ملتقى طلاب وطالبات جامعة الملك فيصل,جامعة الدمام - مذاكرة جماعية سؤال مهم ف النحو رح يجينا :)

اقتباس:

المشاركة الأصلية كتبت بواسطة MilaFahad (المشاركة 9891709)

السلام عليكم ورحمة الله وبركاته

..~

بما انو انا انسانه مرا مرا تكره النحو والإعراب والكلام هذا :(117):
وبما انو صورت الملزمه على غير فايده :(117):
اقرأ بصوت عالي واحاول استوعب و اشرح لنفسي بس مره مافي أمل استوعب :(117):
لدرجة اني حسيت ما رح اعدي الإختبار على خير :(117):

المهم افتكرت هنا وحده مو حاضرني اسمها الله يسعدها قالت انو لو نسمع المحاضرات
بعدين نذاكر رح نفهم افضل ف لحظتها افتكرت كلامها وافتكرت نفسي ايام الثنوي
كيف لما انتبه لشرح الأبله افهم مزبوط !!

..~

كأني طولتها :Looking_anim: ؟
رح ادخل ف الموضوع .. وما ابغى الا دعواتكم عشان منجد احتاجها :verycute::004:
قبل شويه وانا اسمع للمحاضره السابعه وصلت للنهايه
الدكتور قال شغله ..

جيبو ملزمة النحو وافتحو صفحة 22 *اللي عندهم ملازم هتان*
واللي ماعندهم يروحو لنهاية المحاضره السابعه وخلاص .. المهم شوفو آخر تدريب ف المحاضره السابعه
رح تلقو سؤال :
بين مسوغ الإبتداء بالنكرة المخطوط تحتها .... إلخ

هذا السؤال لما وصلناه قال الدكتور انو جدا مهم و حتجينا اسئلة كثيره منو
يعني لازم تحفظو ( مسوغات الإبتداء بالنكره ) مزبووووووط عشان رح تجينا
جمل كثيره وتحتها خيارات نختار منها ايش مسوغ الإبتداء تبعها :icon1:

..~

يمكن كثير منكم يعرف بمقابل انو كثير برضو مايعرف لأنو مو كلنا
نشوف المحاضرات وانا لولا الله ثم كرهي للنحو مافتحت المحاضره ولا سمعت
الهرجه ولا اهتميت اساسا بالمسوغات لأني وقت المحاضره ما انتبهت لها مزبوط
ماحسيتها مهمه ..

الزبده هذا كل اللي عندي وما ابغى الا دعواتكم انو ربي يوفقني بأعلى الدرجات دنيا وآخره :verycute::004:

السلام عليكم حبيبتي

هذا ان دل على شي فهو يدل على طيبة قلبك و حرصك على الخير
الف شككرا عالنصيحه والله يوووفقك انا مثلك متأزمه بالنحو و جايني خوف منه الله يستر مع ان الدكتور واضح عليه سمح و فاهم ان الماده غثيثه :bawling:

الله يسعدك عززيزتي و ييسر امرك و يعينا يارب عالمذاكره شككرا:rose: