اتمنى اكون اقنعتك :29::16: |
رد: ودي أسمع اقتراحاتكم في هذا الامر
اقل مافيها ادخل الاختبار
وحقرة بقرة عد العشرة يمكن تصيب معك احسن من الانسحاب :21: |
رد: ودي أسمع اقتراحاتكم في هذا الامر
من صجك تنسحب الأنجليزي مهم بالحياه لازم تتعلمها الوظايف اكثرها تبي لغه أنجليزيه لازم تتعلم ولا ماراح ينفعك
: ) |
رد: ودي أسمع اقتراحاتكم في هذا الامر
تسلموووووووووووووووووووووون ردودكم تفتح النفس وتشجع امانه دعواتكم
|
رد: ودي أسمع اقتراحاتكم في هذا الامر
الامام صعبه مافيه مساعده اعمال سنه
وكمان فيه نحو وحفظ سورة البقره وانا من رايي انك تاخذ لك مدرس يعلمك الانجلش. كيف تقرا وبعدها راح تمشي فيه يمكن خيره ك |
رد: ودي أسمع اقتراحاتكم في هذا الامر
نصيحتي لك العالم الان اصبح قرية واحدة ولين متى وانت هارب من الانجليزي
بكرة راح تحتاج لهذه اللغة في الدعوة والارشاد لو حولت في العمل والوظائف الجيدة ايضا ماتدري وش مكتوب لك ماهو في علم الغيب ممكن تمرض انت او احد اصدقاءك او اهلك ( الله يعافي الجميع ويسلمهم ) والمرض اختبار وابتلاء افرض تقرر بك السفر للخارج وش السوات ............ اترك لك الاجابة |
رد: ودي أسمع اقتراحاتكم في هذا الامر
انا نفس مشكلتك اليوم حليت والله ما ادري وش حليت مع اني جبت مدرسة ودفعت واجتهدت بالمذاكرة وربك يعين وازيددك من الشعر بيت المدرسة بغت تقطع شعرها مني من شدة البلادة
|
رد: ودي أسمع اقتراحاتكم في هذا الامر
هههههههههههههههه تسلمون والله ياشباب وبنات بس اضحك ع المدرسه شكلها للحين مصدعه
|
رد: ودي أسمع اقتراحاتكم في هذا الامر
. . . " الاخ : علي بشر وش سويت باختبار الانجليزي امس طمنا :29: . . . |
رد: ودي أسمع اقتراحاتكم في هذا الامر
والله ياخاطر الحمدالله الله يسرها أنا حرف واحد ما اعرفه حقره بقره والقطعه امكن هي صح لانه جلست ادور الكلمات المتشابه واحل
|
رد: ودي أسمع اقتراحاتكم في هذا الامر
,,, توكل على الله وماتخيب ابدآ ,,,
الله يوفقك وييسر لك ونصيحه مني لك وللجميع دايم كرر (( سبحانك لا اله الا انت اني كنت من الظالمين )) والله العظيم ان تتيسر جميع امورك ويرضيك الكريم ويكفيك ما اهمك بس قولها وانت موقن بها ومتأكد ان الله بيفرحك ويحقق مرادك في اي شيئ تبيه ,,, وتأكد ان مافيه شيئ يجي بالساهل لابد من التعب ومواجهة بعض المطبات وساهر وقسايم وقلق بس بالصبر والاراده القويه انشاء الله توصل لبر الامان وانت مرفوع الراس وشهادتك معك ,,, |
رد: ودي أسمع اقتراحاتكم في هذا الامر
طالما انك دخلت الجامعه لاتنسحب والله يعينك
لكن جامعه الامام روعه واكثر نسبة نجاح عندهم مو مثل جامعتنا :12: |
رد: ودي أسمع اقتراحاتكم في هذا الامر
. . . هلا علي إن شاء الله تنجح وتتيسر امورك وتصير بلبل في الانجليزي وتفاءل بالخير وان شاء الله تجده الامور سهله يبي لنا شوية إرادة وعزيمة وربك على تيسير الامور قادر :29: . . . |
| All times are GMT +3. الوقت الآن حسب توقيت السعودية: 01:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام